Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Хэдийгээр Ерөнхийлөгч Дональд Трамп цөмийн зэвсгийг үгүй хийхийг хүсэж байгаагаа хэлж байгаа ч, түүний дэлхийн холбоотнуудын талаарх тодорхойгүй бодлого нь олон орон цөмийн зэвсэгтэй болох тухай бодоход хүргэж байна гэж цөмийн зэвсгийн мэргэжилтнүүд хэлж байна.
Энэ нь цөмийн зэвсэгтэй орнуудын тоо нэмэгдэх эрсдэлийг үүсгэж, улмаар санаатай болон санамсаргүй цөмийн дайн гарах, бүр Дэлхийн 3 дугаар дайнд хүргэх магадлалыг нэмэгдүүлнэ.
"Өмнө нь цөмийн зэвсгээс татгалзсан олон орон шалтгаанаа АНУ болон холбоотнуудын хамгаалалтанд итгэж байсныхаа хувьд татгалзсан," хэмээн Цөмийн Зэвсэг Хориглох Венийн Төвийн гүйцэтгэх захирал Елена Сокова хэлжээ. "Би хамгийн түрүүнд АНУ болон Европын харилцааны талаар, мөн уламжлалт холбоотнуудынхаа талаар санаа зовж байна. Үүнтэй адил Ази, Номхон далайн бүсэд ч гэсэн шахалт, АНУ-ын холбоо найдвартай эсэх талаар эргэлзээ үүсч байна." гэсэн юм.
АНУ-ын Төрийн департаментын төлөөлөгч Newsweek-т хэлэхдээ:
"АНУ нь бусад улс орнууд цөмийн зэвсэг эзэмшихээс урьдчилан сэргийлэх талаар удаан хугацааны туршид ажиллаж ирсэн. АНУ-ын холбоотнуудынхаа аюулгүй байдлыг хангах амлалт тууштай хэвээр байгаа бөгөөд бид өргөтгөсөн сэргийлэлтийг хадгалах, бэхжүүлэхийн тулд түншүүдтэйгээ ойртон хамтран ажиллаж байна. АНУ-ын холбоотнууд Цөмийн зэвсэг үл дэлгэрүүлэх гэрээндээ тууштай байх амлалтаа дахин дахин нотолж ирсэн." гэсэн.
Трамп ОХУ, БНХАУ-тай хамтран цөмийн зэвсгийг устгах хүсэлтэй гэж мэдэгдээд байгаа, "Хэрвээ бүх хүн цөмийн зэвсгээсээ салах юм бол үнэхээр сайхан байх болно" хэмээн өнгөрсөн Пүрэв гарагт хэлжээ.
Гэсэн ч Европ Доналд Трампын аюулгүй байдлын талаархи хандлагаас болж гүнзгий цочирдож, олон арван жилийн турш үндсэн хамгаалагч нь байсан НАТО-гийн ирээдүйд эргэлзэж байна.
Доналд Трамп ОХУ-ын Ерөнхийлөгч Владимир Путинтай илүү ойртож, Украины дайн төгсгөхийн тулд буулт хийхэд бэлэн байгаа мэт харагдсан нь Европын улсуудыг бухимдуулсан. Мөн түүний засаг захиргаа Европ дахь АНУ-ын цэргийн тоог бууруулах санаа гаргаж, холбоотнуудыг батлан хамгаалах зардлаа нэмэхийг шаардсан билээ. Үүнээс гадна Панамд сүрдүүлэг үзүүлсэн, Гренландыг худалдаж авах, Канадын 51 дэх муж болгох тухай ч яриад яваа.
Ази дахь Япон, Өмнөд Солонгос, Ойрх Дорнод дахь холбоотнууд АНУ-д хэр итгэж болох талаар анхааралтай ажиглаж байна.
Их Британийн "Royal United Services Institute"-ийн Цөмийн Тархалт, Бодлогын захирал Лукаш Кулеса:
"Европ болон Өмнөд Солонгос зэрэг орнуудад аль хэдийн цөмийн сонголтын талаар хэлэлцэж эхэлсэн. Гэхдээ ийм шийдвэр гаргах нь амархан зүйл биш. Зүгээр л Трампын захиргааны хэдхэн долоо хоногийн тогтворгүй байдлаас болж ийм алхам хийхгүй." гэсэн байна
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Одоогоор цөмийн зэвсэгтэй 9 улс байна: ОХУ, АНУ, БНХАУ, ФРАНЦ, ИХ БРИТАНИ, ЭНЭТХЭГ, ПАКИСТАН, ИЗРАЙЛЬ, ХОЙД СОЛОНГОС улсууд байгаа юм.
1945 оноос хойш цөмийн зэвсгийн тархалтыг хязгаарлах хамгийн чухал хүчин зүйл нь АНУ-ын "Цөмийн шүхэр" буюу холбоотнуудаа хамгаалах амлалт байсан гэж Жорж Вашингтоны их сургуулийн судалгааны профессор, АНУ-ын Засгийн газарт өмнө нь ажиллаж байсан Шэрон Скуассони хэлжээ. Үүнийхээ хариуд холбоотнууд нь өөрсдийн цөмийн зэвсгийг бүтээхээс татгалздаг байв.
Тэрээр Newsweek-т өгсөн ярилцлагадаа:
"АНУ-д итгэх итгэл урьд өмнө байгаагүйгээр доод түвшинд хүрсэн. Энэ замбараагүй байдлын дунд 1940-өөд оноос хойших хамгийн ноцтой цөмийн зэвсгийн тархалт эхлэхийг харах нь надад огтхон ч гайхмаар санагдахгүй. Мэдээж, энэ нь дэлхийг хамаагүй илүү аюултай газар болгоно." гэжээ.
Аль Улсууд Цөмийн Зэвсэгтэй Болох Бол?
Ирээдүйд цөмийн зэвсэгтэй болох хамгийн магадлалтай улс бол Иран. Трамп үүнийг хэзээ ч зөвшөөрөхгүй гэж мэдэгдсэн ч, Ираны эсрэг шахалт, хэлэлцээний оролдлого үргэлжилж байна.
Хэрэв Иран цөмийн зэвсэгтэй болбол Саудын Араб, Турк зэрэг орнууд дараа нь цөмийн зэвсэгтэй болох дарамтад орох юм. Турк бол НАТО-гийн гишүүн, АНУ-ын цөмийн зэвсгийг хадгалдаг ч, өөрийн гэсэн зэвсэгтэй болох сонирхлоо илэрхийлж байсан. Хэрэв НАТО сулрах юм бол Туркийн зэвсэг бүтээх магадлал өснө.
Европт Франц өөрийн цөмийн хамгаалалтаа өргөжүүлэх санал тавьсан. Герман зэрэг орнууд ч цөмийн хамгаалалт эрэлхийлж эхэлсэн байна. Эдгээр орнуудад цөмийн зэвсэгтэй болох эдийн засгийн нөөц, эрдэмтэдийн хүчин чадал бүрэн бий.
Хирошима, Нагасакийн сануулга
Судалгаагаар Өмнөд Солонгосчуудын дийлэнх нь цөмийн зэвсэгтэй болохыг дэмждэг бол Япончууд түүхэн шалтгаанаар эсэргүүцдэг. Гэхдээ АНУ тэднийг хамгаалах итгэл сулрах юм бол энэ байр суурь өөрчлөгдөж мэднэ.
Тайвань өмнө нь цөмийн зэвсгийн судалгаа хийж байсан боловч одоогоор АНУ-ын хамгаалалтад найдаж байна.
Хэдийгээр Ерөнхийлөгч Дональд Трамп цөмийн зэвсгийг үгүй хийхийг хүсэж байгаагаа хэлж байгаа ч, түүний дэлхийн холбоотнуудын талаарх тодорхойгүй бодлого нь олон орон цөмийн зэвсэгтэй болох тухай бодоход хүргэж байна гэж цөмийн зэвсгийн мэргэжилтнүүд хэлж байна.
Цөмийн цахилгаан станцтай улсууд изотоп боловсруулж, баяжуулах ажил хялбар юм. Гэхдээ зэвсэг зохион бүтээх, турших, хүргэх систем бүтээх нь хүнд ч гэсэн хамгийн ядуу орны нэг Хойд Солонгос хүртэл цөмийн зэвсэгтэй болсон нь зүтгэвэл хүрч болохыг баталж байна.
"Хэдийгээр дэлхий бүхэлдээ сүйрчихээгүй ч, нөхцөл байдал тун аюултай байна" гэж Скуассони анхааруулжээ.
