Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
May 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Хотын дарга Х.Нямбаатар Туулын хурдны замын трасс дагуу ажиллаж, Туулын хурдны замыг эсэргүүцэгчид улс төрийн зорилгоор эсвэл хувийн эрх ашгийн үүднээс тэмцэж байгааг илчиллээ. Туул голын эргээр бетон ширэнгэ болтол байшин барилга, хотхон хорооллуудыг барьж, тэдгээрээс Туул руу бохироо урсгадаг хотхонууд ч байгаа хэдий боловч Туул голоо аврахаар тэмцэгчид нэг ч удаа дуугарч байсангүй.
Энэ байдлыг зогсоож, Улаанбаатарын түгжрэл, агаарын бохирдлыг шийдэх томоохон төслүүдийг дэмжихийг хотын дарга Х.Нямбаатар уриаллаа. Тэрбээр “Туулын хурдны замыг дандаа хөрөнгөтөн, олигархууд эсэргүүцэж байна. Тухайлбал, Туулын хурдны замыг эсэргүүцээд байгаа Ц.Лут-Очир өмнө нь авлигын хэргээр ял шийтгэгдэж байсан. Энэ нөхөр Туулын урд эргээр уулын замыг бариулсан “Эсто” компанийн санхүүгийн захирал нь байсан хүн. Уулын замыг өөрөө санаачилж бариулчихаад нөгөө талд нь зам тавих гэхээр эсэргүүцээд байгаа. Мөн АСЕМ-ийн дулааны шугам сүлжээг барих нэрээр Туул голын урсгалыг бүтэн хаваржин хаасан экологийн гэмт хэрэгтэн.
“Туул голоо аваръя” гэх хөдөлгөөний Г.Мөнх-Эрдэнэ Д.Бум-Очирын захиалгаар явж байгаа хүн. Хулгайтай тэмцэж, ард түмнээ баян амьдруулж чаддаггүй юм аа гэхэд том авто замтай болъё л гэсэн. Д.Бум-Очир өөрөө ард түмнээс дэмжлэг аваагүй УИХ-ын гишүүн. Зарим нөхдийнхөө дэмжлэгээр МАН-ын жагсаалтад багтсан.
УИХ-ын гишүүн Ж.Золжаргал хагас коксон түлшийг яаж эсэргүүцэж байлаа. Гэтэл хагас коксон түлш хэрэглээд нийслэлийн агаарын бохирдол 30 гаруй хувь багассан. Түлш нь агаарын бохирдлыг бууруулаад ирэхээр юм хэлж чадахаа больсон ч дахин Туулын хурдны замыг санаатай эсэргүүцээд эхэлсэн.
З.Энхболдын найз, мөн УИХ-ын гишүүн С.Цэнгүүний аав Саруулсайханы 6 давхар орон сууц ХААИС-ийн хойно Туулын эко бүсийг анхнаасаа зөрчиж баригдсан. Заримдаа бохир нь хальж, Туул голыг бохирдуулдаг. УИХ-ын гишүүн С.Цэнгүүн ч өөрөө ойрхон 20, 30 удаа гадаад руу зугаалсан, хуралдаа ирдэггүй. Үүнийгээ тайлбарладаггүй. Харин энэ удаад мөн л Туулын хурдны замыг эсэргүүцэж байна.
Харвардын их сургуулийн эрдэмтэд 100% шүүсэн ургамлын тос нь эрүүл мэндийн тэнцвэрт байдлыг дэмждэг болохыг тогтоожээ.
Хэлэлцүүлгээр хөдөө аж ахуй, уул уурхай, зам тээврийн салбарын тоног төхөөрөмжийн хэрэгцээ шаардлагыг хэрхэн хангах болон тулгамдаж буй асуудлын талаар оролцогчид саналаа илэрхийлж, боломж, гарцыг ярилцлаа.
Ц.Оюунгэрэл өөрөө Туулын эрэг дагуу 3 давхар хауст амьдардаг, бүх юмыг жадлан эсэргүүцдэг. Тухайн орчинд нь дүүргээс эко зурвас хийж, байгаль орчин, Туул голыг хамгаалъя гэхэд мөн л жадлан эсэргүүцэж байлаа.
Эдгээр эсэргүүцэгч нарынхаар бол Туулын эргээр хотхон, хорооллуудыг олноор нь барихад бургас мод сүйддэггүй гэнэ. Харин ард түмэнд хэрэгтэй, түгжрэлийг шинэ тойрог замтайгаа нийлээд 50 хувь бууруулах Туулын хурдны замыг барих гэхлээр эрс эсэргүүцэж байна. Нийслэлийн МАН-ын хороо нийслэлчүүдэд агаарын бохирдол, түгжрэлийг бууруулах 2 том амлалт өгсөн. Үүнийхээ дагуу л ажлаа хийж байна, зам тавьж байна. Том зам баригдаж, мега төсөл нь биеллээ олоод Улаанбаатар хотын түгжрэлийг зогсоочих вий гэсэн хорт санаа агуулж буй хүмүүс Туулын хурдны замыг эсэргүүцэж байгааг дахин хэлье” гэдгийг хотын дарга Х.Нямбаатар хэллээ.
Үргэлжлүүлэн хотын дарга Х.Нямбаатар УИХ нь Засгийн газраа ээлж дараалан унагааж, өөрсдөдөө ашигтай хөрөнгө оруулалтыг дэмжиж, гишүүд нь гадаадад зугаалж, хотын бүтээн байгуулалтыг зогсоох, гацаахад төвлөрч ажиллаж байна. Нэг нь Богдхан уул Туул голын дундуур явж байгаа уулын зам, нөгөө нь үнэтэй хотхон хорооллуудын хажуугаар, далангаа дагаж барих Туулын хурдны зам хоёрын аль нь байгаль орчинд ээлгүй вэ гэдгийг бодоход л ойлгомжтой зүйл.
Ц.Лут-Очир, Д.Бум-Очир, Г.Мөнх-Эрдэнэ, Ц.Оюунгэрэл, С.Цэнгүүн, Ж.Золжаргал нараас гадна Б.Шүүдэрцэцэг, Б.Болор-Эрдэнэ, Эмүжин гээд зохиолч, нийтлэлч гэсэн хүмүүс ч Туулын хурдны замыг бодлогоор буюу санаатайгаар эсэргүүцэж байна. Улаанбаатар хотын түгжрэлийг шийдэх, ард түмний ая тухтай амьдралын төлөө хийж байгаа Туулын хурдны зам төслийг би зогсоохгүй. Ард түмний эсрэг бүхний эсрэг хэзээд тэмцэнэ. Туулын хурдны замыг 3 шатны шүүхээр оруулаад, хууль бус, байгаль орчинд сөрөг нөлөөтэй гэж нотлоод шийдвэр гаргахаас бусдаар Туулын хурдны зам төслийг зогсоохгүй. 2013 оноос эхлэн хэрэгжих гээд чадаагүй нийгэм, эдийн засгийн чухал ач холбогдолтой Туулын хурдны зам төслийг хамгаалж, Туул гол орчимд штаб хүртэл байгуулж тэмцэхэд бэлэн” гэж хотын дарга Х.Нямбаатар хэллээ.
