Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Өмнөд Солонгосын Ерөнхийлөгч И Жэ Мён долоодугаар сарын 11-ний өдөр Монгол Улсад хийсэн төрийн айлчлалынхаа сүүлийн хөтөлбөрийн хүрээнд Монгол Улсын Ерөнхийлөгч Ухнаагийн Хүрэлсүхийн хамт тал нутагт байх монгол уламжлалт гэр хэлбэрийн төрийн хүндэтгэлийн өргөөнд үдийн зоог барилаа.
Зургийн тайлбар: БНСУ-ын Ерөнхийлөгч И Жэ Мён болон тэргүүн хатагтай Ким Хэ Гён нар долоодугаар сарын 11-нд Улаанбаатар хотын Үндэсний спортын төв цэнгэлдэх хүрээлэнд Монгол Улсын Ерөнхийлөгч Ухнаагийн Хүрэлсүхийн хамт Үндэсний их баяр наадмын нээлтийн ажиллагааг үзэж, алга ташиж байна.
Монголын тал Ерөнхийлөгч И Жэ Мён болон түүний гэргий Ким Хэ Гёнд дараалан олон гэнэтийн бэлэг, сонирхолтой арга хэмжээ зохион байгуулсан нь үдийн зоог маш халуун дулаан уур амьсгалтай болж, төлөвлөсөн хугацаанаасаа хэтэрч дөрвөн цаг орчим үргэлжилжээ.
Ерөнхийлөгчийг гэргийн хамт "гэр" өргөөний ойролцоо хүрэлцэн ирэхэд Монголын уламжлалт соёлыг харуулсан олон үзүүлбэр угтсан байна. Монголын тал зочдоо хүндэтгэн уламжлалт цагаан идээний бүтээгдэхүүн болох ааруул барьж, мөн гүүний саам саах уламжлалт аргыг тайлбарлан үзүүлжээ.
Түүнчлэн өөр нэгэн гэрт шагай зэрэг уламжлалт тоглоомыг танилцуулж, халуун чулууг хонины арьсанд хийж мах болгодог уламжлалт хоол болох "боодог" хийх аргыг газар дээр нь үзүүлсэн байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Үдийн зоогийн дараа бөхийн барилдаан зэрэг "Жижиг хэмжээний Наадам" зохион байгуулж, Солонгосын "Physical Asia" нэртэй тэмцээний нэвтрүүлгээр олонд танигдсан Монголын уран нугараач, акробатчин Эрдэнэ-Очир акробатын үзүүлбэр толилуулжээ.
Ерөнхийлөгч У.Хүрэлсүх Монголын эртний уламжлалт бичиг болох монгол бичгээр Ерөнхийлөгч И Жэ Мён болон тэргүүн хатагтай Ким Хэ Гён нарын нэрийг бичиж бэлэглэсэн байна.
Мөн Ерөнхийлөгч У.Хүрэлсүх урьдчилан бэлтгэсэн хоёр монгол морийг тэдэнд бэлэглэжээ. Ерөнхийлөгч, тэргүүн хатагтай нар газар дээр нь гүүг "Солонго", азаргыг "Алтан" хэмээн нэрлэсэн байна.
"Солонго", "Алтан" хоёр морийг Монголд үргэлжлүүлэн өсгөж, арчлан маллах аж. Өмнөд Солонгосын Ерөнхийлөгчийн Тамгын газрын хэвлэлийн ахлах төлөөлөгч Кан Ю Жон мэдэгдэлдээ:
Эдгээр нэр нь хоёр улсын төрийн тэргүүний уулзалт, Монгол Улсад хийсэн төрийн айлчлалаар БНСУ, Монголын харилцааны 'алтан үе'-ийг эхлүүлж буйг бэлгэдсэн. Мөн Монголыг 'хөх тэнгэрийн орон', Солонгосыг 'солонгын орон' хэмээн бэлгэддэг ойлголтоос санаа авсан.
гэж тайлбарлав.
Ийнхүү Ерөнхийлөгч И Жэ Мён үдийн зоогоор төрийн айлчлалынхаа хөтөлбөрийг өндөрлүүлж, нийт 3 шөнө, 5 өдрийн Монгол дахь төрийн айлчлал болон НАТО-гийн дээд хэмжээний уулзалтад оролцох айлчлалаа дуусган эх орондоо буцлаа.
Тэрээр НАТО-гийн дээд хэмжээний уулзалтаар "БНСУ–НАТО Батлан хамгаалахын аж үйлдвэрийн түншлэл 2.0" санаачилгыг дэвшүүлж, Монгол Улсад "БНСУ–Монголын харилцааны алтан үе" эхэлж буйг хамтран тунхагласан байна.
Эх сурвалж: SBS News
