Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Олон улсын зээлжих зэрэглэл тогтоогч Moody’s Ratings агентлаг Монгол Улсын Засгийн газраас гаргахаар төлөвлөж буй ам.доллараар нэрлэсэн, ахлах зэрэглэлийн баталгаагүй (senior unsecured буюу- бусад өр төлбөрөөс түрүүлж төлөгдөх эрхтэй өрийн хэрэгсэл юм. Өөрөөр хэлбэл, “ахлах” гэдэг нь өр төлбөрийн дараалалд дээгүүр байрлана гэсэн утгатай ҮГ.МН) B1 зэрэглэл олголоо. Энэхүү үнэлгээ нь Монгол Улсын урт хугацааны зээлжих зэрэглэл болох B1, “тогтвортой” (stable outlook) үнэлгээтэй ижил түвшин юм.
Шинээр гаргах бондын орлогыг: Өмнө гаргасан бондуудын тодорхой хэсгийг зах зээл дээрээс буцаан худалдан авах (tender offer), ойрын хугацаанд төлөгдөх гадаад өрийн үндсэн төлбөрийг дахин санхүүжүүлэхэд ашиглах юм.
Шинэ бонд нь Монгол Улсын одоогийн болон цаашид гаргах ахлах зэрэглэлийн баталгаагүй өр төлбөрүүдтэй ижил эрхтэй (pari passu) байна.
Moody’s-ийн үнэлгээний гол үндэслэл
1. Эдийн засгийн өсөлтийн төлөв эерэг
Moody’s агентлаг Монгол Улсын зээлжих чадварыг дараах хүчин зүйлс дэмжиж байна гэж үзжээ.
Үүнд:
-Зэс зэрэг голлох ашигт малтмалын дэлхийн зах зээлийн эрэлт өндөр хэвээр байгаа.
-Цахилгаанжуулалт, дижитал дэд бүтцийн хөгжил нь зэсийн дунд хугацааны эрэлтийг тогтвортой хадгална.
-Олборлолтын хэмжээ нэмэгдэж байгаа нь экспортын орлогыг өсгөнө
-Сүүлийн жилүүдэд өр, төсвийн удирдлага харьцангуй сайжирсан
2. Засгийн газрын өрийн дарамт буурсан
2020 онд Засгийн газрын өр ДНБ-ий 74% байсан бол 2025 оны эцэст энэ үзүүлэлт 43% орчимд хүрч буурсан
Энэхүү бууралтад:
-Нэрлэсэн ДНБ-ий өндөр өсөлт
-Өрийн зохистой удирдлага
-Дахин санхүүжилтийн амжилттай бодлого чухал нөлөө үзүүлсэн байна.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Moody’s-ийн таамаглалаар 2026 онд өрийн хэмжээ ДНБ-ий 44% орчимд тогтвортой хадгалагдана.
Эрсдэлүүд хэвээр байна:
1. Түүхий эдийн хамаарал
Монгол Улсын эдийн засаг нүүрс, зэс зэрэг түүхий эдээс ихээхэн хамааралтай хэвээр байна.
Нүүрсний үнэ Хятадын үл хөдлөх хөрөнгө, гангийн салбараас шууд хамааралтай
Үнийн савлагаа нь төсөв болон гадаад тэнцэлд эрсдэл үүсгэнэ.
Иймээс орлогын тогтвортой байдал бүрэн баталгаатай биш гэж Moody’s анхааруулжээ.
2. Ирэх жилүүдэд томоохон бондын төлөлтүүд хүлээгдэж байна.
Арван жилийн хоёрдугаар хагаст олон улсын зах зээл дээрх томоохон бондуудын хугацаа дуусна. Энэ нь гадаад санхүүжилтийн эрсдэлийг өндөр хэвээр байлгаж байна.
Гэсэн ч:
-Монгол Улс олон улсын хөрөнгийн зах зээлд нэвтрэх боломжоо хадгалсан
-Өмнөх бондуудаа амжилттай дахин санхүүжүүлж ирсэн туршлагатай гэсэн эерэг үнэлгээг Moody’s өгчээ.
ESG үнэлгээ: Байгаль орчин, засаглалын эрсдэл өндөр
Монгол Улсын ESG зээлийн нөлөөллийн оноо CIS-4 гэж үнэлэгдсэн.
Үүнд:
Нүүрс зэрэг нүүрстөрөгч ихтэй салбарт хэт хамааралтай байдал
Нүүрстөрөгчийн шилжилтийн (carbon transition) урт хугацааны эрсдэл
Гүйцэтгэх засаглалын институцийн сул байдал
Бодлогын хэрэгжилтийн үр нөлөө
зэрэг нь харьцангуй доогуур нөлөөлсөн байна.
Гэхдээ сүүлийн жилүүдэд бүтцийн шинэчлэлд тодорхой ахиц гарч байгааг Moody’s мөн тэмдэглэжээ.
Moody’s-ийн B1 зэрэглэл нь Монгол Улс “эрсдэлтэй ангилал”-д багтаж байгаа ч макро эдийн засгийн суурь үзүүлэлтүүд сайжирч, өрийн дарамт буурсан, зах зээлд нэвтрэх чадвар хадгалагдаж байгааг хүлээн зөвшөөрсөн үнэлгээ юм.
