Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
БНХАУ-ын зүүн нутгийн Нанжин хотод амьдардаг 22 настай оюутан Ян Зируй бага сургуулийн ахлах ангиасаа эхлэн дэлгүүр хэсэх дуртай болжээ.
Эх сурвалж: CNN нийтлэлч Жин Жан
“ Тэр эхэндээ хувцас, гутал, дагалдах хэрэгсэл гээд бүгд л брэнд байх ёстой гэж боддог байсан. Эхлээд Nike, Adidas хэрэглэдэг байсан бол дараа нь Gucci, Balenciaga зэрэг тансаг брэндүүд рүү шилжсэн” хэмээн тэр ярьсан юм.
Харин 2022 онд их сургуульд элссэнээсээ хойш түүний худалдан авалтын хэв маяг эрс өөрчлөгдсөн байна.
Одоо надад том лого бүхий брэндээс илүү сэтгэл санааны үнэ цэнтэй зүйлс чухал болсон. Жижиг аксесуар, чихмэл тоглоом, үнэртэй ус, аялал зэрэг надад онцгой мэдрэмж төрүүлдэг зүйлсийг илүүд үздэг. Ёслолын мэдрэмж, шинэ содон байдал, өвөрмөц өнгө төрх надад таалагддаг.
Ийнхүү олон жилийн турш Хятадын Z үе болон миллениал хэрэглэгчдийн гол онцлог байсан брэндийн логонд хэт дурлах хандлага буурч эхэлжээ.
Ажлын байрны тодорхойгүй байдал, цар тахлын дараах эдийн засгийн удаашралын үед Хятад залуус урьдын адил хэрэглээгээрээ өөрийгөө тайвшруулахыг хичээж байгаа ч энэ удаа тэд нэр хүндтэй брэнд бус, сэтгэл санааны тайвшрал худалдан авдаг болсон.
Хотын залуус аз авчирна гэж үздэг гоёл чимэглэл, болор чулуу, Зэн хэв маягийн хувцас, үнэртэй усанд илүү их мөнгө зарцуулж, Буддын шашны ариун уул болох Эмэй уул, бясалгалын амралтын газар, сүм хийдүүдээр тогтмол зорчих болжээ.
Сүүлийн жилүүдэд Хятадад "сюаньшюэ" (玄学) буюу сүнслэг мистицизмын эдийн засаг хурдацтай өсөж, жижиг үнэтэй бүтээгдэхүүнээс эхлээд тансаг хэрэглээ хүртэл өргөжин хөгжиж байна.
Хятадын алдартай нийгмийн сүлжээ Xiaohongshu дээр #xuanxue гэсэн хаштаг 5 тэрбум гаруй удаа үзэгдсэн нь энэ чиг хандлагын цар хүрээг харуулж байна.
Илүү боломжийн үнэтэй бүтээгдэхүүний ангилалд фэншүйд ээлтэй, "эрч хүч нэмэгдүүлдэг" гэх болор чулуун бугуйвч асар их эрэлттэй болжээ.
Сингапурын хятад хэлээр гардаг Lianhe Zaobao сонины иш татсан цахим худалдааны мэдээллээр, 2024 онд болор чулуун бугуйвчны борлуулалт өмнөх оноос 320 хувиар өссөн бөгөөд энэ нь Хятадын 3 тэрбум юанийн үнэлгээтэй онлайн болор чулуун зах зээлийн гуравны нэгээс илүү хувийг бүрдүүлжээ.
Хэдийгээр зөвлөх компани Bain & Company-ийн мэдээллээр Хятадын хувийн тансаг хэрэглээний зах зээл 2025 онд 5 хүртэл хувиар агшсан ч тодорхой төрлийн үнэт эдлэлүүд "аз авчирдаг" гэх ойлголтын ачаар улам эрэлттэй болсон байна.
Хятадын цахим орчинд дараах итгэл үнэмшил өргөн тархжээ.
34'100 юанийн үнэтэй Cartier Juste un Clou бугуйвч муу аз, муу хүмүүсээс хамгаалдаг.
47'300 юанийн үнэтэй Tiffany & Co. T бугуйвч муу даргаас холдуулж, шинэ ажлын боломж нээдэг.
Qeelin брэндийн хулуу хэлбэртэй Wulu цуглуулга гэр бүлийн аз жаргал авчирдаг.
Vivienne Westwood-ийн бөмбөрцөг хэлбэртэй зүүлт ажил, карьерт эерэг нөлөө үзүүлдэг.
Van Cleef & Arpels-ийн дөрвөн навчит хошоонгор хэлбэртэй Alhambra цуглуулгыг статусын бэлгэдэл төдийгүй азын сахиус гэж үздэг болсон байна. Ажилгүйдлийн түвшин залуусын дунд 16 хувиас дээш байгаа өнөө үед ийм төрлийн итгэл үнэмшил улам газар авчээ.
Зэн хэв маягийн хувцасны эрэлт ч эрс өссөн байна. Xiaohongshu дээр "Зэн стиль" гэсэн хаштаг 270 сая гаруй удаа үзэгдсэн бөгөөд үнэтэй дизайнерын хувцаснаас эхлээд Taobao дээрх энгийн дээл хэлбэрийн хувцас хүртэл энэ чиг хандлагад багтаж байна.
Шанхайд төвтэй Red Ant Asia маркетингийн агентлагийн ерөнхий менежер Линда Ю:
Өнөөгийн хэрэглэгчид бүтээгдэхүүн худалдаж авч байгаа биш, өөрийгөө тодорхойлох нэг хэлбэр, сэтгэлээ хадгалах сав худалдаж авч байна.
Түүний хэлснээр зарим брэнд сүнслэг хэрэглээг зах зээлийн захын үзэгдлээс үндсэн урсгал болгож чаджээ.
Жишээлбэл:
Lululemon болон M Stand сүнслэг агуулгатай маркетингийн кампанит ажил өрнүүлсэн.
Bubble tea-ийн Molly Tea брэнд Ханжөү хотын 1700 жилийн настай сүмтэй хамтран тусгай бүтээгдэхүүн гаргасан.
Burger King хүртэл Даосын ариун Лунху уул-тай хамтран Цагаан сарын үеэр "Эд баялгийн бурхан"-ы барималтай хоолны багц худалдаалжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хятадын дотоодын тансаг брэндүүд илүү нарийн арга барил хэрэглэж байна. Үүний нэг нь гар цүнхний Songmont брэнд.
Тус брэнд аз амжилтыг шууд сурталчлахын оронд өөрийгөө танин мэдэх, бүтээлч сэтгэлгээ, амьдралын утга учрыг хэлэлцдэг подкастуудыг тогтмол хүргэдэг.
Линда Югийн хэлснээр:
Songmont аз зардаггүй. Харин удааширч, тайван амьдрах мэдрэмжийг зардаг. Хэрэглэгчид нь логог бус, сүнслэг үнэмшлийг худалдан авч байна.
Хятад улс албан ёсоор шашингүй улс бөгөөд Pew Research Center-ийн судалгаагаар хүн амын 10 хүрэхгүй хувь нь өөрийгөө шашинтай гэж тодорхойлдог. Гэвч фэншүй, мухар сүсэг, уламжлалт зан үйлийг хамруулан судлахад байдал огт өөр гарчээ. 2018 оны судалгаагаар Хятадын насанд хүрэгчдийн 47 хувь нь фэншүйд итгэдэг бөгөөд эд зүйлсийн байрлал аз жаргал, амжилтад нөлөөлдөг гэж үздэг байна.
Иймээс эд баялаг, аз хүсэж сүмд мөргөх, сахиус зүүх нь олон мянган жилийн уламжлал хэвээр байгаа бөгөөд түргэн хоолны газар эсвэл үнэт эдлэлийн компаниуд сүм хийдтэй хамтран ажиллахад өрнөдийн орнууд шиг хүчтэй эсэргүүцэл төдийлөн гардаггүй.
Гэсэн ч Хятадын төрийн хэвлэлүүд иргэдийг ийм үйлчилгээний нэрээр луйвардуулах эрсдэлтэйг анхааруулж байна. China Youth Daily сонинд нийтлэгдсэн өгүүлэлд нэгэн марксист судлаач:
Сюаньшюэ тодорхой хэмжээнд стресс тайлахад тусалж болох ч хэт автах, мухар сүсэгт итгэх нь хүнийг буруу зам руу хөтөлнө.
гэжээ.
32 настай зөвлөх Зак Лю эхнэртэйгээ бал сараараа Юньнань мужийн Дали орчмын сүмүүдээр аялжээ. Тэрээр гэр бүлийнхээ эрүүл энхийг хүсэн 100 юаниар залбирлын пайз худалдан авч, олон зуун залуу яг түүнтэй адил адислагдсан сахиус, эрх худалдаж авч байсныг дурсан ярьсан байна.
Амьдралын дарамт ихсэх тусам хүмүүс түр боловч амсхийхийн тулд сүмд очдог болсон. Энэ нь өөрийгөө тайвшруулах, соёл, түүх, байгальтай танилцах боломж ч болдог.
Өнөөдөр Хятадын сүм хийдийн эдийн засгийн жилийн эргэлт ойролцоогоор 100 тэрбум юань хүрдэг гэж тооцоолдог.
25 настай үнэт эдлэлийн дизайнер, инфлюэнсер Шэ Зэлин тогтмол сүмээр явж контент бүтээдэг бөгөөд дагагчдаа хамт аялал зохион байгуулдаг.
Түүний хэлснээр сүмд очдог залуус хоёр үндсэн бүлэгтэй.
-Материаллаг хувьд хангалуун болсон тул дотоод амар амгаланг эрэлхийлэгчид.
-Ажил, цалин, хайр дурлал, ирээдүйн тодорхойгүй байдлаас үүдсэн түгшүүрээ намжаахыг хүсэгчид.
Тэрээр мөн:
Өнөөдөр залуусын ярианы сэдэв ихэвчлэн зурхай, MBTI, мэргэ төлөг болсон. Эдгээр нь нийгмийн харилцааны нэг хэрэгсэл болж байна.
гэжээ.
Иймээс зурхай, таро, мэргэ төлгийн аппликейшнүүдийн хэрэглээ эрчимтэй өсөж байна.
Tencent-ийн хөрөнгө оруулалттай Cece зурхайн апп гэхэд 24 сая орчим удаа татагдсан бөгөөд зарим хүмүүс сүмийн шууд дамжуулалтын үеэр ердөө нэг, хоёр юань шилжүүлэн "дижитал залбирал" хүртэл захиалдаг болжээ.
Материаллаг хэрэглээнээс илүү туршлага, сэтгэл хөдлөлд мөнгө зарцуулах хандлага Хятадад ч эрчимжиж байна. Шанхайд дуу авиагаар бясалгал хийх "sound bath", болор чулуугаар сүнсний уншлага хийдэг үйлчилгээ, тансаг амралтын газрууд олноор нээгджээ.
Бали арал дахь тав хоногийн Energy Alchemy амралтын хөтөлбөр 42 мянган юанийн үнэтэй бөгөөд амьсгалын дасгал, рейки эмчилгээ зэрэг сэтгэл заслын хөтөлбөр санал болгодог.
Үүсгэн байгуулагч Вэйли Чен Уолтер:
Орчин үеийн Хятадын олон эмэгтэй амжилтаас илүү өөрийгөө хэн болох, яагаад туйлдсан, өөрийгөө хэрхэн үнэлэх талаар гүнзгий асуулт тавьж эхэлсэн.
Технологи, хиймэл оюун ухаан, эдийн засгийн өөрчлөлт хурдацтай өрнөж буй өнөө үед уламжлалт "Сайн сургууль төгсөөд өндөр цалинтай ажилд орно" гэсэн ойлголт олон залуугийн хувьд нуран унаж байна.
Иймээс тэд аялал, сахиус, үнэт эдлэл, сүм хийд, бясалгал зэрэг янз бүрийн аргаар дотоод амар амгаланг эрэлхийлэх болжээ.
Энэ нь шашны тухай гэхээсээ илүү ёс заншил, сэтгэл хөдлөл, амьдралаа өөрөө удирдаж байна гэсэн мэдрэмжийг эргүүлэн авах оролдлого юм.
Нанжингийн оюутан Ян Зируй энэ бүхнийг дараах үгээр дүгнэжээ.
Эцсийн эцэст бид бүгд аз жаргалыг худалдаж авахын тулд мөнгө зарцуулдаг. Хөдөлмөрөөрөө олсон мөнгөө сэтгэл ханамжтай мэдрэмжээр сольж байгаа хэрэг.
