Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Маскулинизм (Феминизмын эсрэг чиглэсэн, эрчүүдийн давамгайлал, “эрчүүдийн эрхийг хамгаална” гэсэн нэрийн дор эмэгтэйчүүдийг буруутгах, дорд үзэх, жендерийн тэгш байдлын эсрэг үзэл суртлыг хэлдэг . . .)
Анализ — Европ
Эмэгтэйчүүдийн эсрэг хүчирхийллийг устгах олон улсын өдрийг тохиолдуулан "FRANCE 24" нь эмэгтэйчүүдийг үзэн ядах үзэл, эрчүүдийн давамгайллыг сурталчилсан маскулинист үзэл хэрхэн огцом өсөж, хүчирхийллийг хэвийн үзэгдэл болгох эрсдэлийг судалж байна.
Сүүлийн арван жилд эмэгтэйчүүдийн эсрэг онлайн хүчирхийлэл огцом нэмэгдсэн.
Сүүлийн арван жилд эмэгтэйчүүдийг чиглэсэн "дижитал" хүчирхийлэл эрс өсөв. НҮБ-ын мэдээлснээр, дижитал халдлага нь дэлхийн хэмжээнд хүйсийн тэгш бус байдалд суурилсан хүчирхийллийн гол хэлбэрүүдийн нэг болжээ.
2021 онд Economist Intelligence Unit байгууллага 45 улсад хийсэн судалгаагаар:
Дэлхийн хүчирхийлэлд өртсөн нийт эмэгтэйчүүдийн 85% онлайн хүчирхийлэлд өртсөн, эсвэл гэрч болсон.
Европт — 74%
Латин Америк, Карибын тэнгист — 91%
Африкт— 90%
Түүнчлэн Hubertine Auclert төвийн судалгаагаар гэр бүлийн хүчирхийлэлд өртсөн эмэгтэйчүүдийн 10 хүн тутмын 9 нь дижитал хүчирхийлэлд өртдөг.
Дижитал технологи хөгжихийн хэрээр ийм хүчирхийлэл улам нарийн, илүү зохион байгуулалттай, илүү садар шинжтэй болж, эмэгтэйчүүдийн нэр төрийг зөрчих deepfake-үүд олширч байна.
Deepfake гэдэг нь (Хүний царай, дуу хоолой, биеийн хөдөлгөөнийг хиймлээр солих, өөрчлөхийн тулд хиймэл оюун (AI) ашиглан бүтээсэн хуурамч зураг, видео, аудио юм)
Гэхдээ хүчирхийлэл зөвхөн технологийн хөгжлөөс болсон биш: маскулинист үзэл — феминизмын эсрэг, эрчүүдийн давуу талыг сурталчилсан хөдөлгөөн — эрс нэмэгдэж, онлайн соёлыг дахин тодорхойлж, эмэгтэйчүүдийг чиглэсэн бүдүүлэг, хүчирхийлэлд уриалсан хандлагыг хэвийн болгожээ.
Инсел (“involuntary celibates”) форумууд, жендэрийн үзэн ядалтыг сурталчилсан инфлюэнсерүүд, “анти-в woke”, анти-феминист онлайн нийгэмлэгүүд платформ бүрт нэмэгдэж байна.
Францын IRIS think tank-ийн судалгаагаар:
“Залуу эрэгтэй интернет хэрэглэгч 30 минут ч хүрэхгүй хугацаанд ийм контент руу алгоритмаар чиглүүлэгддэг.”
Ингэснээр маскулинист үзэл нь илүү олон хүнд хүрч, улс төржсөн, ил тод хүчирхийлэл дагуулсан, нийгмээр хүлээн зөвшөөрөгдөх хандлага бүхий онлайн дайралтуудыг нэмэгдүүлж байна.
Европын жендерийн тэгш байдлын хүрээлэн (EIGE) 2022 онд:
“Кибер хүчирхийлэл бол хувийн асуудал биш. Энэ бол эмэгтэйчүүд, охидын эсрэг хүчирхийллийн тасралтгүй хэлхээний нэг хэсэг.”
Онлайн орчинд бодитоор байдаг хүчирхийлэл улам хүчтэй болж байна.
Маскулинист суртал нь энэ хүчирхийлэлд шинэ утга, чиглэл өгч, эмэгтэйчүүдийн эсрэг системтэй дайралтад хувиргадаг.
Зарим эрчүүд гэр бүлийнхээ эмэгтэйчүүдийн жинхэнэ болон хуурамч порно зураг, видео контентыг Facebook, WhatsApp, Telegram-ийн хаалттай группт хуваалцаж байна. Энэ бол системийн хүчирхийлэл гэж “Gender in Geopolitics Institute”-ийн хамтаар удирдагч Алис Апостоли онцолжээ.
Түүний хэлснээр:
“Маскулинист агуулгын тэсрэлт нь жендерийн хэвшмэл ойлголт дээр тулгуурласан худал мэдээллийг тарааж, феминист идэвхтэн, улс төрч, сэтгүүлч, уран бүтээлч эмэгтэйчүүдийг чиглэсэн хүчирхийллийг улам хүчирхэгжүүлж байна.”
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Энэ нь цахим орчинд хүчирхийлэлтэй тэмцэх ажилд том сорилт болж байна.
Андрю Тэйт шиг ганц инфлюэнсер олны анхаарал татаж байгаа ч маскулинизм нь ганц хүний бус, олон бүлэгт суурилсан хөдөлгөөн гэж судлаач Стефани Лами (La Terreur masculiniste) тайлбарладаг.
Тэрээр маскулинистуудыг:
“Радикал орчинд хөгжсөн, хүчирхийллийг сүрдүүлэг мэт үздэг олон үзэл санааны нийлбэр”
гэж тодорхойлжээ.
2020 онд Францад маскулинист үзлээс үүдэлтэй цорын ганц аллага гарсан нь Мелани Гионегийн хэрэг. Гэхдээ хууль ёсоор “үзэл суртлын халдлага” гэж ангилаагүй.
Гэвч Лами хэлэхдээ:
“Хэрэгтэн MGTOW бүлгийн бусад гишүүдтэй хамтран үйлдэл хийсэн нь нотлогдсон. Тиймээс энэ бол зохион байгуулалттай байсан.”
2021–2023 онд Францын Сен-Этьен, Бордо, Аннеси хотуудад эмэгтэйчүүдийн эсрэг халдлага хийхээр төлөвлөж, зэвсэг хуримтлуулж байсан гурван эрэгтэйг баривчилжээ.
Сен-Этьенд баригдсан Тимоти G.-ийн хувьд тэр инсель форумуудын уриалгаар халдлага хийхээр өдөөгдсөн гэж гэрчүүд мэдүүлсэн.
Маскулинизм нь өөрийн хэл, өөрийн дайсан, өөрийн үндэслэлтэй болсон. Энэ хэлбэр хумигдах тусам хүчирхийлэл улам нэмэгддэг.
TFGBV буюу технологиор дэмжигдсэн жендерийн хүчирхийлэл эрс өсөж буй шалтгаан нь:
Эмэгтэйчүүдийн олон нийтийн оролцоо нэмэгдсэн
Эрэгтэйчүүдийн радикал бүлгүүд зохион байгуулалттайгаар тэднийг довтолж байна
Алис Апостолигийн хэлснээр:
“Энэ бол улс төрийн зорилготой хүчирхийлэл. Зорилго нь эмэгтэйчүүдийг онлайн болон бодит олон нийтийн орчноос алга болгох, дуу хоолойг нь хаах.”
Гэвч энэ бүхний эсрэг хууль эрх зүйн зохицуулалт тун сул байна.
GREVIO 2022 онд:
“Олон улс тодорхой төрлийн дижитал хүчирхийллийг гэмт хэрэгт тооцсон ч хууль нь ихэвчлэн хэт нарийссан, хэрэгжилт маш сул.”
Европын үзэн ядалтын үг хэллэгийг зохицуулдаг хууль нь терроризм, арьс өнгөөр ялгаварлах үзэлтэй холбоотойгоор бий болсон тул жендерийн эсрэг үзэн ядалтыг тооцдоггүй. Энэ нь том “сохор цэг” гэж Лами онцлов.
Жил ирэх тусам онлайн платформууд маскулинист, жендерийн хүчирхийллийн гол үүр болчихоод байна.
Алис Апостоли:
“DSA (Европын Холбооны Дижитал үйлчилгээний хууль) болон GDPR (мэдээлэл хамгаалалт) сайн боловч, Америкийн платформууд ЕХ-д өөрсдөө юу хийхээ шийдэх эрхтэй хэвээр.”
Мөн 2023 онд батлагдсан AI Act нь жендерийн асуудлыг бүрэн орхисон гэж тэр шүүмжилжээ.
Лами:
“Платформын зохицуулалт аль хэдийн хэтэрхий оройтсон. Энэ бол технологийн биш, улс төрийн асуудал.”
Тэр эмэгтэйчүүдийн эсрэг хүчирхийлэлтэй тэмцдэг ТББ-уудад тогтвортой санхүүжилт хэрэгтэйг онцолсон. Францын 2024 оны жендерийн тэгш байдлын төсөв €36.5 саяас €101.1 сая болж өссөн ч бодит хэрэгцээ нь €2.5–70 тэрбум гэж Сенатын тайланд дурджээ.
Апостоли дараах зүйлсийг онцлов:
Эрүүл харилцаа, сэтгэл хөдлөл, жендэрийн боловсролыг багаас нь заах
Феминист болон дижитал эрхийн байгууллагуудыг дэмжих
Онлайн худал мэдээлэл, троллингийн эсрэг кампанит ажил явуулах
Лами:
“Хэрвээ бид асуудлыг ердөө дижитал орчинтой хамааруулж харвал хэзээ ч шийдэхгүй.”
Маскулинизм бол өөрийн гэсэн бүтэцтэй, олон улсын хил давсан, улс төржсөн хөдөлгөөн болж, онлайн орчноос давж, бодит нийгмийн хэлэлцүүлэг, бодлогын түвшинд нөлөөлж байна.
