Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
"Mizuno" анхнаасаа пүүзний брэнд байгаагүй — зүгээр л явсаар байгаад тийм болж хувирсан юм. 1906 онд Осака хотод Рихачи, Ризо Мизуно хэмээх ах дүү хоёрын үүсгэн байгуулсан энэ компани анх бейсбол, гольф, волейболын спортын хэрэгсэл үйлдвэрлэхэд төвлөрч байв. Тухайн үед зэрэгцэн байгуулагдсан Converse, New Balance зэрэг брэндүүдээс ялгаатай нь Mizuno ихэвчлэн “Арын эгнээнд” үлдэж, цохиур, мод, бээлий хийсээр ирсэн.
Бүтээгдэхүүний хувьд хэрэгцээт эд зүйл — гял цал moodboard дээр биш, харин харанхуй, чийгтэй агуулахын шүүгээнд байдаг төрлийн бараа байсан юм.
Тийм ч учраас зуун гаруй жилийн дараа пүүзний борлуулалтын зах зээл дээр хамгийн их яригдаж буй нэрсийн нэг болчихсон нь сонирхол татна. StockX-ийн жил бүр гаргадаг Big Facts тайланд дурдсанаар Mizuno нь тус платформ дээрх хамгийн хурдтай өсөж буй пүүзний брэндүүдийн нэг болж, 2024 онтой харьцуулахад 2025 онд борлуулсан бүтээгдэхүүний тоо нь 124 хувиар өссөн байна.
Цаасан дээрх тооны хувьд энэ бол гайхмаар үзүүлэлт. Гэхдээ бодитоор нь харвал, анхааралтай ажиглаж явсан хүнд бол маш логик үр дүн. Сүүлийн жилүүдэд өрсөлдөгчид нь улам том, хурдан, өсөж томорч байхад Mizuno өөрийн хэмнэл, өөрийн цаг хугацаагаар л ухралтгүй урагшилж ирсэн.
“Би Mizuno-г үргэлж чанар, нарийвчлал дээр суурилсан Японы өв соёлын нэр хүндтэй брэнд гэж мэддэг байсан” гэж AttireSaint сэтгүүлийн үүсгэн байгуулагч, редактор Мэтт Скотт ярьжээ.
“Гэхдээ 2020 оны орчим Японы Go Out сэтгүүлийг үзэж суухдаа тэдний нэг загвартай тааралдсан — тэр үед л ‘яг’ энэ шүү дээ гэж бодогдсон.”
Түүнийг сэтгэлийг татсан зүйл нь салбарынхантайгаа хэр нийцэж байгаад бус, харин эсрэгээрээ явж байгаад оршиж байв.
“Mizuno хэзээ ч тренд (хандлага) дагадаггүй юм шиг санагддаг. Тэд цаг хугацаанд элэгдэхгүй гайхалтай дизайнууд бүтээдэг.”
Энэ өвөрмөц хандлага нь брэндийг шүтэн бишрэгч хүмүүстэй ярилцахад байнга давтагдана. Mizuno хэзээ ч хашхирахыг хүсэж байгаагүй. Том сурталчилгааны аян, алдартнуудын дэмжлэгт найдаж ирээгүй. Тэдний пүүзнүүд ч алгоритмд ээлтэй, нийтлэг загварууд байгаагүй. Өнөөгийн пүүзний ертөнцөд ийм даруу байдал ховор юм.
“Зах зээл дээрх Mizuno-гийн нам гүм байдал надад таалагддаг” гэж Скотт нэмж хэлэв.
“Тэдний бүтээгдэхүүн өөрсдөө ярьдаг.”
Одоо ч гэсэн олон хүн Mizuno-г lifestyle брэнд гэж хараахан хүлээж авдаггүй — энэ нь ч давуу тал. Бүх зүйл нийгмийн сүлжээнд хурдан тархан шууд цацагддаг өнөө үед, хараахан олны нүдэнд өртөөгүй мэт санагдах зүйлийг олж нээх нь өөрөө том олз мэт.
Mizuno-гийн дэлхийн маркетингийн менежер Крис Алдерс үүнийг илүү өргөн хүрээний өөрчлөлтийн нэг хэсэг гэж үзэж байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
“Өнөөгийн эмх замбараагүй, тогтворгүй ертөнцөд бүх үеийнхэн өөр зүйл эрж хайж байна. Ур чадвар, функциональ, зорилготой дизайн — зөвхөн тухайн мөчид зориулсан хий хоосон hype-ийн (Бүтээгдэхүүн бодит чанараасаа хэтрүүлэн сурталчлагдаж, олны анхаарлыг богино хугацаанд огцом татах үзэгдлийг хэлдэг) дараах үед эдгээр бодлого илүү үнэ цэнтэй болж байна.”
Энэ арга барил нь компанийн цөмд суусан. Mizuno 120 шахам жилийн турш “япон сэтгэлгээ”-гээр бүтээгдэхүүнээ хөгжүүлж ирсэн: Урт хугацааны хөгжүүлэлт, хэт нарийн туршилт, зах зээлд яаравчлан гаргах сонирхол бараг байхгүй.
“Хэрэв бүтээгдэхүүний зорилго нь зах зээлд хамгийн түрүүнд гаргах юм бол — бид хэзээ ч тийм тоглоомд ялалт байгуулахыг зорьдоггүй.”
Трендүүд өнгө, материалд нөлөөлж болох ч суурь нь үргэлж спорт байдаг.
Үүний хамгийн тод жишээ бол Wave Prophecy цуврал. Энэ нь Mizuno-гийн Sportstyle ангиллын гол тулгуур болсон.
Анх 2012 онд механик дэмжлэгтэй гүйлтийн гутал хэлбэрээр гарч, тухайн үедээ хувьсгал хийж байсан ч хожим карбон хавтан, хэт уян материалуудад шахагдсан. Гэвч Wave Prophecy гудамжны соёлд хоёр дахь боломжоо олсон юм.
Бразил, Францын өмнөд хэсэгт энэ загвар шүтээн мэт болсон бол одоо бусад бүс нутагт ч хүчтэй тархаж эхэлж байна.
“Mizuno олон жил оршин тогтносон, тиймээс өв соёл нь үргэлж байсаар ирсэн” гэж PR, брэнд зөвлөх Томми Корлито хэлсэн.
“Бейсбол → гольф → Sportstyle — энэ шилжилт огт хиймэл биш, байгалийн мэт санагддаг.”
Тэрээр 2019–2020 оны үед брэндийг анх анзаарчээ.
“Гэхдээ Wave Prophecy л тэднийг жинхэнэ утгаар нь миний радар дээр гаргаж ирсэн.”
Гэрэл зурагчин, дижитал бүтээгч Энтони Ли ч адилхан дурсдаг.
“Wave Prophecy-г анх хараад скролл хийж байснаа гэнэт зогссон. Би урьд нь ийм гутал харж байгаагүй — маш цэвэрхэн, техникийн шинжтэй байсан"
Цаг үе нь ч тохирчээ. Тухайн үед gorpcore хэв маяг хүчээ авч байсан нь гадаа өмсөхөд зориулалттай спортын өнгө аяс бүхий энэ загварт түлхэц болсон.
Брэндийн зүгээс бол бүх зүйл хэвийн үргэлжилж байна.
“Бид үргэлж спортын брэнд хэвээрээ байх болно. Богино настай тренд хөөхөөс илүү, цаг хугацаанд тэсвэртэй бэлгэдэл бүтээх нь бидний зорилго.”
Бусад компаниуд долоо хоног бүр (бараг өдөр бүр) шинэ загвар гаргаж байхад Mizuno илүү бодлоготой ханддаг.
“Бид зөв түншүүдийг сонгож, өөрсдийн давуу талыг тодруулсан жинхэнэ төслүүдийг хөгжүүлдэг.”
Эцэст нь дахин StockX руу эргэн оръё. Дахин борлуулалтын тоо баримт соёлын өөрчлөлтийг бий болгодоггүй, харин баталгаажуулдаг.
Mizuno-гийн өсөлт нь гэнэтийн вирус хитээс бус, харин соёл тэднийг гүйцэх хүртэл өөрийн замаар тууштай явсны үр дүн юм.
Пүүзнүүд нэн даруй анзаарагдаж, төд удалгүй мартагддаг энэ эрин үед Mizuno-гийн үнэ цэнэ нь эсрэгээрээ байхад оршино — чимээгүй байж, зөв хүмүүс нь өөрсдөө олж харахыг хүлээх нь тэдний үндсэн бодлого юм.
