С.Амарсайхан бус У.Хүрэлсүх "шатлаа"

НИЙТЭЛСЭН:

2024-12-17 08:30

Улаанбаатарын зарим иргэн унтахдаа "угаартаад" сэрэхгүй болсон ийм эмгэнэлтэй цагт Ерөнхийлөгч бус агаарын бохирдлыг бууруулах үндэсний хэмжээний бодлого, хөтөлбөрийг баталдаг гол хүн Ерөнхий сайд мэдрэмжтэй дуугарах ёстой байлаа.

Л.Оюун-Эрдэнэ Ерөнхий сайд "хүндэтгэх шалтгаантай" бол утаанд шууд холбогдох дараагийн албан тушаалтан нь Монгол Улсын шадар сайд бөгөөд Улсын онцгой комиссын дарга С.Амарсайхан нь иргэдээсээ "уучлал" хүсэн дуугарч, агаарын бохирдолд аргаа барж буй ард түмнийхээ асуудалд анхаарлаа хандуулж, санаачлагыг гартаа авах байлаа.

Даанч С.Амарсайхан чадсангүй. Тэр бас утаанд "унтжээ". Харин түүний энэ орон зайд Ерөнхийлөгч улс төрийн ээлжит тоглолтоо амжилттай хийж "шатлаа".

Ерөнхийлөгчийн тодорхойлсноор "Ажлаа хийж чаддаггүй арчаагүй гарууд"-ын нэг нь яалтачгүй Шадар сайд бөгөөд УОК-ын дарга С.Амарсайхан болох нь. Магадгүй тэр өнөөдөр Ерөнхийлөгчийн зааварласнаар Улсын онцгой комиссыг хуралдуулах нь тодорхой. Гэхдээ түүний удирдсан онцгой комисс амьдралд, тулгамдсан асуудалд хэр ойр шийдвэр гаргах бол гэдэгт эргэлзсэн иргэд сошиал орчинд сэтгэгдлээ илэрхийлээд эхэлж.

Яагаад Л.Оюун-Эрдэнийг, С.Одонтуяаг бус С.Амарсайханыг буруутгав гэдэгт хариулт өгье.

Утаанаас болж хүүхдүүд ханиаднаасаа салахгүй хөгшин залуугүй иргэдийн толгой байнга өвдөх болов. Иргэд нь өвдөж, эрүүл мэндээрээ хохирч, Үндсэн хуульд заасан эрүүл аюулгүй орчинд амьдрах эрхээ эдэлж чадахгүй шаналж, амьдрах байтугай амьсгалах ч боломжгүй болсон. Агаарын бохирдол аюулт үзэгдэл болж байхад Улсын онцгой комисс нь "унтаа" байгаа нь "уйлмаар" байна.
Дахин хэлье. Монгол Улсын Шадар сайд С.Амарсайхан нь Улсын онцгой комиссын (УОК) даргын үүргийг гүйцэтгэдэг бөгөөд агаарын бохирдол, байгаль орчны асуудалд хариуцлага хүлээх гол албан тушаалтнуудын нэг юм. Хэдийгээр Орчны бохирдлыг бууруулах үндэсний хороог татан буулгаж нийслэлийн Засаг дарга хариуцахаар болсон ч, Улсын онцгой комиссын дарга учраас С.Амарсайхан утаанд хариуцлага хүлээх албан тушаалтнуудын нэг мөн юм.

Түүний хувьд агаарын бохирдлыг бууруулах чиглэлээр тодорхой бодлого, үйл ажиллагаа хэрэгжүүлэх үүрэгтэй. Энэ хүрээнд:

Халдварт өвчин болон агаарын бохирдлын уялдаа холбоо: Хүйтний улиралд агаарын бохирдол эрүүл мэндэд үзүүлэх нөлөө нэмэгддэг тул энэ чиглэлд онцгой анхаарах ёстой.
Түлшний хангамж болон сайжруулсан түлшний чанар: Гэр хорооллын айл өрхөд сайжруулсан түлшийг жигд хүргэх, хяналт тавих үүрэгтэй.
Дулааны эх үүсвэрийг нэмэгдүүлэх: Цэвэр эрчим хүч, дулааны эх үүсвэрийг нэмэгдүүлэх бодлого хэрэгжүүлэхэд хариуцлага хүлээдэг.

Тиймээс С.Амарсайханы хувьд агаарын бохирдлыг бууруулахад онцгой анхаарал хандуулах үүрэгтэй юм билээ. Хэдийгээр Ерөнхийлөгч өөрийн зүгээс бодлогын болон улс орны хэмжээнд дэмжлэг үзүүлэх үүрэгтэй ч, шууд гүйцэтгэлийн ажлуудыг УОК болон холбогдох яамд хариуцдаг. Эргээд УОК-ыг С.Амарсайхан удирддаг. Тэр энэ албан тушаалыг сүүлийн гурван жил тасралтгүй хашиж байна. Бүр тэрнээс өмнө нийслэлийн Засаг дарга бөгөөд Улаанбаатар хотын захирагч байлаа. Сүүлийн таван жил тэр тасралтгүй "утааг" бууруулах ажилд гар бие оролцох үүрэгтэй. Гэтэл угаартаж нас барсан иргэдийн тоо жил ирэх бүр нэмэгдэж, утаанд зарцуулсан хөрөнгө үр ашиггүй гэх аудитын дүгнэлт гарсан байхад ч үл тоож, нүдэн балай чихэн дүлий өнгөрөөсөөр.

Тэр ядагтаа төсвийн ил тод байдал, шинжлэх ухааны үндэслэлтэй судалгаанд суурилсан шийдлийг ярьж, утаа гамшгийн хэмжээнд хүрснийг сануулж, албан тушаалтнуудад нь шаардлага тавьж ажиллах ёстой байлаа.

Ямартай ч, хүн бүхний "толгойны өвчин" болсон утааг Ерөнхийлөгч улс төрийн тоглолт болгосноор улс төрчид анхаарч эхлэх нь. Тиймдээ ч, УИХ-ын Байгаль орчин, хүнс хөдөө аж ахуйн байнгын хорооноос утааны асуудлаарх сонгсголыг зохион байгуулах тогтоол албажжээ. Өмнө нь яригдсан ч, утааны сонсгол хийхийн тулд баримт хэрэгтэй учир түлшний чанарыг шинжилнэ гэх тайлбарыг хийгээд байлаа. Тэгвэл Төрийн тэргүүн "шатсанаар" ирэх Пүрэв гарагт УИХ-ын Байгаль орчин, хүнс хөдөө аж ахуйн байнгын хорооны хуралдаанаар ажлын хэсэг байгуулж, шинжээч томилохоор болжээ. Харин өнөөдөр УИХ-ын гишүүн А.Ундраа тэргүүтэй гишүүд хэлэлцүүлэг хийх тов гарсан байна.

Энэ хэлэлцүүлэгт эмнэлэг, түлшний үйлдвэр, хөндлөнгийн шинжээч гээд тал талын эх сурвалжууд оролцож дүгнэлт гаргах юм. Мөн сайжруулсан түлшний хоруу чанар хэр байна вэ гэдгийг тогтооно.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07