Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Айдсаар биш боломж гэж харах нь "Зөнч"-ийн (Уоррен Баффетийг Омахагийн Зөнч гэж хочилдог UG.MN) ашиг олох нууц
Уоррен Баффетын конгломерат компани болох "Berkshire Hathaway" нь 1965 оноос хойш жилд дунджаар 19.9%-ийн өгөөж өгсөн нь S&P 500 индексийн өсөлтийг бараг хоёр дахин давсан үзүүлэлт юм. Уоллстрийтийн олон алдартай хөрөнгө оруулагчдаас ялгаатай нь Баффет зах зээлийн хямралыг даван туулж, бүр ашиг хүртэж ирсэн байдаг. Тэрээр бусдын сандралын үед өндөр өгөөжтэй чанартай бизнесийг хямд үнээр худалдан авах энгийн зарчмыг баримталдаг байна.
Доорх зарчмууд Баффетыг олон удаагийн зах зээлийн уналтыг амжилттай даван гарахад тусалсан.
Баффет үргэлж “Хөрөнгийн зах зээл нь идэвхтэй хүмүүсийн мөнгийг тэвчээртэй хүмүүст шилжүүлэхээр бүтээгдсэн” гэж хэлдэг. Тэрээр зах зээл уналтын үед айдсаар хөтлөгдөн хувьцаагаа зарж, томоохон алдагдал хүлээхээс зайлсхийхийг зөвлөдөг.
S&P 500 индексийн түүхэн гүйцэтгэлийг харвал Баффетын зөв гэдэг нь тодорхой болно. 1928 онд 100 ам.доллараар хөрөнгө оруулт хийсэн бол өнөөдөр 982,000 ам.доллар хүрсэн байх байжээ.
Баффетын хамгийн алдартай үг бол: "Бусад хүмүүс шунах үед айж, бусад хүмүүс айж байх үед шунаж бай."
Зах зээл уналтын үед ихэнх хөрөнгө оруулагчид хувьцаагаа санд мэнд зардаг. Харин Баффет тэдний эсрэг алхам хийдэг. Жишээ нь, 2008 оны санхүүгийн хямралын үед банкны хувьцаанууд уналтад орж, санхүүгийн систем сүйрнэ гэж үзэж байсан. Энэ үед Баффет "Goldman Sachs" хөрөнгө оруулалтын банкинд 5 тэрбум ам.долларын хөрөнгө оруулалт хийсэн. Түүний худалдан авсан хувьцаанууд 10%-ийн ногдол ашигтай байсан бөгөөд эцэст нь энэ наймаанаас 3 тэрбум гаруй ам.долларын ашиг хүртжээ.
Баффет хувьцааны үнэд бус, тухайн компанийн бодит үнэ цэнд ихээхэн анхаардаг. Тэрээр өөрөөсөө:
“Кока-Колагийн хувьцаа 30%-иар унах нь хүмүүсийн уух ундааны хэмжээнд нөлөөлөх үү?”
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
“American Express карт хэрэглэх хэрэглэгчдийн тоонд өөрчлөлт гарах уу?”
гэх мэтээр асуудаг байна. Хэрэв эдгээр асуултын хариулт “Үгүй” бол хувьцааны үнэ түр зуур унаж байгаа төдий бөгөөд тухайн компанийн үнэлгээ хэвээр байна гэж үздэг.
1973 онд Баффет зах зээлийн томоохон уналтын үеэр Washington Post компанийн хувьцааг өөрийн тооцоолсон бодит үнэ цэнийнх нь 25%-д нь худалдан авч байв. Түүний худалдан авсан хувьцааны үнэ түр зуур унасан ч тэрээр компанийн суурь үзүүлэлт өөрчлөгдөөгүй гэж үзэн зарсангүй. Эцэст нь, энэхүү 10.6 сая ам.долларын хөрөнгө оруулалт нь 1985 он гэхэд 200 сая ам.доллар болж өссөн байна.
Баффет зах зээл хэзээ өсөж, хэзээ унахыг урьдчилан таахыг “тэнэглэл” гэж үздэг юм. Тэрээр хөрөнгө оруулалтаа урт хугацаанд хадгалахыг илүүд үздэг.
Жишээ нь, тэр Кока-Колагийн хувьцааг 36 жил хадгалж, American Express-ийн хувьцааг 1960-аад оноос хойш эзэмшиж байна.
Ихэнх санхүүгийн зөвлөхүүд хөрөнгө оруулалтаа 100% хувьцаанд хийхийг зөвлөдөг бол Баффет мөнгөн хөрөнгийг “ашиг олох зэвсэг” гэж хардаг.
Тэрээр хөрөнгийн зах зээл өндөр өсөлттэй үед их хэмжээний мөнгөн хөрөнгөтэй байх нь алдагдал мэт харагддаг ч зах зээл уналтын үед энэ нь давуу тал болдог гэдэгт итгэдэг. 2010 онд Баффет энэ зарчмаа илүү албан ёсны болгож, дор хаяж 10 тэрбум ам.долларын бэлэн мөнгөтэй байх бодлого баримтлахаа мэдэгдсэн. Ихэнх тохиолдолд тэр энэ хэмжээг 20 тэрбум орчимд байлгадаг.
2020-аад оны дунд үеэс эхлэн зах зээл тогтворгүй байх үед Баффет дахин рекорд хэмжээний бэлэн мөнгөтэй байгаа нь түүний энэхүү стратегийн үр дүнг харуулж байна.
Баффетын хөрөнгө оруулалтын стратегийг товчхоноор:
Тайван байх
Бусдын айдсыг боломж болгон хувиргах
Суурь үзүүлэлтэд анхаарах
Зах зээлийн цагийг таах гэж оролдохгүй байх
Боломжийн төлөө бэлэн мөнгөтэй байх
Эдгээр зарчмуудыг дагаж чадвал зах зээлийн уналт аймшигтай зүйл биш, харин хөрөнгө оруулалтын гайхалтай боломж байх болно. 
