Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Даваа гарагт АНУ-ын Ерөнхийлөгч Дональд Трамп зээлийн картын хүүг жилийн 10 хувиар тооцож дээд хязгаар тогтоох санал гаргаснаар санхүүгийн салбарын орлогын гол эх үүсвэрт заналхийлж болзошгүй гэсэн болгоомжлол үүсч, АНУ-ын санхүүгийн компаниуд болон Их Британид бүртгэлтэй банкуудын хувьцааны ханш огцом уналттай нээгдлээ.
Энэхүү алхам нь зээлийн хүүгийн орчны тодорхойгүй байдалтай нүүр тулж буй хөрөнгө оруулагчдын санааг улам түгшээж байна.
Трамп өнгөрсөн баасан гарагт 2026 оны 1-р сарын 20-ноос эхлэн зээлийн картын хүүгийн дээд хязгаарыг 10 хувиар тогтоох уриалга гаргасан боловч, үүнийг ямар хууль, зохицуулалтаар хэрэгжүүлэх талаар тодорхой тайлбар өгөөгүй юм.
АНУ-ын хамгийн том хоёр банк болох JPMorgan Chase-ийн хувьцаа 2.5%, Bank of America-ийн хувьцаа 1.6%-иар тус тус уналаа.
Citigroup-ийн хувьцаа 3.7%, Wells Fargo-гийнх 1.5%-иар буурчээ.
Гэсэн хэдий ч Уоллстритийн шинжээчид уг хүүгийн хязгаар бодитоор хэрэгжих магадлал багатай гэдгийг илэрхийлж байна. Учир нь ийм зохицуулалтыг зөвхөн Конгресс хууль баталж байж хэрэгжүүлэх боломжтой бөгөөд, тийм хууль батлагдах магадлал маш бага гэж тэд үзэж байгаа аж.
“Ийм хүүгийн дээд хязгаар тогтоохын тулд заавал Конгрессийн баталсан хууль шаардлагатай. Ерөнхийлөгчийн захирамж гарсан ч хууль эрх зүйн асар их маргаанд унах нь тодорхой,” гэж UBS Global-ийн шинжээчид онцолжээ.
Их Британийн Barclays банкны хувьцаа бараг нэг сарын доод түвшинд хүрч, 2.2%-ийн уналттай байв.
АНУ-ын хэрэглээний санхүүгийн компаниуд болох Synchrony Financial, Bread Financial, Capital One-ийн хувьцаанууд 8–11%-иар огцом унажээ.
American Express-ийн хувьцаа 3.8%-иар буурсан бол, төлбөрийн сүлжээний аваргууд Visa болон Mastercard тус бүр 1.8%-иар унасан байна.
ЗЭЭЛИЙН ХҮРТЭЭМЖИД УЧИРЧ БОЛЗОШГҮЙ ЭРСДЭЛ
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Ерөнхийлөгч Дональд Трампын энэхүү мэдэгдлийг амьжиргааны өртгийн өсөлттэй холбоотой олон нийтийн санаа зовнилыг намжаах оролдлого, мөн түүний өмнөх ерөнхийлөгчийн кампанит амлалтыг сэргээж буй алхам гэж шинжээчид үзэж байна.
“Сонгогчдын хувьд ‘амьдралын өртөг, санхүүгийн боломжит байдал’ хамгийн чухал асуудал болсон энэ үед Трамп уг санааг дахин сөхөж буй нь гайхах зүйл биш,” гэж Seaport Research-ийн шинжээч Билл Райан бичжээ.
Гэвч зарим шинжээчийн үзэж буйгаар, энэ бодлого эсрэгээрээ сөрөг үр дагавар авчирч болзошгүй.
Банкууд хүүгээ ингэж хязгаарлуулах тохиолдолд зээлдэгчдийн зээлийн хэмжээг бууруулах, эсвэл зээлжих зэрэглэл доогуур хэрэглэгчид зээл өгөхөөс татгалзахад хүрнэ гэж тэд анхааруулж байна.
“Энэхүү хүүгийн дээд хязгаар тавих санаа нь бодит шалтгааныг шийдэхгүй. Харин ч хэрэглэгчдийг илүү өндөр өртөгтэй зээл рүү түлхэж болзошгүй. Банкуудаас бусад баталгаагүй зээл, ломбардууд, банк бус санхүүгийн байгууллагын зээлдүүлэгч рүү зээлийн эрэлт шилжих эрсдэлтэй,” гэж J.P. Morgan-ийн шинжээч Вивек Жунежа тэмдэглэжээ.
ӨНДӨР ӨРТӨГТЭЙ ЗЭЭЛ: ЗЭЭЛИЙН КАРТ
Зээлийн картууд нь хамгийн өндөр хүүтэй зээлийн хэлбэрүүдийн нэг гэж тооцогддог. Учир нь эдгээр зээл нь ямар нэг барьцаа, баталгаагүй тул зээлдэгч төлбөрөө хийхгүй бол банк илүү их эрсдэл хүлээдэг гэж санхүүгийн байгууллагууд тайлбарладаг юм.
АНУ-ын Холбооны Нөөцийн Банк (Federal Reserve)-ны өнгөрсөн долоо хоногт нийтэлсэн тайланд, 2025 оны 11-р сард зээлийн картын дундаж хүү 20.97%-д хүрсэн байна.
Одоо хөрөнгө оруулагчид банкуудын удирдлагуудын тайлбар, байр суурийг анхааралтай ажиглах болно. Учир нь энэ долоо хоногт дөрөвдүгээр улирлын санхүүгийн тайлангийн улирал эхэлж байна.
JPMorgan мягмар гарагт тайлангаа танилцуулах бол, Bank of America, Citigroup, Wells Fargo-гийн тайлангууд энэ долоо хоногийн сүүлээр дараалан гарах юм.
