Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
“Эдгээр нь Мерилин Монрогийн хамгийн сүүлд авахуулсан зургууд гэдгийг мэдэхэд үнэхээр эмзэглэл төрүүлдэг”
Арва Хайдер, BBC агентлагийн сэтгүүлч
1962 оны долдугаар сар. Калифорнийн Санта-Моникагийн эрэг дээр нэгэн эмэгтэй зургаа авахуулж байна. Түүний “Шаргал үс, сексийн бэлгэ тэмдэг” болсон дүр төрх танигдахуйц хэвээр ч далайн салхинд хийссэн үс, зөөлөн төрх нь өмнөхөөсөө илүү дулаан, тайван харагдуулах аж. Мерилин Монро ногоон алчуурт ороогдож, эсвэл зузаан сүлжмэл хувцас өмссөн байх бөгөөд гэрэлтсэн, хөгжилтэй дүр төрх тодорно. Харин зураг авалтын хамгийн сүүлчийн хэсэгт тэр элсэн дээр тухлан хэвтэж, гараа хавсран, камер руу энхрий үнсэлт илгээж байгаагаар буужээ
Эдгээр гэрэл зургыг гэрэл зурагчин Жорж Баррис авчээ. Түүний авсан гэрэл зураг нь домогт жүжигчин, модель Мерилин Монрогийн амьд ахуйдаа авахуулсан хамгийн сүүлчийн хөрөг зургууд байсан юм.
Хэдхэн долоо хоногийн дараа буюу 1962 оны наймдугаар сарын 5-ны үүрээр Мерилин Монро Лос-Анжелес дахь гэртээ нас барсан байдалтай олдсон бөгөөд тэр дөнгөж 36 настай байлаа.
Мерилин Монро бол Холливудын Алтан үеийн төгс төлөөлөл байв. Түүний гайхамшигтай гоо үзэсгэлэн, дэлгэцэн дээрх татах хүч нь Gentlemen Prefer Blondes, Some Like It Hot зэрэг кинонуудыг амжилтад хүргэсэн юм
Тэр зөвхөн кино од байгаагүй. Түүний дүр төрх Холливудын оддын системийн гял цал өнгөн дор нуугдсан гуниг, эмзэглэл, дотоод зөрчлийг ч илэрхийлдэг байв.
Өнөөдөр ч Мерилин Монро олон нийтийн анхаарлын төвд хэвээр байна. Түүний гоо үзэсгэлэн, хувцаслалтын хэв маяг нь шинэ үеийн поп одод, дизайнеруудад урам өгсөөр байгаа бөгөөд дүр төрх нь сурталчилгаа, ном, жүжиг, кинонд дахин дахин амилсаар байна.
2026 оны 6-р сарын 1-нд Мерилин Монрогийн мэндэлсний 100 жилийн ой тохиосон.
Үүнтэй холбогдуулан National Portrait Gallery-д “Marilyn Monroe: A Portrait” нэртэй томоохон үзэсгэлэн нээгдсэн байгаа бөгөөд Санта-Моникагийн зураг авалтын зургаан гэрэл зураг тэнд дэлгэгдсэн.
Үзэсгэлэнгийн куратор Росие Броадли BBC сувагт:
Бараг хүн бүр Мэрилиний тухай бүтээл хийхдээ ‘домгийн цаадах жинхэнэ эмэгтэйг харуулна’ гэж хэлдэг. Харин бид түүний дүр төрх хэрхэн бүтсэн, янз бүрийн гэрэл зурагчидтай хамтран ажиллах явцдаа хэрхэн хувьсан өөрчлөгдсөнийг харуулахыг хүссэн.
гэжээ.
Түүний хэлснээр Мерилин Монро зурагчидтай маш ухаалаг хамтран ажиллаж, өөрийн хүссэн дүр төрхөө бүтээж чадсан байна.
Тэр өөрийгөө том од болохыг хүсдэг байсан. Тиймээс зурагчдыг маш овжин ашиглаж, өөрийн брэндийг бүтээсэн.
хэмээн мөн тэрээр тодорхойлсон.
1962 он гэхэд Мерилин Монро дэлхийн хэмжээний супер од болсон байсан ч амьдрал нь хямралтай байв. Тэрээр гурав дахь нөхөр болох жүжгийн зохиолч Aртур Миллертэй гэрлэлтээ дуусгавар болгосон байлаа.
Цөсний хүүдийн хагалгааны дараа жин нь буурч, бие галбирынх нь талаар хэвлэл мэдээлэл тасралтгүй шүүмжилдэг байв.
Мөн зураг авалтын талбайд “хэцүү хүн” гэсэн нэр зүүсэн байсан ч энэ нь түүний архаг нойргүйдэл, эрүүл мэндийн асуудал, жороор олгодог эмийн хамааралтай холбоотой байсан гэдэг.
Тэр жил Мерилин Монро олон удаа өвдөж ажилдаа ирээгүй тул 20th Century Fox студи түүнийг Something's Got to Give киноноос халж, шүүхэд хүртэл өгсөн байна.
Энэ үед Мерилин Монро өөрийн нэр хүндийг сэргээхийн тулд хэвлэл мэдээллийхэнтэй хамтран идэвхтэй кампанит ажил эхлүүлжээ. Тэрээр сэтгүүлүүдэд ярилцлага өгч, шинэ зураг авалтуудад оролцсон байна.
Тухайлбал:
Vogue сэтгүүлд зориулсан гэрэл зурагчин Берн Шетрн-ий алдарт “The Last Sitting” цуврал
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Life сэтгүүлд зориулсан Aллан Грантын зурагтай ярилцлага.
Санта-Моникагийн зургууд анхандаа Cosmopolitan сэтгүүлд нийтлэгдэхээр төлөвлөгдөж байжээ.
Үзэсгэлэнгийн өөр нэг куратор Жоржиа Атенза хэлэхдээ:
Тэр өөрийн дүр төрхийг сэргээж, дахин тодруулахыг оролдож байсан. Зураг авалтууд нь түүнд түгшүүрээ даван туулах нэг арга болдог байсан.
гэсэн юм.
Монро болон Баррис нар анх 1954 онд The Seven Year Itch киноны зураг авалтын үеэр танилцжээ. 1962 оны Санта-Моникагийн зураг авалтад тэдний хоорондын итгэлцлийг тод харуулдаг.
Атиенза:
Тэр маш чөлөөтэй, дарамтгүй, байгалийн төрхөөрөө харагддаг. Бидэнд ирсэн ашиглагдаагүй зургуудыг харахад тэр далайн давалгаатай тоглож, бараг бүжиглэж байгаа мэт харагдаж байсан.
Тэрээр мөн:
Эдгээр зураг нь түүний хамгийн сүүлд авахуулсан зургууд байсан гэдгийг мэдэхэд үнэхээр эмзэглэл төрүүлдэг.
гэжээ.
Бродлигийн үзэж байгаагаар далайн эрэг Мерилин Монрогийн хувьд онцгой утгатай газар байжээ. Түүний нялх байх үеийн зурагт Мерилин Монро ээж Глад Пёрл Бакертайгаа далайн эрэг дээр хөл нүцгэн зогсож байдаг.
1940-өөд оны дунд үед зурагчин Андри Де Даниас түүнийг мөн далайн эрэг дээр залуу мөрөөдөгч бүсгүйн дүрээр зурж байжээ.
Эдгээр далайн эргийн зургууд түүний амьдралын эхлэл ба төгсгөлийг холбож байгаа мэт. Энэ нь үнэхээр сэтгэл хөдөлгөм.
гэж Бродли хэлсэн байна.
Мерилин Монрог нас барсны дараа Cosmopolitan сэтгүүл эдгээр зургуудыг нийтлэхээс татгалзжээ. Харин зурагнуудыг Их Британийн The Daily Mirror сонин худалдан авч нийтэлсэн бөгөөд дараа нь эрэгтэйчүүдийн Town сэтгүүлд гарсан байна.
Эдгээр зургууд нь Британийн поп-артын зураач Паулинегийн Colour Her Gone (1962), мөн Ричард Хамилтоны My Marilyn (1965) бүтээлүүдэд хүртэл нөлөөлжээ.
“Жинхэнэ Мэрилин”
Бродлигийн үзэж байгаагаар Баррисын зургууд Монрогийн дур булаам байдлаас илүү түүний зан чанарыг харуулдаг.
Олон зурагчин түүний секс бэлгэ тэмдэг болсон төрхийг онцолдог. Харин Баррисын зургууд дээр түүний хөгжилтэй, амьд зан чанар илүү тодордог.
гэж онцолжээ.
Баррис Монрог амиа хорлосон гэдэгт хэзээ ч итгээгүй гэж ярьдаг байжээ.
Хожим тэрээр феминист зохиолч, идэвхтэн Глориа Стейнемтэй хамтран Marilyn (1986) номыг хэвлүүлсэн юм.
Стейнем уг номдоо:
Одоо бид төгсгөлийг нь мэддэг болсон болохоор эдгээр зурагнаас Мэрилин нэртэй дүрийн цаадах жинхэнэ эмэгтэйг олж харахыг хүсдэг.
хэмээн бичжээ.
Мерилин Монрогийн хувьд хамгийн сонирхолтой зүйлсийн нэг нь тэр зурагнуудаа өөрөө сонгож, засварладаг байсан явдал юм. Тэр таалагдаагүй зургууд дээрээ үсний хавчаараар зурж тэмдэглэдэг, харин таалагдсан зургууд дээрээ “good” гэж бичдэг байжээ.
Энэ нь түүнд кино найруулагчдын гар дээр байдаггүй нэг төрлийн хяналт өгдөг байсан аж.
Зарим хүмүүс нас барсных нь дараа эдгээр тэмдэглэгээг өөрийгөө үзэн ядсан шинж гэж тайлбарласан боловч Баррис үүнийг үгүйсгэсэн байна.
Тэрээр:
Мерилин Монро эдгээр зургуудыг өөрийнх нь хамгийн сайн, хамгийн байгалийн төрхийг харуулсан зургууд гэж хэлсэн. ‘Энэ бол би. Сэвхтэйгээ хамт. Жинхэнэ би’ гэж байсан.
хэмээн дурсжээ.
Өнөөдөр эдгээр зургуудыг харахад бид Мерилин Монро удахгүй нас барсныг мэднэ. Гэвч зураг бүрт тэр гэрэлтэж, мөрөөдөмтгий, эрх чөлөөтэй харагддаг.
Тийм ч учраас Жорж Баррисын Санта-Моникагийн цуврал нь зөвхөн Холливудын домогт одын сүүлчийн хөрөг төдий бус, харин дэлхий даяар хайрлагдсан эмэгтэйн дотно мөчүүдийг хадгалж үлдсэн түүхэн баримт болон үлджээ.
