Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Филиппиний Манила хот — Эдийн засгийн таамаглалдаа хийсэн тусгай тайландаа Азийн Хөгжлийн Банк нь Ойрхи Дорнодын мөргөлдөөн улам даамжирч, илүү удаан хугацаанд үргэлжлэх шинжтэй болж байгаатай холбоотойгоор хөгжиж буй Ази болон Номхон далайн бүсийн эдийн засгийн өсөлтийн төлөвийг мэдэгдэхүйц бууруулж, инфляцийн (үнийн өсөлтийн) хүлээлтийг нэмэгдүүллээ. Энэ мөргөлдөөн нь эрчим хүчний үнийг өсгөж, санхүүгийн нөхцлийг чангатган, бүс нутгийн эдийн засгийн идэвхжилд дарамт үзүүлж байна.
Азийн Хөгжлийн Банкны Ерөнхийлөгч Масато Канда хэлэхдээ:
Бидний шинэчилсэн төлөв бол эдийн засгийн өсөлтийн хувьд мэдэгдэхүйц бууралтыг, харин инфляцийн хувьд огцом өсөлтийг харуулж байна. Энэ нь хямрал улам гүнзгийрч байгааг тусгайлан тооцож гаргасан шинэ үнэлгээ юм. Бид түр зуурын савлагаа биш, харин дэлхийн эрчим хүч болон худалдааны сүлжээнд системийн шинжтэй, урт хугацааны тасалдлуудтай нүүр тулж байна. Азийн Хөгжлийн Банк бүс нутгийн эдийн засгийг хамгаалахад уян хатан түнш хэвээр байж, хурдтай өөрчлөгдөж буй эрсдлийг хянаж, дэмжлэгээ яаралтай өргөжүүлэх болно.
гэжээ.
Азийн Хөгжлийн Банк одоо бүс нутгийн эдийн засгийн өсөлтийг:
2026 онд 4.7 хувь
2027 онд 4.8 хувь
байхаар таамаглаж байгаа бөгөөд энэ нь өмнө нь 2026 оны 4 дүгээр сарын “Азийн Хөгжлийн Төлөв” тайланд дурдсан 5.1 хувийн таамгаас буурсан үзүүлэлт юм.
Инфляцийн хувьд:
2025 онд 3.0 хувь байсан бол
2026 онд 5.2 хувь хүртэл өснө
2027 онд 4.1 хувь болж буурна
гэж тооцоолж байна.
Шинэчилсэн энэхүү төлөв нь мөргөлдөөний эдийн засагт үзүүлэх нөлөө анх таамаглаж байснаас илүү удаан үргэлжилж байгааг харуулж байна. Эрчим хүчний үйлдвэрлэл болон тээвэрлэлтийн замуудад учирч буй тасалдал, газрын тос болон байгалийн хийн үнийн дарамт үргэлжилсээр байгаа нь эдийн засгийн өсөлтийг сулруулж, инфляцийг нэмэгдүүлж байна. Ялангуяа импортын түлш, гадаадаас ирэх мөнгөн гуйвуулга, аялал жуулчлал, гадаад санхүүжилтээс ихээхэн хамааралтай орнууд илүү эмзэг байна.
Шинэ таамаглалд 2026 онд газрын тосны үнэ дунджаар нэг баррель нь 96 ам.доллар байна гэж үзсэн бөгөөд энэ нь мөргөлдөөн эхлэхээс өмнөх (1, 2 дугаар саруудад байсан) 69 ам.долларын дунджаас нэлээд өндөр үзүүлэлт юм. Харин 2027 онд энэ үнэ ойролцоогоор 80 ам.доллар болж буурна гэж тооцоолжээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Хэрэв мөргөлдөөн улам хурцдаж, илүү ноцтой сөрөг хувилбар бодит байдал болбол — тухайлбал 2026 оны 5 дугаар сард газрын тосны үнэ огцом өсөж, өндөр хэвээр хадгалагдвал:
Бүс нутгийн өсөлт 2026 онд 4.2 хувь
2027 онд 4.0 хувь
болтол саарах магадлалтай.
Мөн инфляци 2026 онд 7.4 хувь хүрэх эрсдэлтэй.
Үнэ дарах биш, тогтворжуулах бодлого баримтлах
Эрчим хүчний үнийн өсөлтийг тодорхой хэмжээнд зах зээлд дамжуулах нь эрчим хүч хэмнэх, түлш орлуулах, сэргээгдэх эрчим хүчний хөрөнгө оруулалтыг дэмжинэ. Харин өргөн хүрээтэй үнийн хяналт, нийтлэг татаас нь зах зээлийн дохиог гажуудуулж, нөөцийн буруу хуваарилалт үүсгэж, дасан зохицох процессыг удаашруулна.
Эмзэг бүлгийн өрхүүд болон хамгийн их өртсөн салбаруудад чиглэсэн дэмжлэг үзүүлэх нь чухал. Ингэснээр үнийн өсөлтийн нийгмийн сөрөг нөлөөг бууруулж, төсвийн дарамтыг хязгаарлан, зах зээлийн зохицох чадварыг хадгална.
Инфляцийн хүлээлтийг анхааралтай хянаж, зах зээлийн хэт савлагааг багасгах нь чухал. Зорилтот хөрвөх чадварын дэмжлэг үзүүлэх нь зах зээлийг тогтвортой байлгахад тустай. Хэт огцом мөнгөний бодлого чангатгах нь эдийн засгийн өсөлтийг улам сааруулж, санхүүгийн тогтворгүй байдлыг нэмэгдүүлж болзошгүй.
Эрчим хүчний хэрэглээг бууруулах арга хэмжээ авах
Үүнд:
-Агааржуулагчийн температурыг хязгаарлах (Азийн ихэнх орон халуунаас болж агааржулалтын систем ихээр ашигладаг ҮГ.МН)
-Шаардлагагүй гэрэлтүүлгийг багасгах
-Оргил цагийн цахилгаан хэмнэлтийн аян
-Гэрээс ажиллах болон ээлжит цагийн хуваарь
-Нийтийн тээврийн хэрэглээг нэмэгдүүлэх
-Амралтын өдрүүдэд автомашингүй өдөр зохион байгуулах
зэрэг бодит арга хэмжээнүүд орно.
Азийн Хөгжлийн Банк нь Ази, Номхон далайн бүс нутагт тогтвортой, хүртээмжтэй, тэсвэртэй өсөлтийг дэмждэг олон талт хөгжлийн тэргүүлэх банк юм. Тус банк гишүүн орнууд болон түншүүдтэйгээ хамтран төвөгтэй сорилтуудыг шийдвэрлэхийн тулд санхүүгийн шинэлэг хэрэгсэл, стратегийн түншлэлүүдийг ашиглан хүмүүсийн амьдралыг сайжруулах, чанартай дэд бүтэц бий болгох, байгаль орчныг хамгаалах чиглэлээр ажилладаг.
Азийн Хөгжлийн Банк нь 1966 онд байгуулагдсан бөгөөд нийт 69 гишүүн оронтой, үүнээс 50 нь Ази, Номхон далайн бүс нутгийн орнууд юм.
