Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
70 гаруй мянган иргэнээс гарын үсэг цуглуулж, саналаа ирүүлсний дагуу УИХ-аас хийх агаарын бохирдол, утааны хяналтын сонсгол яг одоо эхлэх гэж байна. Утааны хяналтын сонсгол"Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл" сэдвийн хүрээнд хоёр хоног үргэлжилнэ.
УИХ-аас Агаарын бохирдол, утааны асуудлаар ерөнхий хяналтын сонсголын бэлтгэлийг хангах, зохион байгуулах үүрэг бүхий уг ажлын хэсэг байгуулж, УИХ-ын гишүүн Ж.Чинбүрэн ахалж ажиллаж эхэлсэн. Харин тус ажлын хэсгийн гишүүдээр УИХ-ын гишүүн Б.Бат-Эрдэнэ, Ж.Бат-Эрдэнэ, Х.Баасанжаргал, Ц.Баатархүү, П.Батчимэг, Б.Баярбаатар, Г.Ганбаатар, Л.Мөнхбаясгалан, М.Мандхай, З.Мэндсайхан, Д.Найдалаа, Дам.Цогтбаатар, С.Лүндэг, А.Ундраа, Б.Уянга, С.Эрдэнэболд, С.Замира, М.Ганхүлэг нар багтжээ.
Ажлын хэсгийнхэн хяналтын сонсголоосоо урьтаж, утааг хөндсөн хэлэлцүүлгийг өнгөрсөн долоо хоногуудад гурван ч удаа зохион байгууллаа. Гэхдээ сонсголын өмнөх хэлэлцүүлгүүдээр “Утааны хор уршиг юу байна вэ”, “Утаа яагаад улам хортой болов”, “Утаанаас хэн хэн ашиг хонжоо хайж, улсын төсвийн мөнгийг хэдийг завшсан” гэх асуудал огт хөндсөнгүй. Зөвхөн албан тушаалаа аваад удаагүй дарга нар ирэх жилүүдэд утааны эсрэг юу хийх тухайгаа ирээдүй цагт ярьсаар дуусгалаа. Үндсэндээ, Түр хороо нь ач холбогдол муутай хэлэлцүүлгийг зохион байгуулсаар утааны сонсголыг улиг болсон сэдэв болгож чадлаа.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Ажлын хэсэг агаарын бохирдол, утааны хяналтын сонсгол хийхээр бэлтгэлээ хангасан. Харин олон нийтийн зүгээс утааны сонсголыг Төрийн ордонд бус нийслэлийн хамгийн их утаатай хэсэгт, газар дээр нь гэр хороололд очиж хийхийг уриалаад байсан ч, тэд сонссонгүй.
Нийтийн болон хяналтын сонсгол хийх нь зөв зүйтэй ч өмнө нь зохион байгуулсан нүүрсний, хөгжлийн банкны сонсголуудын үр дүнгээс харвал, утааны сонсгол хэдэн улстөрчдийн пи-ар болоод дуусах вий гэсэн болгоомжлол иргэдийн дунд байна. Өвөл болохоор утаагаа санадаг Үе үеийн Засгийн газар, Хотын дарга, төр утаатай тэмцэж, утаагаар хөлжиж, улс төр хийх ирсэн нь бодит үнэн билээ. Тиймээс энэ удаагийн утааны сонсголд цөөн хэдэн улстөрчдийн пи-ар болж, хариуцах эзэнгүй, хариуцлага тооцох хаяггүй хэдэн өдөр хэдэн улс төрчдийн нэр зарлаж битгий өнгөрөөгөөсэй.
Эмч нар нь Улаанбаатарын утаа, агаарын бохирдол хавдарт өвчинд нөлөөлөх хэмжээний эрсдэлтэй байна гэж шинжилж, судлаад байхад тухайн судалгааг нь ч олон нийтэд нээлттэй өгчих хүсэл Ажлын хэсэгт алга.
Улаанбаатарын утаа, агаарын бохирдол бол Монгол Улсын Үндсэн хуулийн гол заалт болох Монгол хүн эрүүл аюулгүй орчинд амьд явах эрхийг ноцтой зөрчиж буй ГЕНОЦИД болоод удлаа. Утааны хяналтын сонсгол ийм түвшинд утааны асуудлыг хөндөн хэлэлцэж чадах болов уу? 
