Амтат кофе

Бруклин Бекхэмийн тэрбумтан хадам аав хүргэнийх нь гэр бүлийн маргааны талаар байр сууриа илэрхийллээ

НИЙТЭЛСЭН:

2026-02-04 23:50

Бруклин, Никола нар гэрлээд дөрвөн жил гааруй хугацааг өнгөрүүлжээ.

Бруклин Бекхэмийн тэрбумтан хадам аав охин, хүргэнээ хамарсан гэр бүлийн ноцтой зөрчлийн талаар анх удаа олон нийтийн өмнө байр сууриа илэрхийлсэн байна.

АНУ-ын 83 настай бизнесмэн, хөрөнгө оруулагч, тэрбумтан Нелсон Пелтзээс Бекхэмийн гэр бүлийг тойрсон дуулианы талаар сэтгүүлчид асуусан аж. Гэр бүлийн маргаан өнгөрсөн сард дээд цэгтээ хүрч, Дэвид Бекхэмийн ууган хүү Бруклин Инстаграм хуудсаараа дамжуулан олон нийтэд гомдол, байр сууриа ил тод илэрхийлсэн юм.

2022 онд Бруклинтэй гэрлэсэн Нелсон Пелтзийн охин Николаг хадам эцэг, эхийнх нь зүгээс төдийлөн дулаан хүлээж аваагүй, гэх мэдээлэл удаан хугацаанд яригдсаар ирсэн бөгөөд үүнийг Бруклин өнгөрсөн сард хийсэн “шуугиантай” мэдэгдлээрээ баталсан.

Хамгийн их цочирдуулсан нь — Виктория Бекхэм хосуудын хуримын үеэр анхны бүжгийг нь “булаасан” гэх мэдээлэл байв. Энэ талаар хуримын DJ хүртэл хожим нь ам нээсэн. Мэдэгдэлдээ 26 настай Бруклин Бекхэм цусан төрлийнхнөөсөө урт хугацаанд холбоогоо таслахаар шийдсэнээ ил тод мэдэгдсэн юм.

Харин Нелсон Пелтз олон жилийн турш хөшигний цаана юу болж ирсэн талаарх цуурхлын дараа, хүргэн нь ил тод дуугарснаар анх удаа байр сууриа илэрхийллээ.

Эхэндээ тэрээр “Энэ бол тусдаа сэдэв, хэвлэлд зориулагдсан зүйл биш” гэж болгоомжилсон ч охин, хүргэн хоёрынхоо ирээдүйн талаар дараах үгийг хэлсэн байна.

Нелсон Пелтз:

“Охин минь гайхалтай бүсгүй, хүргэн Бруклин минь ч гайхалтай. Тэдний гэрлэлт урт удаан, аз жаргалтай байгаасай гэж би чин сэтгэлээсээ хүсэж байна” гэжээ.

Мөн тэдэнд хүнд нөхцөл байдлыг даван туулах талаар зөвлөгөө өгдөг эсэхийг асуухад:

“Тийм ээ, өгдөг. Заримдаа тэд ч надад зөвлөгөө өгдөг” хэмээн хариулсан байна.

Алдарт хөлбөмбөгч, аав Дэвид Бекхэм шуугиант мэдэгдлийн дараа олны өмнө анх удаа гарч ирэхдээ илүү “далд, тойруу” маягаар байр сууриа илэрхийлсэн. Харин Бруклин эцэг, эхээ олон нийтийн сүлжээнд “хиймэл, дүр эсгэдэг”- олон жилийн турш “өөрсдөдөө ашигтай түүхийг бий болгож ирсэн” хэмээн шүүмжилсэн юм.

Бруклин өөрийн мэдэгдэлдээ:

“Миний эцэг, эх хуримнаас минь эхлээд бидний харилцааг сүйтгэхийг тасралтгүй оролдсон, одоо ч оролдож байна. Миний ээж Николагийн өмсөхөөр маш их догдолж хүлээсэн хуримын даашинзыг сүүлийн мөчид оёхоос татгалзсан тул Никола яаралтай өөр даашинз хайхаас өөр аргагүй болсон. Хурмын өдрөөс хэдэн долоо хоногийн өмнө эцэг, эх маань миний нэрийн эрхийг шилжүүлэх гэрээнд гарын үсэг зурахыг удаа дараа шахаж, бүр хахууль санал болгосон. Энэ нь надад, миний эхнэрт, цаашлаад ирээдүйн хүүхдүүдэд минь хүртэл нөлөөлөх байсан. Тэд хуримаас өмнө заавал гарын үсэг зуруулахыг шаардаж байсан, тэгвэл гэрээний нөхцөл хүчин төгөлдөр болох байв. (“Нэр шилжүүлэх гэрээ” гэдэг нь тухайн хүний нэрийг бизнес, брэнд, барааны тэмдэг, эсвэл арилжааны зориулалтаар ашиглах эрхийг өөр этгээдэд бүрэн эсвэл хэсэгчлэн шилжүүлэх тухай хууль зүйн гэрээ юм. Энгийнээр хэлбэл: “Миний нэрийг чи ашигла, харин ашиг орлого, хяналт минийх болно” гэсэн тохиролцоо. ҮГ.МН)

Ивээн тэтгэгчтэй агуулга

"Энержи Ресурс" ХХК 🤝 Хамтдаа цөлжилттэй тэмцэж, ногоон ирээдүйг бүтээцгээе.

🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿

Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ👷‍♂️👷‍♀️

🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷‍♂️👷‍♀️

“Монголын төмөр зам” ТӨХК-иас хэрэгжүүлж буй Багахангай–Хөшигийн хөндий–Эмээлт чиглэлийн төмөр замын төслийн бүтээн байгуулалт . . .

Миний татгалзсан нь тэдний хүлээж байсан мөнгөн ашигт нөлөөлсөн бөгөөд түүнээс хойш тэд надад хэзээ ч өмнөх шигээ хандаагүй. Хуримын бэлтгэлийн үеэр ээж маань Никола бид хоёр миний эмээ Сандра, Николын Наунни хоёрыг манай ширээнд суулгахаар шийдсэний төлөө намайг ‘муу санаатай’ гэж хүртэл дуудсан. Харин хоёр талын эцэг, эхчүүдийн ширээ манайхтай ижил тэгш, ойрхон байрласан байсан” гэжээ.

LADbible мэдэгдлийн талаар Бекхэмийн гэр бүлийн төлөөлөгчидтэй холбогдон тайлбар авахыг оролдсон байна.

Ребекка Лоос гэр бүлийн дуулианд хариу өгч Виктория Бекхэмийг шүүмжиллээ

Мөн Дэвид Бекхэмийн хуучин туслах Жесс Баттисон “Бруклины мэдэгдлийг хараад үнэхээр баярласан” гэсэн байна.

Бекхэмийн гэр бүлийг тойрсон дуулиан хэсэг намжсан ч зарим хүмүүс байр сууриа илэрхийлэх хүсэлтэй хэвээр байгаа бололтой.

Бруклин Бекхэм энэ сарын эхээр гэр бүлийнхнийхээ эсрэг ил тод мэдэгдэл хийж, ээж Викториягийн “зохисгүй” бүжиг, мөн “брэнд”-ийг гэр бүлээс дээгүүр тавьдаг талаар шүүмжилсэн нь цахим орчныг донсолгосон.

Мемүүд тарж, подкастууд, баримтат нэвтрүүлгүүд ээлж дараалан гарсны дараа олон “толгой” дуугарч эхэлсэн. Тэдний хамгийн сүүлийнх нь — Дэвид Бекхэмтэй 2004 онд харилцаатай байсан гэж мэдэгдэж байсан Ребекка Лоос юм.

Тэрээр нийгмийн сүлжээндээ Бруклиныг “Өөрийнхөө төлөө зогсож байгааг хараад маш их баярласан” хэмээн бичжээ.

“Би түүний эхнэрийг үнэхээр өрөвдөж байна. Бекхэмийнхэн ямар хүмүүс байдгийг би сайн мэднэ” гэж Лоос Никола Пелтзийн талаар хэлсэн байна.

Мөн тэр Бруклины мэдэгдлээс иш татан “Үнэн хэзээ нэгэн цагт заавал ил гардаг” хэмээжээ.

Ребекка Лоос одоо Channel 5 сувгийн The Beckham Feud: Truth and Lies баримтат нэвтрүүлэгт оролцож байгаа бөгөөд уг нэвтрүүлэгт Виктория Бекхэмийг хуримын бүжгийн маргаантай холбоотойгоор ил тод шүүмжилжээ.

2022 оны хуримын үеэр Марк Энтони “Өрөөн дэх хамгийн үзэсгэлэнтэй хүн”-ийг бүжигт урих болоход тэрээр Викторияг заасан нь Николыг уйлан танхимаас гарахад хүргэсэн гэх мэдээлэл бий.

Лоос энэ талаар:

“Үүнийг Викториягаас уу, Марк Энтонигоос болсон уу гэдэг нь гол биш. Бусдын мэдрэмжийг ойлгох чадвар дутмаг байгааг л харуулж байна” гэжээ.