АНУ-ын Төрийн нарийн бичгийн дарга Марко Рубио Бямба гарагт Ираны ард түмнийг дэмжиж байгаагаа мэдэгдэв. Тэрбээр Ираны эрх баригчид интернэтийн сүлжээг хааж, улс даяар өрнөж буй засгийн газрын эсрэг эсэргүүцлийн жагсаалыг дарах арга хэмжээ авч буйтай холбогдуулан ийм байр суурь илэрхийлсэн байна. “АНУ Ираны зоригт ард түмнийг дэмжинэ” хэмээн Марко Рубио X нийгмийн сүлжээнд бичжээ. Үүнтэй зэрэгцэн АНУ-ын Ерөнхийлөгч Дональд Трамп Баасан гарагт Ираны удирдлагад хатуу анхааруулга өгч, “Та нар иргэд рүүгээ буудаж болохгүй. Хэрэв тэгвэл бид ч мөн адил буудна” гэж мэдэгдсэн байна. Иранд сүүлийн өдрүүдэд өрнөж буй эсэргүүцлийн хөдөлгөөн, эрх баригчдын авч буй арга хэмжээ нь бүс нутгийн болон олон улсын анхаарлын төвд орсоор байна.

Баасан гарагт Азийн зах зээлийн арилжаа эхлэх үеэр алтны үнэ түүхэн дээд хэмжээнд хүрч огцом өсөв. Үүнд эрсдэлээс хамгаалах (safe-haven) эрэлт нэмэгдсэн болон АНУ-ын Холбооны нөөцийн сан (Federal Reserve) цаашид бодлогын хүүг дахин бууруулна гэсэн хүлээлт өссөн нь нөлөөлжээ. Спот алтны үнэ унц нь 0.5 хувиар өсөж 4,501.44 ам.долларт хүрсэн бөгөөд арилжааны явцад өмнө нь 4,530.60 ам.долларын түүхэн дээд түвшинд хүрсэн юм.

Хонг Конгийн алдарт жүжигчин Жеки Чан Олимпын бамбарыг эртний Помпейн балгасаар дамжуулан гүйж, буухиа аяллаа цааш үргэлжлүүлэн Ром хотыг чиглэлээ.

АНУ-ын Дотоодын аюулгүй байдлын яамны сайд Кристи Ноэм пүрэв гарагийн орой АНУ-ын Иргэншил, цагаачлалын албанд (USCIS) DV-1 хөтөлбөрийг түр зогсоох заавар өгснөө мэдэгдлээ. Цагаачлалын олон янз байдлын визийн хөтөлбөр (Diversity Immigrant Visa Program буюу DV Program) нь USCIS-ийн цахим хуудсанд дурдсанаар жил бүр 50,000 хүртэлх цагаачлалын виз олгодог юм.

Венесуэлийн сөрөг хүчний удирдагч, Нобелийн Энхтайвны шагналт Мария Корина Мачадо бараг нэг жилийн дараа анх удаа пүрэв гарагт олон нийтийн өмнө гарч, Ослогийн зочид буудлынхаа тагтнаас дэмжигчидтэйгээ мэндчилэн гараа далаллаа.