Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Цагаан ордонд АНУ-ын Ерөнхийлөгч Доналд Трамп “GENIUS Act” нэртэй тогтвортой койныг зохицуулах, криптовалютын салбарын хяналтыг өргөжүүлэх зорилготой хуулинд гарын үсэг зурж баталлаа.
Тогтворжуулсан койн (stablecoin) гэдэг нь үнэ цэнэ нь тогтвортой байх криптовалют юм. Ихэнхдээ нэг тогтворжуулсан койны үнэ нь 1 ам.доллар, эсвэл өөр валют, заримдаа алт, нефть гэх мэт бодит хөрөнгийн үнэтэй уялддаг.
Товч агуулга
GENIUS Act: АНУ-ын төвшинд тогтворжуулсан койнд зориулсан дүрэм тогтоосон анхны хууль.
Тогтворжуулсан койны хэрэглээ нь жижиглэн худалдаанаас хилийн чанад дахь төлбөр тооцоо хийх хүртэл янз бүр байх юм.
Хувийн блокчэйнүүд нь тогтворжуулсан койн гаргахад банкуудад таалагдаж магадгүй.
Bank of America-аас эхлээд Fiserv хүртэлх санхүүгийн компаниуд АНУ-ын шинэ хууль болох тогтворжуулсан койнд зориулсан анхны дүрмийг тогтоосны дараа өөрсдийн долларын баталгаатай криптовалютын жетон гаргахаар бэлтгэж байна. Гэвч мэргэжилтнүүдийн анхааруулж байгаагаар энэ зам тийм ч шулуун, дардан биш байх төлөвтэй.
АНУ-ын ерөнхийлөгч Доналд Трамп 7-р сарын 18-нд GENIUS Act хуулинд гарын үсэг зурж, АНУ-ын долларт уялсан тогтвортой байх (ихэвчлэн 1:1) токен буюу тогтворжуулсан койнд зориулсан дүрэм тогтоосон. Криптовалютын хэрэглээг дэмжихэд зориулагдсан анхны хууль нь эдгээр дижитал хөрөнгийг өдөр тутмын төлбөр, мөнгөн шилжүүлэгт өргөн ашиглах замыг нээж магадгүй гэж шинжээчид үзэж байна.
Сүүлийн жилүүдэд тогтворжуулсан койны хэрэглээ эрс нэмэгдсэн. Голдуу биткойн, эфир зэрэг бусад криптовалют руу болон тэднээс хөрөнгө шилжүүлэхдээ крипто арилжаачид ашигладаг аж.
Одоо олон компани тогтворжуулсан койныг ашиглан төлбөр тооцоог нэн даруй гүйцэтгэх, суурьшуулах боломжийг ашиглахаар төлөвлөж байна. Уламжлалт банкны төлбөрийн системээр шилжүүлэг хэдэн өдөр үргэлжилж болох бөгөөд олон улсын гүйлгээ бүр ч удаан үргэлжлэх нь элбэг.
Уолмарт, Амазон зэрэг компани тогтворжуулсан койн гаргах талаар хэлэлцэж байгаа тухай Wall Street Journal 6-р сард мэдээлсэн. Харин эдгээр компаниуд ямар нэг мэдээлэл өгөөгүй байна.
Гэвч шинэ хууль батлагдсанаар бүх зүйл шууд эхлэхгүй. Тогтворжуулсан койнд оролцох шинэ боломж нь стратегийн болон техникийн олон төвөгтэй асуудлыг компаниудад авчирах юм.
Компаниуд эхлээд өөрсдийн койны зорилгыг тодорхойлох ёстой. Жишээ нь, жижиглэн худалдааны платформ нь хэрэглэгчдэд бараа худалдан авахад зориулж тогтворжуулсан койн санал болгож болно. Харин зарим нь хилийн чанадын төлбөр тооцоонд ашиглах, зардал бууруулах, шууд шилжүүлэг хийх боломжтой аж.
Стептоэ хуулийн фирмийн түнш Стивен Ашкеттино:
🎓 Компанийн нийгмийн хариуцлагын бодлого, орон нутгийн боловсролыг дэмжих хөтөлбөрийн хүрээнд хэрэгжүүлдэг “Цалинтай оюутан” хөтөлбөрийн энэ жилийн бүртгэл эхэллээ.
“Тогтворжуулсан койныг юунд зориулах нь маш чухал. Энэ нь хэрэглэгчдийг тухайн компанитай илүү их харьцуулах зорилготой юу, эсвэл илүү өргөн хэрэглэгдэх койн бий болгох зорилготой юу гэдэг нь ялгаатай.”
Банк бус санхүүгийн байгууллагуудад тогтворжуулсан койн нь шинэ хяналтын зардал, шаардлага авчирна. GENIUS Act нь тогтворжуулсан койн гаргагчдаас мөнгө угаахын эсрэг (AML) болон “үйлчлүүлэгчээ тань” (KYC) журамд нийцэхийг шаардах юм.
Moody’s-ийн эрсдэлийн удирдлагын ахлах захирал Жилл ДеВитт:
“Өмнө нь KYC болон зохицуулалтын өөрчлөлтийн удирдлагын системээ бүрдүүлсэн эсвэл хэрэгжүүлэх шатандаа байгаа компаниудын хувьд давуу талтай.”
Банкууд ийм давуу талтай бүлэгт орно, учир нь тэд харилцагчийн мэдээлэл шалгах, хоригтой холбоотой эрсдэлийг хянах туршлагатай.
Bank of America, Citigroup-ийн гүйцэтгэх захирлууд өөрийн тогтворжуулсан койн гаргах талаар идэвхтэй хэлэлцэж буйгаа өнгөрсөн сард мэдэгдсэн. Morgan Stanley нь нөхцөл байдлыг ажиглаж байгаа бол JPMorgan Chase-ийн Жэйми Даймон банк нь тогтворжуулсан койнд оролцоно гэж мэдэгдсэн ч нарийн мэдээлэл өгөөгүй.
Банкууд тогтворжуулсан койн нэвтрүүлэхээс өмнө хөрвөх чадварын шаардлагад хэрхэн нөлөөлөх, баланс дээр яаж бүртгэх зэрэг олон хүчин зүйлийг тооцох ёстой гэж FIS-ийн дижитал валютын бүтээгдэхүүн, стратегийн захирал Жулиа Демидова хэлэв.
Тэрээр:
“GENIUS Act сайн зүйл, гэхдээ банк тогтворжуулсан койныг баланс дээрээ банкны зохицуулалтын дагуу барьж байвал хөрөнгийн эрсдэлийн жинг мөн тооцох хэрэгтэй.”
Тогтворжуулсан койн нь бусад криптовалюттай адил блокчэйн дээр үүсгэгддэг. Өнөөдөр олон зуун блокчэйн сүлжээ бий, хамгийн түгээмэл нь Ethereum ба Solana. Эдгээр нь “зөвшөөрөлгүй” буюу бүх гүйлгээ ил тод байдаг нийтийн блокчэйнүүд.
Гэхдээ тогтворжуулсан койн гаргах компаниуд юуг илүү чухалчилж үзэх нь тодорхойгүй байна. Ялангуяа банкууд өөрийн “зөвшөөрөлтэй” буюу хувийн блокчэйн ашиглах магадлал өндөр гэж Демидова үзэж байна.
Тэрээр:
“Банкууд маш тодорхой удирдлага, зохион байгуулалтыг хүсдэг. Харин нийтийн блокчэйн орчинд ийм хяналт, удирдлага байхгүй.”
Бастион компанийн гүйцэтгэх захирал Нассим Эддекиуак харин нийтийн блокчэйнд давуу тал бий гэж хэлэв.
“Хэрэглэгчийн нэвтрэлттэй, ачааллын үед шалгагдсан, өргөн хэрэглэгдэж буй одоо байгаа блокчэйнүүдэд маш их сонирхол илэрч байна.”
GENIUS Act батлагдсан ч хэрэгжих хугацаа нь хэдэн жилийн дараа байх магадлалтай. Энэ хооронд АНУ-ын банкны зохицуулагчид нарийвчилсан дүрэм гаргаж, хоосон зайг нөхөх ёстой болж байна.
АНУ-ын Валютын Хяналтын Газраас эрсдэлийн удирдлага, нийцлийн шаардлагын талаар журам гаргах, Сангийн Яам гадаадын тогтворжуулсан койны зохицуулалтын тогтолцоо АНУ-ын шинэ хүрээнд нийцэж байгаа эсэхийг тогтоох журам боловсруулах үүрэг хүлээж байгаа аж.
