Доналд Трамп "Интел" компанитай хийж буй хэлцлийг эсэргүүцэгчид бол тэнэгүүд

НИЙТЭЛСЭН:

2025-08-27 15:00

Гол агуулга

АНУ-ын Ерөнхийлөгч Дональд Трамп тус улсын "Intel" компанийн 10%-ийн хувьцааг төр эзэмших хэлцлийг шүүмжилсэн хүмүүсийг “тэнэгүүд” гэж нэрлээд, “иймэрхүү хэлцлийг манай улс өдөржин хийх болно” хэмээн мэдэгдлээ. Үүнийг зарим шүүмжлэгчид хувийн компаниудыг төрийн оролцоогоор улс төржүүлэх эрсдэлтэй гэж болгоомжилж байна.

Гол баримтууд

Трамп Truth Social дээр АНУ-ын Засгийн газар Intel-д “ТЭГ ТӨЛБӨРӨӨР” хөрөнгө оруулсан гэж мэдэгджээ. Энэ нь төрөөс олгосон буцалтгүй тусламжийн мөнгийг ашиглаж хувьцаа авсныг хэлж буй юм.
Трамп хэлэхдээ: “Тэдний хувьцааны үнэ өсч байгааг харах надад таалагдаж байна. Ингэснээр АНУ улам БАЯН болж байна” гэжээ. (Хэлцлийн дараа Intel-ийн хувьцаа баасан гарагт 6%-иар өсөж, нэгжийн үнэ 24 ам.доллард хүрсэн).
Түүний мэдэгдэл нь Үндэсний эдийн засгийн зөвлөлийн захирал Кевин Хассеттийн өмнө нь хэлсэн үгтэй нийцэж байгаа бөгөөд Хассетт АНУ “Үндэсний баялгийн сан” байгуулахын тулд хувийн компаниудад илүү их хөрөнгө оруулж болохыг дурдсан.
Intel компантай байгуулсан хэлцлийн хүрээнд Худалдааны яам тус компанийн 433.3 сая хүртэлх ширхэг хувьцааг эзэмших бөгөөд ингэснээр АНУ нь BlackRock, Vanguard (хоёулаа тус бүр 13%-ийн эзэмшилтэй)-ын дараа гурав дахь том хувьцаа эзэмшигч болж байна.

АНУ Intel-д хэр их хөрөнгө оруулсан бэ?

АНУ-ын Засгийн газар 8.9 тэрбум ам.долларын үнэтэй хувьцааг Intel-ээс худалдан авсан. Үүний ихэнх нь Байдены үеийн CHIPS Act-ын хүрээнд олгогдсон буцалтгүй тусламжаас бүрдэж, мөн 3.2 тэрбум ам.долларыг Батлан хамгаалах яамны тусдаа хөтөлбөрөөс гаргажээ. Үүнээс гадна АНУ Intel-д 2.2 тэрбум ам.долларын шууд буцалтгүй тусламж олгосон байна.

Эсрэг байр суурь

Intel компани Даваа гарагт АНУ-ын Засгийн газартай байгуулсан хэлцэл нь “Хөрөнгө оруулагчид, ажилчид, хэрэглэгчид, нийлүүлэгчид, бусад бизнесийн түншүүд, гадаадын засгийн газрууд болон өрсөлдөгчдөд сөрөг хандлага бий болгож болзошгүй” гэж анхааруулжээ. Энэ талаар АНУ-ын Үнэт цаас, биржийн комисст (SEC) өгсөн мэдүүлэгтээ дурдсан бөгөөд учир нь компанийн орлогын 76% нь АНУ-аас бусад улсуудаас орж ирдэг. Мөн тус компани хэлцлийн бүх “Санхүүгийн, татварын болон нягтлан бодох бүртгэлийн үр дагаврыг” бүрэн шинжлээгүй байгаагаа мэдэгджээ.

Гайхмаар баримт

Intel-тай хийсэн энэ хэлцэл нь бараг урьд өмнө байгаагүй алхам бөгөөд АНУ хамгийн сүүлд 2008 оны санхүүгийн хямралын үеэр Chrysler, General Motors-д олон тэрбум ам.долларын хөрөнгө оруулалт хийж байжээ.

Шүүмжлэгчид

БНН-ын Ерөнхийлөгчийн нэр дэвшигч асан Ники Хэйли энэ хэлцэл “Засгийн газрын татаасыг улам ихэсгэж, бүтээмжийг багасгана” гэж X (хуучнаар Twitter) дээр бичжээ.
Либертари чиглэлийн Cato хүрээлэнгийн эдийн засагч Скотт Линсиком үүнийг “аюултай” хэмээн тодорхойлж, “Төр хувийн бизнес рүү хэтэрхий гүнзгий оролцох аюултай алхам” гэж үзсэн. Тэрээр компанийн шийдвэрүүд зах зээлийн биш улс төрийн хүчин зүйлээс шалтгаалж болзошгүй гэж анхааруулжээ.
Сенатор Ранд Пол (БНН, Кентакки) уг хэлцэл нь “Демократуудад хувийн хэвшилд төрийн өмчийг өргөжүүлэх загварыг өгч байна” хэмээн Politico-д өгсөн мэдэгдэлдээ онцолж, “Социализм гэдэг нь үйлдвэрлэлийн хэрэгслийг төр хянахыг хэлдэг” гэж мэдэгдэв.

Үндсэн суурь мэдээлэл

Трамп өнгөрсөн долоо хоногт Цагаан ордонд Intel-ийн гүйцэтгэх захирал Лип-Бу Тантай уулзсаны дараа уг хэлцлийг зарласан. Трамп өмнө нь Таныг “маш их СӨРГӨЛДӨӨНТЭЙ” гэж шүүмжилж, Хятадын төртэй холбоотой компаниудтай ажиллаж байсан гэх сэжгээс болж “Яаралтай огцрох ёстой” гэж шаардсан билээ. Харин Тан эдгээр зөрчлийг үгүйсгэн, Intel-ийн ажилчдад илгээсэн захидалдаа “Миний өмнөх ажлуудын талаар маш их ташаа мэдээлэл тарж байна” хэмээн бичиж, өөрийгөө “Хамгийн өндөр хууль ёсны болон ёс зүйн стандартыг баримталж ажиллаж ирсэн” гэж мэдэгдсэн.юм.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07