Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Бямба гарагийн орой буюу урд шөнө АНУ-ын Ерөнхийлөгч Дональд Трамп, Тэргүүн хатагтай Мелания Трамп нарын оролцсон, жил бүр зохион байгуулагддаг Цагаан Ордны сэтгүүлчдийн оройн зоогны үеэр буун дуун гарсан байна.
Нууц албаны (Secret Service) ажилтнууд яаралтай арга хэмжээ авч Ерөнхийлөгч, Тэргүүн хатагтай нарыг хүлээн авалтын танхимаас гаргасан аж. Учир нь буутай этгээд хамгаалалтын бүсийг нэвтрэхийг оролдсон гэж нууц албаныхан мэдээлсэн.
Буугаар зэвсэглэсэн этгээд (шотган) нууц албаны нэг ажилтан руу гал нээсэн гэж Холбооны Мөрдөх Товчооны (FBI) албан тушаалтан хэвлэлд мэдээлсэн байна. Уг ажилтан сумнаас хамгаалах хантаазтай байсан тул гэмтэл аваагүй гэж мөн дурджээ.
Ерөнхийлөгч Дональд Трамп арга хэмжээ цуцлагдсанаас хойш ойролцоогоор нэг цагийн дараа өөрийн нийгмийн сүлжээнд “Буудсан этгээдийг баривчилсан” гэж бичсэн.
Тэрээр:
Вашингтонд нэлээд онцгой орой боллоо. Нууц алба болон хууль сахиулах байгууллагууд гайхалтай ажиллалаа
хэмээн сэтгэгдлээ нэмж бичжээ.
Удалгүй тэр дахин бичсэн сэтгэгдэлдээ:
Тэргүүн хатагтай, Дэд ерөнхийлөгч болон Засгийн газрын бүх гишүүд бүрэн аюулгүй, сайн байгаа.
гэж мэдэгдсэн бөгөөд Цагаан ордонд хэвлэлийн бага хурал хийхээр төлөвлөж байгаагаа мэдэгдсэн.
Нууц албаны хэвлэлийн төлөөлөгч Антони Гуглаймли арга хэмжээ болох хэсгийн үүдэнд үндсэн шалгалтын бүсийн ойролцоо буудалцаан болсон хэрэгт мөрдөн шалгалт явуулж байгаа
гэв.
Буун дуу гарсны дараа оройн зоогт оролцогчид шууд яриагаа зогсоож, хүмүүс “Доош суу, доош суу!” хэмээн хашхирч эхэлсэн байна. Ойролцоогоор 2'600 зочин уригдсан, зочны олонх нь газар хэвтэж, хамгаалалтанд орж, үйлчлэгчид хоолны танхимын урд хэсэг рүү зугтсан аж.
Аюулгүй байдлын ажилтнууд Засгийн газрын гишүүдийг газар хэвтүүлэн хамгаалсан бөгөөд хамгаалалтад орсон Засгийн Газрын гишүүдэд Төрийн нарийн бичгийн дарга Марко Рубио, Эрүүл мэндийн сайд Роберт Кеннеди Жр., Дотоод хэргийн сайд Дуг Бургум нар багтсан байна.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Мөн байлдааны хувцастай хамгаалалтын алба хаагчид тайз руу дайран гарч, Ерөнхийлөгч Дональд Трамп, Тэргүүн хатагтай нарыг яаралтай тайзны ар руу гаргажээ. Зарим хамгаалалтын ажилтнууд тайзан дээр байр эзэлж, винтов буугаа танхим руу чиглүүлэн хамгаалалт хийсэн байна. Үүний дараа Засгийн газрын гишүүдийг нэг нэгээр нь гаргасан.
Ерөнхийлөгч Дональд Трамп болон тэргүүн хатагтай тайзны ард доош бөхийж нуугдсаны дараа Нууц албаны ажилтнууд тэднийг хурдан гаргажээ. Эх сурвалжийн мэдээлснээр Ерөнхийлөгч Дональд Трамп тайзны ард ойролцоогоор нэг цаг орчим байсан бөгөөд “Бид энд үлдэнэ” гэж хэлж байхыг нь хүмүүс сонссон байна.
Эцэст нь тухайн оройн арга хэмжээг бүрэн цуцалжээ. Дональд Трамп нийгмийн сүлжээндээ уг арга хэмжээг 30 хоногийн дараа дахин зохион байгуулах боломжтой гэж найдаж байгаагаа илэрхийлсэн байна.
Энэ нь Дональд Трамп Ерөнхийлөгчөөр ажиллаж байх хугацаандаа анх удаа уг оройн зоогт оролцож байгаа тохиолдол юм.
Тэрээр 2021 онд Цагаан ордноос гарсныхаа дараа, мөн дахин сонгогдох кампанит ажлын үеэр буюу 2024 онд хоёр удаагийн амь насанд халдах оролдлогын бай болсон юм.
Хамгийн ноцтой нь 2024 оны 7-р сард Пенсильваниад болсон сонгуулийн кампанит ажлын үеэр гарчээ. Тэр үед 20 настай зэвсэгт этгээд Дональд Трамп руу буудаж, түүний чихний дээд хэсгийг шархдуулсан юм. Харин буудагчийг хамгаалалтын албаныхан газар дээр нь буудан хөнөөсан.
Түүнээс ердөө хоёр гаруй сарын дараа, Трамд Олон Улсын Гольфын тэмцээнд гольф тоглож байх үед бутанд нуугдсан, буутай этгээдийг нууц албаны ажилтнууд илрүүлж байсан юм. Энэ үйлдлийг мөн амь насанд халдах оролдлого гэж үзсэн бөгөөд сэжигтэн 2-р сард бүх насаараа хоригдох ял сонсчээ.
Энэ удаагийн оройн зоог болсон газар болох Вашингтон Хилтон нь өмнө нь ч мөн адил халдлагын газар болж байсан түүхтэй. 1981 онд АНУ-ын Ерөнхийлөгч Рональд Рейген тус зочид буудлын гадаа буудуулж, шархдаж байсан түүхтэй.
