Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
“Цогт тайж” кинонд Цогтын хүү Арслантайж “10 цагаан буяны замаар орлоо гэж бодогдож байна” гэхэд түүний багш Гүенбаатар “Харин би чамайг 10 хар уналын мөрөөр оров уу даа гэж сэтгэл минь их зовж байна” гэдэг. Хэрвээ өнөөдөр МАН-ын Удирдах зөвлөлөөс Сандагийн Бямбацогтыг УИХ-ын даргад нэр дэвшүүлснээр тэр УИХ дарга болбол МАН ийнхүү “10 хар уналын мөрөөр орох тойрохоо зурчихлаа” гэсэн үг.
МАН-ын УИХ дахь бүлэг Сандагийн Бямбацогтыг 38 гишүүнээрээ түрий бариад УИХ-ын чуулганаар оруулж хэлэлцүүлбэл Ням-Осорын Учралын Засгийн Газар нүд аних нь их ойрын цаг хугацааны асуудал болно. Тус намын Удирдах Зөвлөлөөс нэр дэвшигч Сандагийн Бямбацогт УИХ дарга болбол МАН-ын хагарал туйлдаа хүрэх юм.
Харин АН-ын хувьд “Идэх хоол бэлэн тавга дээр” тавиад ирж буйтай л адил.
УИХ гишүүн Сандагийн Бямбацогт УИХ-ын дарга болсноор улс төрийн хүрээнийхэн дунд түүн дундаа МАН-ынхан дундаа Дашзэвэгийн Амарбаясгалан, Лувсаннамсрайн Оюун-Эрдэнэ нар Ерөнхийлөгч, Ерөнхий сайдын талынханд ялагдсан дүртэй харагдах нь тодорхой.
Хэрвээ УИХ-ын даргаар Сайнбуянгийн Амарсайхан болсон бол МАН-ынхан ямартаа ч Ерөнхийлөгчийн сонгуулийг дуустал тайван амгалан, хэрүүл шуугиангүй эвтэй байх боломж байлаа.
Анхнаасаа Ерөнхийлөгч Ухнаагийн Хүрэлсүхийн талынхныг шахахын тулд нэр цэвэр шинэ залуу үеийнхэн оруулж ирсэн нь УИХ-ын дарга асан Дашзэвэгийн Амарбаясгалан, Ерөнхий сайд асан Лувсаннамсрайн Оюун-Эрдэнэ нарын холын хараа зөв байж, сум нь байгаа оножээ гэдгийг өдөр ирэх бүр ард түмэнд ил болж байна.
УИХ-ын даргаар Сандагийн Бямбацогтыг тавих нь МАН-ын 30-ын бүлгийн эсрэг шийдвэр байх юм. АН-ын гаргасан "шалтаг" дээр "шалтгаан" хийж УИХ-ын даргаас Ням-Осорын Учралыг буулгаж, Ерөнхий сайд Гомбожавын Занданшатарыг явуулсан боловч УИХ-ын даргаар Сандагийн Бямбацогтыг тавьснаар Ерөнхийлөгч Ухнаагийн Хүрэлсүх, Ерөнхий сайд Ням-Осорын Учрал нар 30-ийн бүлэгт түүн дундаа Дашзэвэгийн Амарбаясгалан, Лувсаннамсрайн Оюун-Эрдэнэ нарт найр тавихгүй, халз үзвэл үзье гэж тулаанд дуудаж ТУГ-аа өргөлөө.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Тэгвэл улс төрийн хүрээнд мөн МАН дотроо стратегич, намаа сонгуульд олон ялуулсан Дашзэвэгийн Амарбаясгалангийн хувьд УИХ-ын даргаар Сандагийн Бямбацогтыг болговол улаан нүүр рүү нь “ЦЭР”-тэй шүлсээр нулимсантай ижил үйлдэл болно.
Ингэж “ЦЭР”-тэй шүлсээр улаан нүүр рүүгээ нулимуулсан УИХ дарга асан Дашзэвэгийн Амарбаясгалан, Ерөнхий сайд асан Лувсаннамсрайн Оюун-Эрдэнэ нарын дараагийн алхам Ерөнхий сайд Ням-Осорын Учралыг нуман тулгууртай мэхэнд оруулах. Тэр мэхийг мэдээж АН-тай хавсарна. 2027 оны Ерөнхийлөгчийн сонгууль ойртсон үед МАН-ын 30-ийн бүлгийн хийх мэхийг угсруулаад дуусгах нь АН-ынханд тун таатай байх болов уу.
АН-ын даргыг Дээд шүүхээс батлах хориг саад нэгэнт үгүй болсон тул Одонгийн Цогтгэрэлийн хувьд нам дотроо нэр төрөө нэмэгдүүлэх сайхан боломж нь УИХ-ын дарга Сандагийн Бямбацогтыг магтан өндөр сэнтийд нь суулгах. УИХ-ын Сандагийн Бямбацогтыг болгосноор АН-ынханд МАН-аар тоглох “Шалтаг” биш “ШАЛТГААН” бий болно.
АН ямар байрлалд тоглох гэхээсээ, АН-ын дарга Одонгийн Цогтгэрэлийн хувьд алсын хараа, багахан хүлээлт л байхад л МАН-ын 30-ийн бүлэг мэхээ хийгээд эхэлнэ. Харин түүний толгойны өвчин нь нам доторх "Элс"-ний нүүдэлчдээ яах вэ гэдэг л юм.
Түүний хувьд Ням-Осорын Учралын Засгийн Газрыг унагахад эхний алхам нь тун тодорхой. УИХ-ын 2025 оны 12 дугаар сарын 26-ны 120 дугаар тогтоолын биелэлтийг Ням-Осорын Учралын Засгийн Газар хангуулж чадаагүй гэх үндэслэлээр АН засгийг огцруулах дараагийн нүүдлээ хийхэд л хангалттай. Тэртээ 1998 онд Ерөнхий сайд Жанлавын Наранцацралтын Засгийн газрыг унагах шалтгаан “ОХУ”-руу илгээсэн захиа байсан бол Ням-Осорын Учралын Засгийн Газар унах шалтаг нь “Оюу Толгой”-той холбоотой УИХ-ын 120 дугаар тогтоол байх болно гэдгийг Ванга шиг хэлэхгүй ч Камертон хамтлагийн дуулдгаар “Бараг л мөн дөө” байх шүү.
Магадгүй АН-ын Одонгийн Цогтгэрэл "Элсний нүүдлээ зогсоож" чадвал удахгүй УИХ дахь олонхийн бүлэг болохыг байх гэх газаргүй.
