Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Бие махбодьтой байна гэдэг үнэндээ амаргүй ажил. Та өөрөө хүсэлт гаргаж, өргөдөл бөглөөгүй байхад л бүхэл бүтэн экосистемийн хариуцлагыг танд тулган өгчихсөн мэт. Одоо тэгээд та түүнийг өдөр бүр усалж, байнга анхаарал тавих ёстой.
Нэг аяга ус ууна. Дараа нь дахин нэг. Дараа нь бас дахин нэг. Ингээд ч дуусахгүй. Амьдрал тань түүнээс шууд хамаарч байгаа мэт… үнэндээ яг тийм. Тасралтгүй шингэн ууж байх шаардлагатай.
Мэргэжилтнүүдийн зөвлөмж харилцан адилгүй ч ерөнхийдөө өдөрт 2–3 литр ус, эсвэл уламжлалт ойлголтоор найман аяга ус уух ёстой гэж үздэг. Энэ хэмжээ нь тухайн хүний биеийн жин, амьдарч буй газрын уур амьсгал, өдөр тутмын хөдөлгөөний идэвхээс хамаарч өөрчлөгдөнө.
Жишээлбэл, марафонд гүйдэг хүн өдөржин компьютерийн ард суудаг хүнээс (жишээ нь над шиг) хавьгүй их ус хэрэглэх шаардлагатай.
Ус бол зүгээр л амьд байлгадаг энгийн зүйл биш. Тэрээр биеийн температурыг зохицуулж, тархины үйл ажиллагааг дэмжиж, анхаарал төвлөрөл, сэтгэн бодох чадварыг сайжруулдаг. Мөн арьсны эрүүл мэндэд эерэг нөлөө үзүүлж, эсүүдэд шаардлагатай шим тэжээлийг хүргэхийн зэрэгцээ бие махбодоос хорт бодис, хаягдлыг гадагшлуулдаг. Товчхондоо, ус бол үнэхээр л хамгийн чухал элемент юм.
Гэсэн хэдий ч бидний ихэнх нь эдгээрийг мэддэг атлаа яг хэдий хэмжээний ус ууж байгаагаа бодитоор хянаж чаддаггүй.
Ус уух нь уйтгартай санагдаж болно. Оронд нь шууд Diet Coke (сахаргүй ундаа) уучихмаар. Дээрээс нь байнга ариун цэврийн өрөө рүү гүйх зав хэнд байна гэж? Хугацаандаа амжуулах ёстой ажлууд, хариулах шаардлагатай мессежүүд, дуусахгүй мэт санагдах үүрэг хариуцлагууд байхад.
Гэхдээ бид чухал боломжийг алдаж байгаа юм биш биз? Хэрэв бид мэргэжилтнүүдийн зөвлөмжийг ягштал мөрдөж, усны хэрэглээгээ нэмэгдүүлбэл амьдрал маань үнэхээр өөрчлөгдөх үү? Үүнийг шалгах ганц л арга байсан. Тиймээс би долоо хоногийн турш өдөр бүр 2.5 литр ус ууж, энэ нь миний бие махбодь, оюун санаа, сэтгэл зүйд ямар нэгэн бодит өөрчлөлт авчрах эсэхийг туршиж үзэхээр шийдсэн юм.
Энгийн мэт санагдана. Зүгээр л ус ууна. Амандаа балгаад, дараа нь аягаа дахин дүүргэнэ. Өдрийн эхний нэг литр ус уухад ямар нэгэн хүндрэл огт байхгүй. Хоёр дахь литрийг ууснаас хойш байдал нэлээд төвөгтэй болж эхэлсэн.
Хөдөлгөөн хийх бүрд яг л халуун усны уутыг галзуу мэт сэгсэрч байгаа юм шиг дуу гарна. Бас усанд хэт дүүрчихсэн болохоор амттай жижигхэн зүйл ч идмээр санагдахгүй. Үүн дээр нэмээд 20–30 минут тутамд ширээнээсээ босож, ариун цэврийн өрөө рүү явна.
“Зүгээр үү?” гэж намайг дахин дахин оффисоор алхахад нэг нь асууна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
“Зүгээр!” гэж би огцом өнгөөр хариулна. Учир нь бие засах газарт яарах тухайгаас өөр зүйлд анхаарал төвлөрөх боломжгүй болсон. Яриа хөөрөө хийх завгүй. Ус уух нь миний бүтэн цагийн ажил болчихсон мэт. Энэ байдал гурван өдөр үргэлжилсэн.
За, яг энэ үеэс л бодит ахиц өөрчлөлт мэдрэгдэж эхэллээ. Удаан хугацаанд надад үдээс хойш 2 цагийн үед эхэлдэг, орой болтол үргэлжилдэг энергийн уналт байнга тохиолддог байсан. Үүнийг би циркадын хэмнэлтэй холбоотой, эсвэл зүгээр л миний биеийн онцлог гэж боддог байв.
Гэтэл энэ туршилтын үеэр ердийн тэр “Үдээс хойших уналт” огт мэдрэгдсэнгүй. Ер нь өдрийн турш илүү сэргэг, төвлөрөл сайтай байлаа. Гэхдээ кофе их уусны дараах шиг хэт сэргэг, хиймэл мэдрэмж огт байгаагүй. Харин тархи ядраагүй, бодлууд эмх цэгцтэй болж, ажлаа илүү бүтээмжтэй хийж, залхуурал илт багассаныг анзаарсан.
2.5 литр ус уух нь ч аажмаар амархан санагдаж эхэлсэн. Энэ нь дасал болсных гэхээс илүүтэй, гурав дахь өдрөөс тав дахь өдрийн хооронд хэд хэдэн удаа фитнесст явсан тул бие махбод маань үнэхээр ус илүү шаардаж байсан байх.
Би… Леди Гагагийн өндөртэй ойролцоо хүн тул агааржуулагчтай оффист бүтэн өдөр сууж байх үедээ ийм их ус уух шаардлагагүй ч байж магадгүй.
Мөн хэт их ус уух нь аюултай байж болдог бөгөөд “Усны хордлого” гэж нэрлэгддэг байдалд хүргэх эрсдэлтэй. Тиймээс хэрвээ бие тань аль хэдийн хангалттай услагдсан мэт санагдвал “тунгалаг шингэн”-ийг жаахан багасгасан нь дээр. Харин идэвхтэй хөдөлгөөнтэй өдрүүдэд 2.5 литр ус уух нь надад огт асуудал болоогүй.
Нэг долоо хоногийн дараа толинд харахад нүүр минь арай л гэрэлтсэн мэт санагдсан. Маш огцом, гайхамшигтай өөрчлөлт биш шүү. Энэ чинь The Substance кино биш шүү дээ. Харин “сайхан өдөр” нүүрэнд ирсэн мэт тэр мэдрэмж. Бусад хүнд анзаарагдахгүй ч, өөрийн нүдэнд арай л чийглэг, өнгөлөг харагдсан.
Мөн оюун ухааны тодорхой байдал, ядрал багатай байдал хэвээр үргэлжилсэн. Үнэндээ 2.5 литр ус ууж эхэлснээс хойш унтах цагаасаа өмнө ядрах мэдрэмж бараг төрөөгүй. Бүр сарын тэмдэг эхлэхийн өмнөх хэдэн өдөр. Тэр өдрүүдэд нүд минь ядарч, сульддаг “DW” мийм шиг болдог үед ч би өөрийгөө гайгүй, хэвийн мэдэрч байлаа.
Эцсийн дүгнэлт гэвэл: өдөрт 2.5 литр ус уух нь миний амьдралыг бүрэн өөрчилж, бүх арьс арчилгааны бүтээгдэхүүнээ хаяад, ажлаа орхиод ус уух талаар лекц уншдаг хүн болгох хэмжээнд хүргээгүй.
Гэхдээ ашиг тус нь хангалттай бодит, мэдрэгдэхүйц байсан тул энэ туршилт дууссаны дараа ч ижил хэмжээгээр ус уусаар байхаар шийдсэн.
Байнга босож, ариун цэврийн өрөө явах нь жаахан ядаргаатай ч, өөрийгөө тосолгоо сайтай машин шиг мэдрэхийн төлөө төлөх өчүүхэн үнэ л юм. Өмнө нь би зэвэрчихсэн хуучин машин байснаа ч анзаараагүй явжээ.
