Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
-БНХАУ-ын дарга Ши Жиньпин Хятадын нээлттэй эхийн (open-source) хиймэл оюуныг дэлхий нийтийн сайн сайхны төлөөх технологи хэмээн сурталчилж, АНУ-ын хаалттай AI загваруудаас ялган харуулах төлөвтэй байна.
-Ши Жиньпин Шанхайн форумд биечлэн оролцож буй нь хиймэл оюун ухаан Бээжингийн хувьд стратегийн тэргүүлэх ач холбогдолтой болсныг илтгэж байна.
-Huawei компани барууны хоригийг тойрон давсан хамгийн хүчирхэг AI тооцооллын кластер системээ анх удаа олон нийтэд танилцуулна.
БНХАУ-ын дарга Ши Жиньпин ирэх баасан гараг буюу маргааш болох Дэлхийн хиймэл оюуны бага хурал (WAIC) дээр Хятад улс дэлхийн хиймэл оюуны засаглалд ямар үүрэг гүйцэтгэх талаар өргөн хүрээтэй алсын хараагаа танилцуулах төлөвтэй байна.
Үүний зэрэгцээ Huawei компани хамгийн дэвшилтэт AI тооцооллын кластер системээ танилцуулж, АНУ-ын технологиос хараат бус үндэсний экосистем байгуулах Бээжингийн зорилгыг таниулах юм. Ши Жиньпин жил бүр зохион байгуулагддаг WAIC форумд анх удаа биечлэн оролцож байгаа нь хиймэл оюуныг Хятад улс эдийн засгийн өсөлтийн шинэ хөдөлгөгч хүч төдийгүй дэлхийн стратегийн өрсөлдөөний үндэс суурь гэж үзэж байгааг илэрхийлж байна.
Долдугаар сарын 17-20-нд Шанхайд болох форумын үеэр Huawei-компанийн Atlas 950 SuperPoD нэртэй том хэмжээний AI тооцооллын системийг олон нийтэд анх удаа үзүүлэх юм.
Энэ нь АНУ-ын Nvidia компанийн хамгийн сүүлийн үеийн чипүүдийг ашиглах боломжгүй болсон нөхцөлд Хятад улс өөрийн хүчээр ижил түвшний AI тооцооллын систем бүтээж чадсаны хамгийн тод жишээ гэж үзэж байна.
Энэхүү систем нь том хэмжээний хиймэл оюуны загваруудыг сургах болон ажиллуулах зориулалттай бөгөөд Huawei-ийн Ascend AI процессоруудын хэдэн мянгыг өндөр хурдны холболтоор нэгтгэн нэг аварга суперкомпьютер шиг ажиллуулдаг аж.
Мөн Хятадын DeepSeek компанийн хамгийн сүүлийн V4 загварыг бүрэн Huawei-ийн Ascend чип дээр ажиллахаар тохируулсан нь Хятадын компаниуд АНУ-ын технологиос үл хамаарах AI экосистемийг байгуулж эхэлснийг харуулж байна.
Хятадын хэвлэлүүдийн мэдээлж байгаагаар Biren, MetaX зэрэг дотоодын чип үйлдвэрлэгчид ч мөн шинэ үеийн "Supernode" тооцооллын кластеруудаа танилцуулах аж.
Энэ удаагийн форум нь зөвхөн технологийн үзэсгэлэн биш юм. Учир нь АНУ болон Хятад улс Ерөнхийлөгч Дональд Трампын засаг захиргааны үед анхны албан ёсны Засгийн газар хоорондын хиймэл оюуны хэлэлцээг хийхээр бэлтгэж байгаа бөгөөд WAIC нь дэлхийн AI-ийн дүрэм журмыг тогтоох нөлөөний төлөөх өрсөлдөөний эхний том сорилт болж байна.
Өнгөрсөн долоо хоногт НҮБ-ын хиймэл оюуны асуудлаарх уулзалтаар хоёр улс өөр өөр байр сууриа илэрхийлжээ.
АНУ хэт их зохицуулалт технологийн шинэчлэлийг удаашруулна гэж үзсэн.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Хятад харин өртөг багатай, нээлттэй эхийн AI загваруудыг дэлхийн нийтийн сайн сайхны төлөө ашиглах ёстой бөгөөд ингэснээр хөгжиж буй орнуудын технологийн ялгааг багасгана гэж тайлбарласан.
Asia Group байгууллагын дижитал бодлогын зөвлөлийн дарга Жорж Чен:
Ийм нөхцөлд WAIC нь зөвхөн технологийн үзэсгэлэн байхаа больж, Бээжин хиймэл оюуныг үндэсний тэргүүлэх зорилт төдийгүй дипломат хэрэгсэл болгон ашиглах алсын хараагаа дэлхийд танилцуулдаг геополитикийн тайз болсон.
Ши Жиньпин энэ оны нэгдүгээр сард хэлсэн үгэндээ хиймэл оюуныг:
Уурын хөдөлгүүр бий болсноос хойших шинэ эрин үеийг эхлүүлэх хэмжээний технологийн том хувьсгаль
хэмээн тодорхойлсон.
Бээжин хиймэл оюуныг эдийн засгийн бүх салбарт өргөн нэвтрүүлж, хамгийн дэвшилтэт технологиудыг өөрийн хүчээр хөгжүүлэн, бүрэн бие даахыг ирээдүйн өсөлтийн гол стратеги болгожээ.
Өнгөрсөн жилийн WAIC дээр Хятад улс Дэлхийн хиймэл оюуны хамтын ажиллагааны байгууллага (WAICO) байгуулах санал гаргасан ч өнөөдрийг хүртэл ямар ч улс албан ёсоор гишүүнээр элсэхээ зарлаагүй байна.
Энэ жилийн форумтай зэрэгцэн болох Дэлхийн хиймэл оюуны засаглалын дээд түвшний уулзалт дээр WAICO-г байгуулах үйл явц болон Global AI Governance Initiative санаачилгын хэрэгжилтийн талаар шинэ мэдээлэл танилцуулах төлөвтэй байна.
Бээжин өөрийн нээлттэй эхийн хиймэл оюуны загваруудыг барууны өндөр үнэтэй AI бүтээгдэхүүний хажууд хямд өртөгтэй хувилбар гэдгийг сурталчлан таниулах төлөвтэй байна.
People's Daily сонин энэ долоо хоногт:
Хиймэл оюуны хөгжил нь технологийн монополийг бий болгож, өөрийгөө бусдаас тусгаарлах зам руу хэзээ ч шилжиж болохгүй. Харин хүн төрөлхтөнд үйлчлэх үндсэн зорилгодор үргэлжэн хөгжих ёстой.
хэмээн онцолжээ.
WAIC-д Хятадын томоохон технологийн компаниудаас гадна:
-НҮБ-ын Ерөнхий нарийн бичгийн дарга Антониу Гутерриш
-Казахстаны Ерөнхийлөгч Касым-Жомарт Токаев
-Тайландын Ерөнхий сайд Анутин Чарнвиракул
нар оролцоно.
Мөн Тюрингийн шагнал болон Нобелийн шагналын есөн шагналтан, тухайлбал гүн сургалтын салбарын нэрт эрдэмтэд Ёшуа Бенжио, Ричард Саттон нар хүрэлцэн ирэхээр төлөвлөжээ.
Харин АНУ-ын томоохон технологийн компаниудын төлөөлөл тун цөөн байх аж.
Reuters агентлагт нэрээ нууцалсан Азийн нэгэн дипломат:
Хятад улс Зүүн өмнөд Азийн орнуудын хиймэл оюуны чадавхыг хөгжүүлэхэд идэвхтэй хамтран ажиллаж байгаа бөгөөд AI-ийн өрсөлдөөнөөс хоцорч буй хөгжиж буй орнуудын дуу хоолой болж байна гэсэн дүр төрхийг бий болгохыг зорьж байна.
гэжээ.
Форумын үеэр мөн дараах бүтээгдэхүүнүүдийг танилцуулах төлөвтэй байна.
-ZTE-ийн Nubia брэндийн AI агент бүхий ухаалаг гар утас
-StepFun стартапын хиймэл оюунд суурилсан шинэ төхөөрөмжүүд
Эдгээр бүтээгдэхүүнүүд нь Хятад улс хиймэл оюуны технологийн бүхэл бүтэн экосистемийг дотооддоо хөгжүүлэх стратегиа улам эрчимжүүлж байгааг харуулах юм.
