Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Хураангуй:
-Хэвлэлийн газар 4 ажилтныг нь байцаалтад дуудсан гэж мэдэгдэв
-Уг хэрэг нь ЛГБТ агуулгатай номтой холбоотой гэж Eksmo компани мэдээлэв
-ОХУ ЛГБТ үйл ажиллагааг “экстремист” гэх ангилалд оруулсан.
-Ерөнхийлөгч Владимир Путин өөрийгөө ОХУ-ын “Ёс суртахууны хамгаалагч” мэтээр харуулахыг зорьж байна
Лхагва гарагт ОХУ-ын хамгийн том хэвлэлийн газар номынх каталогт “ЛГБТ суртал ухуулга” байж болзошгүй гэх асуудлаар зарим ажилтнуудыг нь байцаалтад дуудсан талаар мэдээллээ. Энэ үйл явц нь Ерөнхийлөгч Владимр Путиний үед гей болон трансжендер хүмүүсийн эрхийг хязгаарлах бодлогынх нэг хэсэг байж болох юм.
Мягмар гарагт ОХУ-ын хэвлэлүүд: Онц ноцтой гэмт хэргийг шалгадаг Мөрдөн байцаах хороо Москва дахь Eksmo хэвлэлийн газрын байранд нэгжлэг хийж, жилийн өмнө нээсэн эрүүгийн хэргийн хүрээнд хэд хэдэн ажилтныг саатуулсан гэжээ.
Ерөнхийлөгч Владимир Путин ОХУ-ыг “Ёс суртахууны уламжлалт үнэт зүйлсийг хамгаалагч” улс гэж харуулахыг зорьж, “Ёс суртахуунгүй Баруун”-тай сөргүүлэн сурталчилж буй энэ цаг үед Москва “ЛГБТ хөдөлгөөн”-ийг хориглож, “экстремист байгууллага” гэж зарласан. Түүнийг дэмжигчдийг террористууд гэж үзэх болсон юм.
ОХУ-д хөгжмийн суваг, онлайн кино түгээгч, ном хэвлэлийн газар зэрэг хувийн компаниуд ЛГБТ агуулга байршуулсан гэх шалтгаанаар тогтмол торгууль хүлээдэг.
Гэсэн хэдий ч лхагва гарагт гаргасан мэдэгдэлдээ Eksmo компани “Мөрдөн шалгах ажиллагаа явагдаагүй, ном хураан аваагүй” гэж үгүйсгэсэн байна. Харин тус компанийн ерөнхий захирал Евгений Капьев болон өөр гурван ажилтныг байцаалтад дуудсан гэдгийг баталжээ.
Тэднийг албан ёсоор саатуулсан эсэх нь тодорхойгүй байгаа юм. ОХУ-ын хуульд зааснаар, саатуулснаас хойш 48 цагийн дотор яллах дүгнэлт үйлдэх ёстой. Кремль энэ хэрэгт одоогоор тайлбар өгөөгүй бөгөөд Мөрдөн Байцаах Хороо сэтгүүлчдийн асуултад шууд хариу өгөөгүй байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Eksmo мэдэгдэлдээ, энэ хэрэг нь өөр нэг компани болох Popcorn Books-ийн хэвлэсэн номтой холбоотой гэжээ. Тус компанийг Eksmo 2023 онд худалдан авсан ч 2026 онд хаасан байна.
Popcorn Books нь өсвөр насныхан болон залуу уншигчдад зориулсан, зарим нь ЛГБТ дүр эсвэл үйл явдалтай ном хэвлэдэг байсан гэгддэг. “Пионерийн зангиатай зун” (Summer in a Pioneer's Tie) нэртэй, Зөвлөлтийн зусланд бие биедээ дурласан хоёр хөвгүүний тухай өгүүлсэн роман нь ОХУ-д ихээхэн амжилт олж, эхний 6 сард 200,000 гаруй хувь борлогджээ.
Тус номын хамтран зохиогч Елена Малисова хэлэхдээ, хоригийн улмаас Оросын уншигчид түүн бичсэн шиг “Зүгээр л хайр, мэдрэмжийн тухай” номыг олон нийтийн газар унших боломжгүй болсон гэжээ.
Тэрээр номоо хэвлэгдсэний дараа ОХУ-аас гарч ХБНГУ-ын нийслэл Берлин хотод амьдарч байгаа бөгөөд энэ хэргийг илт “улс төрийн шинжтэй” гэж үзэж байна.
Түүний хэлснээр:
Ийм төрлийн хэрэг улам бүр нэмэгдэх тусам хэвлэлийн газрууд 100 хувь зөвшөөрөгдөөгүй ямар ч агуулгатай ном хэвлэхээс айдаг болно.
гэжээ.
Eksmo компани мэдэгдэлдээ, 2025 оны 5-р сард нээсэн эрүүгийн хэрэг нь Popcorn Books компанийн Eksmo-д нэгдэхээс өмнө хэвлэсэн, “ЛГБТ суртал ухуулгын шинжтэй” хэд хэдэн номтой холбоотой гэжээ.
Мөн агуулахын бүртгэлд бүртгэгдээгүй хэдэн арван ном Popcorn компанийг хаах үеэр худалдаалагдсан нь энэ хэргийг үүсэх шалтгаан болсон гэж тайлбарласан байна.
Одоогийн байцаалт нь энэ хэрэгт буруутгагдаж буй Popcorn Books-ийн ажилтнуудын өгсөн мэдүүлэгтэй холбоотой байх магадлалтай.
гэж Eksmo үзэж байна.
Энэ сарын эхээр Eksmo компани нь 1990 оноос хойших нийт 3 сая гаруй номын сангаа хиймэл оюун ухаан болон бусад аргаар шалгаж, хориглосон агуулга байгаа эсэхийг нягталж эхэлсэн гэж Оросын RBC сонинд мэдээлсэн байна.
