Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Их Британийн дуучин Оливиа Дийн 2026 оны 2-р сарын 1-нд АНУ-ын Калифорни мужийн Лос-Анжелес хотноо болсон Грэммийн 68 дахь удаагийн шагнал гардуулах ёслолын үеэр “Шинэ шилдэг уран бүтээлч” шагналаа аваад зургаа татуулсан.
Урьд шөнө буюу ням гарагт эхэлсэн Грэммийн 68 дахь удаагийн шагнал гардуулах ёслолын эхний ялагчид тодорлоо. Их Британийн соул-поп урсгалаар дуулдаг дуучин Оливиа Дийн “Шинэ шилдэг уран бүтээлч”-ээр ийнхүү нэрлэгдэв. Харин хип-хопын супер од Кендрик Ламар “GNX” нэртэй, чартуудыг тэргүүлсэн зургаа дахь цомгоороо “Шилдэг рэп цомог” шагналыг хүртлээ.
Лондонд төрж өссөн, 26 настай Дийн нь Леон Томас, KATSEYE, The Marías, Аддисон Рэй, sombr, Алекс Уоррен, Лола Янг зэрэг шинээр гарч ирж буй уран бүтээлчдийг өрсөлдөөнөөс шахан ялж, “Шинэ авьяастнууд”-ын дундаас шилдгээр тодорсон юм.
Лос-Анжелес хотын төвд байрлах Crypto.com Arena-гийн тайзнаас шагналаа хүлээн авахдаа Дийн Их Британид өсвөр насандаа Гана улсаас цагаачлан ирсэн эмээдээ хүндэтгэл үзүүлэв.
“Би энд цагаач хүний ач охин гэдгээрээ зогсож байна” хэмээн тэр хэлж, оддоор дүүрэн тэнхим дахь үзэгчдээс алга ташилт хүртэв.
“Би бол зоригийн үр шим. Тийм хүмүүсийг бид алдаршуулах ёстой. Бид бие биегүйгээрээ юу ч биш” хэмээн тэр онцолжээ.
Баруун эргийн хип-хопын домогт төлөөлөгч, 38 настай Кендрик Ламар энэ жилийн Грэммид есөн төрөлд нэр дэвшсэн бөгөөд ёслол эхэлмэгц “GNX” цомгоороо “Шилдэг рэп цомог” шагналыг гардан авлаа.
“GNX” цомог нь мөн тухайн оройн хамгийн том шагнал болох “Оны шилдэг цомог”-т нэр дэвшсэн бөгөөд Пуэрто-Рикогийн рэппер Bad Bunny, поп урлагийн олон дүртэй од Лэди Гага нартай хүчтэй өрсөлдсөн.
Bad Bunny-гийн “Debí Tirar Más Fotos” цомог уг төрөлд өрсөлдөж, хэрэв ялбал Испани хэл дээрх анхны “Оны шилдэг цомог” болж түүхэнд бичигдэх боломжтой байлаа. Харин өнгөрсөн жил уг шагналыг Бейонсе “Cowboy Carter” цомгоороо хүртсэн.
Хэрэв Ламар “GNX”-ээрээ “Оны шилдэг цомог”-ийг хүртвэл, тэрээр энэ шагналыг хүртсэн анхны бие даасан эрэгтэй рэппер болох юм. Одоогоор уг төрөлд зөвхөн хоёр хип-хоп эмэгтэй уран бүтээлч Лорин Хилл, мөн Outkast хамтлаг — шагнагдаж байсан юм
Харин Лэди Гагад энэхүү шагнал нь түүний урт, алдартай уран бүтээлийн замнал дахь анхны “Оны шилдэг цомог” болох байв. Тэрээр 20 гаруй жилийн карьерынхаа хугацаанд Грэммийн “дээд дөрвөн” шагналын алиныг нь ч авч байгаагүй. Энэ жил тэр “Mayhem” нэртэй, шүүмжлэгчдийн зүгээс түүнийг харанхуй бүжгийн поп хэв маягтаа эргэн орсон хэмээн үнэлсэн цомгоор өрсөлдөж байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Ёслолын хөтлөгчөөр Тревор Ноа зургаа дахь удаагаа хөтөлсөн бөгөөд энэ нь түүний сүүлчийн Грэмми хөтлөлт болно гэдгээ өмнө нь мэдэгдсэн юм. Шоуг Лос-Анжелес хотын Crypto.com Arena-гаас CBS телевиз шууд дамжуулсан.
ЦАГААЧЛАЛЫН АЙДАС SUPER BOWL-ИЙН СОНГОЛТ ДЭЭР СҮҮДЭР ТУСГАВ
Грэмми дахь Bad Bunny-гийн амжилт улс төрийн хүчтэй өнгө аястай байлаа.
Дуучин-продюсер тэрээр сүүлийн аялан тоглолтоо АНУ-ын эх газарт хийгээгүй бөгөөд үүнийгээ "АНУ-ын Ерөнхийлөгч Дональд Трампын цагаачдыг албадан гаргах бодлогын хүрээнд Холбооны Цагаачлал, Гаалийн Алба (ICE)-ны ажилтнууд түүний фенүүдийг баривчлахаар ирж болзошгүй" гэж айсантай холбоотой хэмээн тайлбарласан.
Тэр тайзнаас “ICE-ийг хөөн гаргая” гэж, “Debí Tirar Más Fotos” цомгоороо Латин хотын урсгалын шилдэг цомог шагналыг авахдаа хэлсэн.
Ирэх ням гарагт болох Super Bowl-ийн завсарлагааны шоу-д түүнийг оролцуулахаар сонгосон нь Трамп болон бусад шүүмжлэгчдийн эсэргүүцэлтэй тулгарсан бөгөөд тэд Үндэсний Хөлбөмбөгийн Лигийн аваргын тоглолтын үзүүлбэр англи хэлээр байх ёстой гэж үзэж буйгаа илэрхийлсэн.
K-pop урсгал мөн түүхэндээ анх удаа Грэммийн шагнал хүртлээ. Netflix-ийн “KPop Demon Hunters” нэртэй анимэйшн киноны хит дуу “Golden” нь “Дүрслэх урлагт зориулан бичигдсэн шилдэг дуу” төрөлд шагнал авсан бөгөөд мөн “Шилдэг бичлэг”, “Шилдэг дуу” гэсэн хоёр том шагналд өрсөлдсөн байна. Уг дууг HUNTR/X нэртэй, зохиомол хамтлаг дуулдаг бөгөөд бодит амьдрал дээрх гишүүд нь EJAE, Audrey Nun, Rein Ami нар юм.
“Шилдэг бичлэг”, “Шилдэг дуу” төрөлд мөн Бруно Марс болон K-pop дуучин Розэ нарын хамтарсан “APT.” дуу багтжээ.
Домогт найруулагч Стивен Спилберг (79 настай) “Music by John Williams” хөгжмийн киноны продюсероор ажилласнаараа анхны Грэмми шагналаа авч, улмаар энтертайнмент салбарын хамгийн ховор цолуудын нэг болох EGOT-ын эзэн боллоо.
EGOT гэдэг нь Emmy, Grammy, Oscar, Tony дөрвөн том шагналыг бүгдийг нь хүртсэн уран бүтээлчийг хэлдэг.
Грэммийн ялагчийг Бичлэгийн Академи-ийн ойролцоогоор 15,000 гишүүн болох — уран бүтээлчид, дуу зохиогчид, продюсерүүд, инженерүүд — сонгодог. Сүүлийн долоон жилийн хугацаанд тус байгууллагын бүрэлдэхүүнийг илүү олон талт болгох зорилгоор шинэчлэл хийсэн бөгөөд энэ жил 1,000 орчим Латин гаралтай уран бүтээлчид Грэммид анх удаа санал өгөх эрхтэй болсон байна. Нийт гишүүдийн 73 хувь нь 2019 оноос хойш элсжээ.
