Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
August 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
“Дорнын гялалзсан их нийслэл” хэмээн Марко Поло бахархан өгүүлж байсан Шанду буюу Юань улсын зуны нийслэл — 元上都 өнөөдөр түүхийн сүр хүчийг хадгалсан их туурь болон үлджээ.
1256 онд байгуулагдсан Шанду хот нь Монголын эзэнт гүрний хаадын зуны ордон, төрийн төв байв. Эзэн хаад зуны халуунаас зайлан, Шанду болон Даду (өнөөгийн Бээжин) хотын хооронд нүүдэллэн, их гүрнийхээ төрийг эндээс захирдаг байжээ. Энэ газарт Юань улсын арав гаруй хаан 'хаан ширээнд заларсан' хэмээн түүхэнд тэмдэглэгдсэн байдаг.
Шанду ид цэцэглэлтийн үедээ зөвхөн хаадын ордон байсангүй. Энэ бол тухайн үеийн дэлхийн олон соёл иргэншил уулзсан, худалдаа наймаа, эрдэм мэдлэг, улс төрийн харилцаа өрнөсөн олон улсын их хот байлаа.
Персийн худалдаачид алс баруунаас ирж, өрнөдийн шашны номлогчид аялж, Хань үндэстний эрдэмтэд ном судраа дэлгэн, Монголын нүүдэлчин овог аймгууд тал нутгийнхаа соёл, уламжлалаа авчран энд хуран цугладаг байв. Асар майхан, сүрлэг ордон харш зэрэгцэн сүндэрлэж, тал нутгийн салхин дор дэлхийн олон орны хүмүүсийн хөл хөдөлгөөн тасардаггүй байжээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Харин өнөөдөр тэрхүү сүр жавхлант хотын оронд уудам талд салхинд элэгдсэн хэрэм, ордны суурь, чулуун туурь л үлджээ.
Долоон зууны тэртээх салхи өнөөдөр ч эндээс үлээж, нэгэн цагт энэ талд төвлөрч байсан мянга мянган хүлгийн туурайн чимээг сануулах мэт.
Энд зогсоод нүдээ анин чагнахад хаадын ордны хөл хөдөлгөөн, морин тэрэгний нүргэлэх чимээ, тал нутгийн салхинд намирах туг сүлд хүртэл төсөөлөгдөх шиг.
Евразийн өргөн уудам нутгийг холбон захирч байсан Монголын эзэнт гүрний түүхэнд үлдсэн нэгэн том мөр — Юань гүрний сүр хүч, соёл иргэншил, дэлхий дахинтай холбогдсон түүхийн амьд гэрч юм.
Өнөөдөр Шандугийн туурь нь ЮНЕСКО-гийн Дэлхийн өвд бүртгэгдсэн Өвөр Монголын цорын ганц дурсгалт газар болон түүхээ өгүүлсээр байна.
Шанду — нэгэн цагт эзэнт гүрний зуны нийслэл байсан, өнөөдөр түүхийн салхинд орших Дорнын их туурь ажээ.
