Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Европын тансаг брэндүүд дэлхийн бусад бүс нутагт хэрэглэгчдийн итгэл сул байгааг нөхөж, хиймэл оюун ухаан (AI) болон технологийн өсөлтийн ачаар хөрөнгөжсөн шинэ үеийн чинээлэг америкчуудыг татахын тулд тус улсад анхаарлаа төвлөрүүлж байна. Энэ хүрээнд тэд АНУ-д шинэ дэлгүүр олноор нээж, загварын томоохон шоунууд зохион байгуулж эхэлжээ.
Тансаг хэрэглээний салбар хоёр жил дараалан агшсаны дараа тогтворжих шинж тэмдэг үзүүлж байсан ч хоёрдугаар сарын сүүлээр эхэлсэн Ираны дайн аялал жуулчлалыг сааруулж, Ойрхи Дорнод төдийгүй дэлхий даяарх тансаг хэрэглээний салбарт сөргөөр нөлөөлсөн байна.
Түүнчлэн сүүлийн хорин жилийн турш тансаг брэндүүдийн өсөлтийн гол эх үүсвэр байсаар ирсэн БНХАУ дефляци болон үл хөдлөх хөрөнгийн хямралын үр дагавартай тэмцсээр байгаа юм. Үүнээс үүдэн тансаг брэндүүд урьд өмнөхөөсөө илүүгээр чинээлэг америк хэрэглэгчдэд найдлага тавих болжээ.
Лондонд төвтэй хөрөнгө оруулалтын компанийн багцын менежер Маркус Моррис-Эйтон хэлэхдээ:
АНУ-ын хөрөнгөлөг худалдан авагчид Европ болон бусад бүс нутагтай харьцуулахад хавьгүй тогтвортой байна. Хиймэл оюун болон технологийн салбарын хувьцааны өсөлт үргэлжилж, цалингийн өсөлт сайн байгаа нь энэ салбарынхны худалдан авах чадварыг нэмэгдүүлсээр байгаа.
гэжээ.
LVMH, Moncler, Gucci зэрэг брэндүүд энэхүү боломжийг ашиглахаар идэвхтэй ажиллаж байна.
Өнгөрсөн сард Dior, Gucci брэндүүд АНУ-д Cruise коллекцоо танилцуулсан бол Италийн тансаг зэрэглэлийн эрэгтэй хувцас үйлдвэрлэгч Zegna энэ Баасан гарагт Лос Анжелос хотод 2027 оны зуны цуглуулгаа толилуулах гэж байгаа аж.
Үл хөдлөх хөрөнгийн зөвлөх компанийн судалгаагаар 2025 онд Хойд Америк анх удаа дэлхийн тансаг хэрэглээний шинэ дэлгүүр нээгдсэн тоогоор тэргүүлжээ.
Судалгаанаас харахад:
Дэлхийн шинэ тансаг дэлгүүрүүдийн 27% нь Хойд Америкт нээгдсэн.
Европт 26%.
Хятадад 19%-тай байна.
Мөн дэлхий даяарх шинэ тансаг брэнд дэлгүүрүүдийн нээгдсэн тоо 2020 оноос хойших хамгийн доод түвшинд хүртлээ унажээ.
Судалгаагаар АНУ-д супер баячуудын тоо Хятадтай харьцуулахад өндөр боловч тансаг брэндийн дэлгүүрийн тоо харьцангуй цөөн ажээ.
Чикагод байрладаг үл хөдлөх хөрөнгийн зөвлөх Тодд Сигел:
Олон тансаг брэнд АНУ-ын зах зээлийг одоог хүртэл бүрэн нээгээгүй гэж үздэг. Учир нь тус улсын баялгийн хэмжээтэй харьцуулахад тансаг брэндүүдийн өсөлт хангалтгүй хэвээр байна.
гэжээ.
Түүний хэлснээр шинэ хөрөнгө оруулалт зөвхөн Нью-Йорк, Лос-Анжелес зэрэг баруун эрэг орчмын том хотуудад бус, мөн өндөр орлоготой хүмүүс бага татвартай бүс рүү шилжин суурьшиж буй хоёрдогч хот, мужуудад чиглэж байна.
Жишээлбэл, Францын алдарт Moncler брэнд энэ жил шинээр нээх дэлгүүрүүдийнхээ ихэнхийг АНУ-д нээхээ мэдэгдсэн.
Тус компани:
🎓 Компанийн нийгмийн хариуцлагын бодлого, орон нутгийн боловсролыг дэмжих хөтөлбөрийн хүрээнд хэрэгжүүлдэг “Цалинтай оюутан” хөтөлбөрийн энэ жилийн бүртгэл эхэллээ.
Нэгдүгээр сард гэхэд л Колорадогийн тансаг цанын бааз болох Aспен хотод шинэ дэлгүүрээ нээсэн.
Энэ оны хоёрдугаар хагаст Нью-Йоркийн алдарт Fifth Avenue гудамжинд дэлхийн хамгийн том салбар дэлгүүрээ нээхээр төлөвлөж байна.
Мөн Калифорни болон Техасын Даллас зэрэг хотуудад шинэ салбарууд нээхээр ажиллаж байгаа аж.
Харин Францын тансаг брэндийн групп болох Hermès өнгөрсөн жил Нашвилл болон Скотсдале хотуудад анхны дэлгүүрүүдээ нээжээ.
Энэ зун Чикагогийн хойд хэсгийн Уилметт дэх Plaza del Lago худалдааны төвд, мөн есдүгээр сард Нью-Йоркийн Бруклинд шинэ салбаруудаа нээхээр төлөвлөж байна.
Зах зээлийн зөвлөх компани Bain & Company тансаг хэрэглээний салбарыг “Давхар хурдтай дэлхий” болсон гэж тодорхойлжээ.
Тэдний үзэж буйгаар:
АНУ болон Азийн зарим бүсүүд өсөлттэй байна. Харин Европ болон Ойрхи Дорнодод Ираны дайны улмаас аялал жуулчлалын зардал буурчээ.
Ихэнх тансаг брэндүүд АНУ дахь борлуулалтынхаа тоог тусад нь мэдээлдэггүй ч 2026 оны эхний улирлын тайлангууд хойд америкийн бүс дэх өсөлт бусад бүх бүсээс хавьгүй өндөр байсныг харуулсан байна.
Richemont группын Америк дахь борлуулалт 1–3 дугаар сарын хооронд 18%-иар өссөн нь тус бүс нутагт дараалан есөн улирал хоёр оронтой өсөлт үзүүлсэн тохиолдол болжээ.
АНУ-ын хэрэглэгчдийн хүчтэй эрэлт нь Америкийн брэндүүд болох:
Ralph Lauren
Tapestry (Coach брэндийн эзэмшигч)
зэрэг компанийн борлуулалтыг өрсөлдөгчдөөс нь илүү хурдтай өсгөжээ.
Ralph Lauren компанийн бүтээгдэхүүн хариуцсан захирал Халиде Алагөз:
Манай үндсэн хэрэглэгчид үнэнч бөгөөд эдийн засгийн савлагаанд тэсвэртэй хэвээр байна. Харин ч ийм тогтворгүй үед хүмүүс итгэж болох брэндүүдийг илүү их эрэлхийлдэг.
гэж хэлсэн байна.
Tapestry компанийн гүйцэтгэх захирал Жоан Кривойсерат:
Бид Хойд Америкт асар их боломжийг харж байна. Залуу хэрэглэгчидтэй сэтгэлзүйн холбоо тогтоож, тэднийг тансаг хэрэглээний зах зээлд татан оруулах болно.
гэжээ.
Morgan Stanley-ийн шинжээч Эдуард Обенийн үзэж буйгаар АНУ-д удахгүй болох томоохон IPO-ууд тансаг цаг, үнэт эдлэлийн эрэлтийг өсгөж магадгүй.
Гэсэн ч тэрээр дараах анхааруулгыг өгчээ.
Америкчууд дэлхийн нийт тансаг хэрэглээний худалдан авалтын ердөө 20–22 хувийг бүрдүүлдэг. Энэ нь сайн хэрэг, тус зах зээлийг өсөхөд тусалж байгаа. Гэхдээ тансаг брэндийн салбар сэргэхийн тулд Хятадын зах зээл мөн сайжрах шаардлагатай.
гэсэн юм.
Өөрөөр хэлбэл, AI-ийн өсөлтөөр баяжсан Америкийн шинэ чинээлэг давхарга өнөөдөр тансаг брэндүүдийн гол найдвар болж байгаа ч дэлхийн тансаг хэрэглээний салбар бүрэн сэргэх эсэх нь БНХАУ-ын эдийн засаг болон хэрэглээний сэргэлтээс ихээхэн хамааралтай хэвээр байна.
