Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Goldman Sachs эрэгтэй ажилтнаа хүйсээр ялгаварлан гадуурхсан хэргээр 1.45 сая фунт стерлингийн нөхөн төлбөр төлөхөөр боллоо
Монголчуудад ихээхэн сургамжтай мэдээллийг бид уншигчиддаа хүргэж байна. Хэрвээ таны ажилладаг төрийн, төрийн бус байгууллага, компани, банк эрхийг тань зөрчсөн үйлдэл гаргавал нуух биш ил гаргаж шүүхэд хандаж эрхээ хамгаалуулах хэрэгтэй гэдгийг санаж байгаарай. Мөн бид ийм мэдээллийг эх сурвалжийг нууцлан хүлээн авахад бэлэн байна.
АНУ-ын хөрөнгө оруулалтын банк Goldman Sachs-ийн (Голдмэн Сакс) Лондон дахь салбарт ахлах комплаенс-аар ажиллаж байсан Жонатан Ривз гэх ажилтан хүүхэд асрах чөлөөтэй байх хугацаанд нь ажлаас халсан тул хүйсээр ялгаварлан гадуурхсан, хууль бусаар ажлаасаа халагдсан гэх үндэслэлээр банкыг шүүхэд өгч заргалдан, заргаа авчээ. Шүүх түүнд 1.45 сая фунт стерлинг (ойролцоогоор 1.93 сая ам.доллар буюу 6.9 тэрбум төгрөг)-ын нөхөн төлбөр төлөхийг Голдмэн Сакс банкинд үүрэг болгосон байна.
Ривз нь Голдмэн Сакс банкинд олон жил ажилласан туршлагатай нэгэн юм. Тэрээр 2022 онд тус банкнаас гаргасан хүний нөөцийн бодлогын хүрээнд зургаан сарын цалинтай хүүхэд асрах чөлөө авсан боловч ажлаасаа халагдсан байна.
Ривз хоёр жилийн өмнө шүүхэд гаргасан заргынхаа эхний шатанд ялалт байгуулж, шүүхээс түүнийг хууль бусаар ажлаас халагдсан, хүйсээр ялгаварлан гадуурхагдсан гэж тогтоосон юм.
Лондонгийн Хөдөлмөрийн шүүхийн лхагва гарагт нийтэлсэн шийдвэртээ Ривзэд:
-Сэтгэл санааны хохирлын нөхөн төлбөр,
-Өнгөрсөн болон ирээдүйн орлогын алдагдлын нөхөн төлбөр,
мөн энэхүү шүүхийн маргааны улмаас үүссэн нэр хүндийн сөрөг нөлөөллийн хохирлыг тус тус тооцож 1.45 сая фунт стерлингийг олгуулахаар боллоо гэсэн байна.
Шүүх түүний эсрэг өрнөсөн маргаан нь цаашдын ажил хайхад нь ноцтой саад учруулсан гэж үзжээ.
Харин Голдмэн Сакс банк мэдэгдэлдээ:
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Манай банк цалинтай хүүхэд асрах чөлөөний бодлогоороо салбартаа тэргүүлэгчдийн нэг бөгөөд хүйс үл харгалзан бүх эцэг эхийг санал болгож буй 26 долоо хоногийн цалинтай хүүхэд асрах чөлөөг бүрэн ашиглахыг дэмждэг.
гэж онцолсон байна.
Мөн банк:
Бид энэхүү шийдвэртэй санал огт нийлэхгүй.
хэмээн мэдэгдсэн ч давж заалдах эсэх талаар тайлбар өгөөгүй.
Харин Жонатан Ривз уг асуудлаар тайлбар хийхээс татгалзжээ.
Жонатан Ривз нь Голдмэн Сакс банкны Комплаенсийн хэлтсийн Хяналтын өрөөний орлогч дарга бөгөөд ахлах дэд ерөнхийлөгчийн албан тушаал хашиж байжээ. Тэрээр 2011–2019 оны хооронд тогтмол шилдэг 25 хувийн гүйцэтгэлтэй ажилтнаар үнэлэгдэж байсан байна.
Банк түүний карьерын өсөлт зогсонги байдалд орсон тул цаашид дэвшихээр тооцогдохоо больсон гэж тайлбарласан боловч шүүх энэ үндэслэлийг хүлээн зөвшөөрсөнгүй.
Шүүхийн шийдвэрт дурдсанаар, уг хэрэгтэй холбоотой сөрөг нэр хүндийн улмаас:
-Зарим ажлын ярилцлага цуцлагдсан,
-Ажлын санал буцаагдсан,
-Боломжит ажил олгогчид түүнийг илүү хатуу, нягт шалгаж байсан нь нотлох баримтаар тогтоогджээ.
Ривз ажлаасаа халагдсанаас хойш:
417 ажлын байранд өргөдөл гаргаж,
43 удаа ярилцлагад оролцсон,
Тэднээс ердөө хоёр заасан хугацаатай хөдөлмөрийн гэрээтэй ажил олж чадсан байна.
Шүүх түүнийг байнгын ажлын байртай болоход дор хаяж гурван жил шаардлагатай, харин орлогын зөрүү нь найман жил хүртэл үргэлжилж, шүүхийн маргаантай холбоотой сөрөг нэр хүнд аажмаар арилах хүртэл нөлөөлнө гэж дүгнэжээ.
Ривзийн өмгөөлөгч, Жо Киддей хэлэхдээ:
Энэхүү шийдвэр нь нэр хүндэд учирсан хохирлын нөхөн төлбөр зөвхөн онолын ойлголт биш гэдгийг тодорхой харууллаа. Зохицуулалт өндөртэй салбарт ажилладаг ахлах түвшний мэргэжилтнүүдийн хувьд шүүхийн маргаан нь карьерын хөгжилд асар их нөлөө үзүүлдэг бөгөөд хангалттай нотлох баримттай тохиолдолд шүүх ийм хохирлыг бодитоор үнэлэн тооцдог болохыг энэ хэрэг баталж байна.
