Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Турк улсад болсон НАТО-гийн дээд хэмжээний уулзалтаас эх орондоо буцаж ирсний дараа Бельгийн Ерөнхий сайд Барт Де Вевер ачаа тээшиндээ гар буу болон сум байгааг мэдээд багагүй гайхжээ.
Лхагва гарагт Анкара хотноо болсон, санал зөрөлдөөн ихтэй НАТО-гийн дээд хэмжээний уулзалтын дараа зохион байгуулагч орон Туркийн Ерөнхийлөгч Режеп Тайип Эрдоган оролцсон бүх удирдагчдад өвөрмөц дурсгалын бэлэг гардуулсан байна. Тэрээр тэдэнд хуучны загварын револьвер буу болон жинхэнэ сум дагалдуулан өгсөн нь уг бэлгийг зүгээр нэг үзмэр биш болохыг баталсан.
Эрдоган Туркийн батлан хамгаалахын үйлдвэрлэлийн салбарыг сурталчлахыг зорьсон бөгөөд энэ салбар нь сүүлийн жилүүдэд тус улсын экспортын чухал бүтээгдэхүүн, гадаад бодлогын нэгэн хөшүүрэг болоод байгаа юм.
Литвийн Ерөнхийлөгч Гитанас Науседагийн Тамгын газраас нийтэлсэн зурагт Туркийн төрийн өмчит MKE компанийн 1990-ээд онд үйлдвэрлэсэн, ховор загварын Gumusay .357 Magnum зургаан сумтай револьвер харагдсан байна.
Револьверийг Туркийн төрийн далбаа, НАТО-гийн лого бүхий модон хайрцагт хийсэн бөгөөд дотор нь "Манай улсад үйлдвэрлэсэн анхны револьвер төрлийн гар буу" гэсэн бичгийг турк болон англи хэлээр сийлжээ.
Испанийн Ерөнхий сайд Педро Санчесын хэвлэлийн төлөөлөгчийн мэдээлснээр бүх удирдагч ижил загварын револьвер авсан бөгөөд тус бүр дээр нь эзэмшигчийн нэрийг сийлсэн байжээ.
Бельгийн Ерөнхий сайд Барт Де Вевер буугаа Брюсселийн нисэх буудлын гаалийн ажилтанд хүлээлгэн өгч, аюулгүй сейфэнд хадгалуулах арга хэмжээ авсан байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Польшийн Ерөнхийлөгч Кароль Навроцкийн туслах RMF FM радиод хэлэхдээ, түүний револьвер Варшавын нисэх буудал дахь гаалийн бүрдүүлэлтээ хүлээж байгаа бөгөөд "Аюулгүй хадгалж, төрийн бэлэгт зохих хүндэтгэлтэйгээр хандана" гэжээ.
Тэрээр "Үүнийг хэн ч буудахгүй нь мэдээж" хэмээн нэмж хэлсэн байна.
Нидерланд, Шведийн Ерөнхий сайд нарын Тамгын газраас мэдээлснээр тэдний авсан револьверүүдийг Анкара дахь Элчин сайдын яам руу нь хүргэсэн бөгөөд Нидерландынхыг ажиллагаагүй болгох, Шведийнхийг импортын бичиг баримтыг бүрдүүлэх хүртэл хадгалах аж.
Их Британийн Ерөнхий сайд Кейр Стармерт өгсөн буутай хамт цэвэрлэгээний иж бүрдэл болон 500 ширхэг сум дагалдуулсан гэж Даунингийн гудамжны эх сурвалж мэдээлжээ.
Италийн Ерөнхий сайд Жоржа Мелонигийн револьверийг Ром дахь Засгийн газрын ордон Палаццо Кижи-д төрийн бусад бэлгийн хамт хадгалж байгаа аж.
Харин Европын Комиссын Ерөнхийлөгч Урсула фон дер Ляйен өөрт ирсэн револьверийг цэргийн музейд хандивлахаар төлөвлөжээ.
Өнөө үед Туркийн гар бууны үйлдвэрлэл голчлон хагас автомат гар буунд төвлөрдөг тул Gumusay револьвер нь цуглуулагчдын сонирхлыг татах ховор загварт тооцогддог.
Туркийн үйлдвэрлэгчид сүүлийн жилүүдэд харьцангуй хямд үнэтэй гар буу, ангийн буугаараа Европын иргэний зориулалттай галт зэвсгийн зах зээлд хүчтэй нэвтэрч, өндөр үнэтэй бүтээгдэхүүнээрээ алдартай Итали, Бельгийн уламжлалт үйлдвэрлэгчидтэй өрсөлдөх болсон байна.
Женев хотод төвтэй Small Arms Survey байгууллагын мэдээллээр Турк улс 2019-2024 оны хооронд ойролцоогоор 3 тэрбум ам.долларын бага оврын зэвсэг экспортолж, АНУ болон Италийн дараа дэлхийд гуравдугаарт бичигджээ.
