Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
АНУ-ын Ерөнхийлөгч Дональд Трампын Засаг захиргаа Холбооны Нөөцийн Банкны (ХНБ) дарга Жером Пауэллыг эрүүгийн хэрэгт шалгаж эхэлсэн тухай мэдээлэл гарсны дараа АНУ-ын ам.доллар шинэ долоо хоногийн эхний арилжаагаар сүүлийн нэг сарын хамгийн өндөр түвшнээсээ буулаа.
АНУ-ын ам.долларын индекс (зургаан гол валюттай харьцуулсан ханшийн дундаж) 0.3 хувиар буурч, 98.899 болсон нь таван өдрийн дараалсан өсөлтийг зогсоов. New York Times сонин ХНБ-ны даргыг мөрдөн шалгаж буй талаарх мэдээлэл, мөн Жером Пауэлл Төв банкны хараат бус байдлыг хамгаалсан видео мэдэгдэл хийсний дараа алтны үнэ огцом өсөж, унц нь 4'612.61 ам.доллар хүрч түүхэн дээд үнээ шинэчиллээ.
“Жером Пауэлл гаднаас ирж буй байнгын шүүмжлэлд хангалттай тэвчсэн бололтой, одоо тэр хариу довтолгоонд шилжиж байна” хэмээн Австралийн Үндэсний Банкны (NAB) валютын стратегийн хэлтсийн дарга Рэй Аттрилл мэдэгдлээ.
“Холбооны нөөцийн банк ба АНУ-ын засаг захиргааны хооронд ил тод ‘дайсагнал’ өрнөж байгаа нь – ялангуяа Пауэллын үгийг үнэн гэж үзвэл – АНУ-ын ам.долларын хувьд огт сайн дүр зураг биш.”
Баасан гарагт гарсан ажилгүйдлийн тайлан Холбооны нөөцийн банк энэ сард бодлогын хүүг хэвээр хадгалах магадлалыг нэмэгдүүлснээр ам.доллар Азийн арилжааны эхэнд өссөн. Мөн Иранд гарсан эсэргүүцлийн жагсаалын үеэр олон зуун хүн амь үрэгдсэн тухай мэдээлэл геополитикийн эрсдэлийг нэмэгдүүлж, “аюулгүй хөрөнгө”-д эрэлт үүсгэсэн юм.
“Ерөнхийдөө энэ байдал долларт эерэг нөлөө үзүүлэх ёстой. Гэвч бид одоогоор тийм өсөлтийг хараахан ажиглаагүй байна” гэж Capital.com компанийн зах зээлийн ахлах шинжээч Кайл Родда хэлэв.
“Цаашид эсэргүүцлийн хөдөлгөөн үргэлжлэх эсэх, мөн тус улсын шашны дэглэм бослогыг илүү хатуугаар дарах уу? Улмаар АНУ оролцох нөхцөл үүсэх үү гэдэг нь гол асуулт болж байна.”
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Энэ долоо хоногт санхүүгийн зах зээл нэлээд завгүй эдийн засгийн хуваарьтай нүүр тулна. Ялангуяа Мягмар гарагт гарах АНУ-ын 12-р сарын хэрэглээний үнийн индекс (CPI-Инфляц) нь Холбооны нөөцийн банкны нэгдүгээр сарын сүүлчийн бодлогын хурлын өмнөх хамгийн чухал үзүүлэлтүүдийн нэг байх юм.
Standard Chartered банкны шинжээчид Ням гарагт гаргасан тайландаа:
“АНУ-ын инфляц ХНБ-ны 2.0 хувийн зорилтоос өндөр хэвээр байгаа тул АНУ-ын эдийн засагт огцом сааралт гарахгүй л бол бодлогын хүүг цаашид бууруулах боломж хязгаарлагдмал” гэж онцолжээ.
“Хөдөлмөрийн зах зээл муудаж байгаа шинж алга. Энэ нь АНУ-ын Засгийн газрын бондын өгөөж, мөн ам.долларын ханшид тодорхой хэмжээнд өсөх дарамт өгсөөр байх магадлалтай.”
Ирэх долоо хоногт томоохон банкуудын IV улирлын тайлан-гууд гарч эхлэх бөгөөд энэ жил ашиг орлого өндөр байсан нь хувьцааны зах зээл дэхь өөдрөг хүлээлтийн чухал хөшүүрэг болж байна. Мөн Трампын онц байдлын "татвар" хууль ёсных эсэх талаар АНУ-ын Дээд шүүхийн шийдвэр Лхагва гарагт багтан гарч магадгүй.
Японы иентэй харьцуулахад ам.доллар 0.2 хувиар буурч 157.56 иен болсон нь нэг жилийн дээд түвшнээсээ ухарсан үзүүлэлт юм.
Учир нь Японы Ерөнхий сайд Санаэ Такаичи-гийн эвслийн түнш намын тэргүүн Ням гарагт хоёрдугаар сарын 8 эсвэл 15-нд парламентийн ээлжит бус сонгууль зарлаж болзошгүй гэж мэдэгдсэн байна. Баасан гарагт ч мөн хэвлэлүүд парламентийн сонгуулийг хоёрдугаар сард хийхээр хэлэлцэж байгаа тухай мэдээлж байсан юм.
Евро 0.2 хувиар чангарч 1.1664 ам.доллар болж, нэг сарын доод түвшнээсээ сэргэлээ
Хятадын юань (Хонконгод оффшор арилжаалж буй) – доллар 0.1 хувиар суларч 6.968 юань болж, долоо хоногийн хамгийн сул түвшинд хүрэв
Британийн фунт 0.2 хувиар өсөж 1.3433 ам.доллар болов
Австралийн доллар 0.2 хувиар чангарч 0.6704 ам.доллар
Шинэ Зеландын доллар 0.2 хувиар өсөж 0.5746 ам.доллар хүрэв
Биткойн 1.0 хувиар өсөж 91,533.13 ам.доллар,
Эфир (Ethereum) 0.3 хувиар нэмэгдэж 3,127.37 ам.доллар болов
