Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Баасан гарагт буюу өнөөдөр Британийн цагдаагийн мөрдөн байцаагчид Эндрью Моунтбаттен Виндзорын эсрэг явуулж буй шалгалт урт удаан хугацаанд үргэлжилж, ихээхэн цаг орно гэдгийг албан ёсоор мэдээллээ. Гуравдугаар Чарльз хааны дүүг энэ оны эхээр “Төрийн алба хашиж байхдаа зүй бус үйлдэл гаргасан” гэх хэрэгт сэжигтнээр татаж баривчилсан ба уг хэрэг нь бэлгийн мөлжлөгийн зөрчилтэй холбоотой байж болох юм.
Тэрээр хоёрдугаар сард Норфолк дахь гэртээ баривчлагдан, мөрдөгчдөд олон цаг байцаагдсан байна. Энэ нь АНУ-ын Хууль зүйн яам талийгаач бэлгийн мөлжлөгийн гэмт хэрэгтэн Жеффри Эйпштэнтэй холбоотой олон сая баримтыг ил болгосны дараа болсон хэрэг юм.
Орчин үеийн Британийн түүхэнд хааны гэр бүлийн гишүүн, өндөр зиндааны эрхэм баривчлагдсан нь урьд өмнө байгаагүй явдал гэж үзэж байгаа аж. Өдгөө 66 настай Эндрью нь талийгаач хатан хаан Элзевета II-ын хоёр дахь хүү бөгөөд бэлгийн мөлжлөгийн гэмт хэрэгтэн Жеффри Эпштейнтэй холбоотой ямар ч буруутай үйлдэл хийгээгүй гэж үргэлж мэтгэсээр ирсэн.
Тэрбээр Эпштейнтэй нөхөрлөж байсандаа харамсдаг гэж өмнө нь хэлж байсан ч баривчлагдсанаасаа хойш олон нийтэд ямар нэг мэдэгдэл хийгээгүй юм.
Мөрдөн шалгалтыг хариуцаж буй Thames Valley тойргийн Цагдаагийн даргын орлогч Оливер Райт:
Энэ мөрдөн шалгалт зайлшгүй маш нягт, нарийн явагдах шаардлагатай, ихээхэн цаг хугацаа шаардана. Ямартаа ч хурдан дуусахгүй.
гэж сэтгүүлчдэд ярьжээ.
Мөрдөн шалгалтын гол байг ханхүү асан Эндрьюгийн 2001-2011 онд худалдаа, хөрөнгө оруулалтын тусгай төлөөлөгчөөр ажиллаж байх үеийн үйл ажиллагаанд төвлөрүүлж байгаа аж. АНУ-ын Хууль Зүйн Яамнаас нийтэлсэн цахим шуудангуудад тэрээр Эпштейнд эмзэг мэдээлэл дамжуулсан байж болзошгүй гэх агуулга байсан байна.
"Төрийн албан тушаалтай холбоотой зүй бус үйлдэл" гэх хэрэг нь нууц мэдээлэл задруулах, авлига, бэлгийн мөлжлөгийн шинжтэй хэрэг зэрэг ноцтой үйлдлүүдийг хамарч болох бөгөөд хамгийн дээд ял нь бүх насаар нь хорих ял байдаг.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Райт хэлэхдээ:
Мөрдөн шалгалт хэд хэдэн байж болзошгүй хэргийг хамарч байгаа. Тиймээс бид олон гэрчийг байцааж байна.
гэжээ.
Цагдаа нар 2010 онд нэг эмэгтэйг Виндзор дахь хаягаар бэлгийн мөлжлөгийн зорилгоор хүргэсэн гэх мэдээллийг шалгаж байгаа аж. Хохирогч гэгдэж буй эмэгтэйн өмгөөлөгч BBC ТВ-д ярилцлага өгөхдөө түүнийг Эпштейн Британи руу илгээж, ханхүү асантай бэлгийн харилцаанд оруулсан гэж мэдэгдсэн байна.
Цагдаа нар өмгөөлөгчтэй нь уулзсан ч тухайн эмэгтэй өөрөө албан ёсоор гомдол гаргаагүй байгаа. Олон улсын анхаарал, хэвлэлийн дарамтаас болж зарим хохирогч мэдээлэл өгөхөөс эмээж байж магадгүй гэж цагдаа нар үзэж байгаа аж.
Райт:
Эпштейний хохирогчид болон амьд үлдсэн хүмүүст хандан хэлэхэд, холбогдох мэдээлэлтэй хүн байвал урагш гарч ирээсэй гэж хүсэж байна. Та хэзээ бэлэн болно, тэр үед бид таныг сонсоход бэлэн байна.
гэж мэдэгджээ.
Энэ мөрдөн шалгалтыг туршлагатай тусгай баг “Томоохон гэмт хэрэг”-ийн түвшинд буюу бараг хүн амины хэргийн мөрдөн байцаалттай адил хэмжээнд явуулж байгаа аж. Мөн тэд АНУ-ы Хууль Зүйн Яамтай хамтран ажиллаж байгаа боловч Эпштейний файлуудыг одоогоор бүрэн бүтэн хүлээж аваагүй байна.
Пүрэв гарагт Британийн Засгийн Газар Эндрьюг худалдааны элчээр томилж байсантай холбоотой нууц баримтуудыг нийтэлсэн нь өмнөх хатан хаан Элизабет II хүүгээ тухайн албан тушаалд томилуулахыг шахаж байсан нь батлагджээ.
Харин Гуравдугаар Чарльз хаан өнгөрсөн аравдугаар сард дүүгийнхээ цол, хэргэмийг хурааж, Эндрьюг баривчлагдсаны дараа энэ асуудалд “Гүнээ санаа зовж” байгаагаа илэрхийлж, эрх баригчдад “Гэр бүлийн бүрэн дэмжлэг үзүүлж хамтран ажиллана” гэж мэдэгдсэн байна.
Мягмар гарагт Цагдаагийн Газар Эпштейний файлуудтай холбоотой хүүхдийн бэлгийн хүчирхийллийн хоёр хэргийг шалгаж эхэлснээ мэдэгдсэн ч уг хэрэгт хэн холбогдож буй талаар дэлгэрэнгүй мэдээлэл одоогоор өгөөгүй юм.
