Ираны Хувьсгалт Гварди Персийн булан дахь нефть-химийн байгууламжуудыг онилсон гэдгээ мэдэгдлээ. Ираны Хувьсгалт Гвард (IRGC) өнөөдөр мэдэгдэл гаргаж, Арабын Нэгдсэн Эмират Улс, Кувейт болон Бахрейн дахь нефть-химийн үйлдвэрүүд рүү халдлага үйлдсэнээ хүлээн зөвшөөрсөн байна. Тэдний мэдэгдэлд дурдсанаар, хэрэв Ираны энгийн иргэдийг онилсон халдлагууд дахин давтагдвал, АНУ-ын эдийн засгийн ашиг сонирхолд чиглэсэн довтолгоогоо улам эрчимжүүлнэ гэж анхааруулжээ. Мөн уг мэдээнд Ираны Хувьсгалт Гвардын дэд командлагч Мохаммад Бакер Золгхадрын өмнөх байр суурийг дурдсан бөгөөд, "Ираны цөмийн байгууламж руу халдвал дэлхий даяар өргөн хүрээтэй дайн дэгдэх эрсдэлтэй" гэж тэрээр анхааруулж байсан байна.

Буддын шашны лам нар АНУ-ын Техас мужаас Вашингтон хот хүртэлх 2,300 миль (3'680 км) “Энхийн алхалт”-аа амжилттай өндөрлөж чадлаа. "Энхийн алхалт" АНУ-ын Вашингтон хотын Үндэсний цэцэрлэгт хүрээлэнд бариандаа орж, ёслол төгөлдөр өндөрлөсөн байна. Тус хүрээлэнд олон зуун хүн цугларч, лам нартай цэцэг барин мэндчилж салах ёс хийн гэр рүү нь үдэн гаргаж өгчээ.

“Олон улсын эмэгтэйчүүдийн эрхийг хамгаалах өдрийн мэнд хүргэе 💜 Энэ өдрийг тохиолдуулан би "ELLE España" сэтгүүлд дэлгэрэнгүй ярилцлага өглөө. Ярилцлагадаа эмэгтэйчүүдийн эдийн засгийн хараат бус байдал, өөрийн карьерын замнал, мөн Европын Төв Банкнаас хэрэгжүүлж буй "EuroSteps Challenge" санаачилгын талаар ярилаа.”

Японы Эзэн хаан Нарүхито 66 нас хүрлээ. Хэвлэлийн бага хурлын үеэр тэрээр охин Айко гүнжийнхээ өсөж торниж буйд баяртай байгаагаа илэрхийлж, "түүнээс сонсох түүх бүхэн нь үргэлж шинэхэн, үл мэдэх ертөнц рүү аялж буй мэт санагддаг" хэмээн хэлжээ.

БНСУ-ын шүүх 2024 оны арванхоёрдугаар сард цэргийн онц байдал тогтоохыг оролдсон хэрэгтэй нь холбогдуулан эрх мэдлээ урвуулан ашигласан, төрийн эсрэг бослого зохион байгуулсан гэмт хэрэгт буруутайд тооцож, Ерөнхийлөгч асан Юн Сок Ёльд бүх насаар нь хорих ял оноолоо.