Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
ГОЛ АГУУЛГА
-Венесуэлд болсон давхар хүчтэй газар хөдлөлтийн улмаас амиа алдагсдын тоо 1,400 давлаа.
-1,600 гаруй гадаадын аврагчид тус улсад ирээд байгаа бөгөөд нэмэлт багууд замдаа явж байна.
-Эрх баригчид хамгийн их сүйрсэн Ла-Гуайра муж руу нэвтрэх хөдөлгөөнийг хязгаарлажээ.
-АНУ ойрын өдрүүдэд хэдэн зуун сая ам.долларын нэмэлт тусламж зарлаж магадгүй байна.
Өнгөрсөн лхагва гарагт Венесуэл улсад болсон 7.2 болон 7.5 магнитудын дараалсан хоёр хүчтэй газар хөдлөлтийн улмаас амь үрэгдэгсдийн тоог бямба гарагт 1,400-гаас давсан гэж мэдээллээ. Үүний зэрэгцээ олон улсын аврах багууд тус улсад олноороо хүрэлцэн ирж, хамгийн их сүйрэлд өртсөн далайн эргийн бүсүүдэд амьд үлдсэн хүмүүсийг эрэн хайх ажиллагааг үргэлжлүүлж байгаа аж.
Аврагчид Ла-Гуайра муж болон нийслэл Каракас хотын дүүргүүдэд ажиллаж байна. Эдгээр газарт ард иргэд болон сайн дурынхан хэдэн өдрийн турш нурангин доороос амьд үлдэгсэд, мөн цогцсуудыг гаргахыг оролдож байгаа ч хүнд даацын техник хэрэгсэл хангалтгүй, төрийн байгууллагуудын оролцоо сул байгаа аж.
Албаныхны мэдээлснээр 1,600 гаруй гадаадын аврагч Венесуэлд ирсэн бөгөөд нэмэлт аврах багууд ч замдаа гарсан байна. Энэ нь лхагва гарагт болсон хүчтэй газар хөдлөлт, тэдгээрийг дагасан олон зуун чичирхийллийн дараах олон улсын тусламжийн ажиллагааг нэмэгдүүлэхээс аргагүй байдалд хүргэлээ. Ахин хэзээ ч газар хөдөлж магадгүй юм.
Ла-Гуайра мужийн хамгийн их сүйдсэн бүсүүдийн нэг болох Карабальеда хотод АНУ-ын нисдэг тэрэгнүүд аврах багуудаа тоос шороонд дарагдсан буух талбайд хүргэн дахин нисэн одож байгааг Ройтерс-ийн сурвалжлагчид газар дээрээс нь мэдээлж байна.
Сайн дурынхны дунд баруун Венесуэлийн Сан-Кристобаль хотоос ирсэн 33 настай үйлдвэрийн инженер Алехандро Серрано байв.
Тэрээр газар хөдлөлтийн үеэр нурсан Bahía Mar орон сууцанд амьдарч байсан 24 настай дүү Ана Серраногоо хайж байгаа ажээ. Түүний хэлснээр пүрэв гарагийн орой Каракасын Перес Карреньо эмнэлгээр хайсан ч дүүгээ олж чадаагүй байна. Харин Аргентин болон Эль Сальвадороос ирсэн аврах багуудад дүүгийнхээ мэдээлэл болон амьдарч байсан хаягийг өгчээ.
Нуранги дотроос битгий олдоосой гэж би хүсэж байна. Өөрөөр хэлбэл тэр амьд байгаа гэж найдаж байна. Гэхдээ ямар ч байсан түүнийг олох хэрэгтэй.
Орон нутгийн иргэдийн ярьж буйгаар зарим газарт аврах ажиллагаа жигд бус өрнөж байгаа ч Карабальеда болон Лос Коралес дүүргийн хэсгүүдэд хүнд машин механизм ажиллаж эхэлжээ.
Валье дель Пино хэмээх жижиг хорооллын 60 настай оршин суугч Бейси Ривас:
Манай хөршүүпийн тав, зургаан байшин л босоо үлдсэн ч бүгд гэмтсэн.
Тэрээр цааш нь:
Газар хөдлөлт болсон шөнөөс хойш бараг бүх хөршүүд маань чичирхийллээс айгаад гудамжинд хонож байгаа. Нас барсан хүмүүс, хайртай хүмүүсээ алдсан айлуудыг бодохоор сэтгэл үнэхээр тогтож өгөхгүй байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
гэжээ.
Ойролцоо амьдардаг Йендри Сантана гэх иргэний хэлж буйгаар
30 айлтай хорооллынх нь зарим байшингийн хананд ан цав үүссэн ч хүн нас бараагүй. Харин түүний эгчийн жижиг байшин бүрэн сүйдсэн ч өөрөө амьд үлджээ.
Хүмүүс амьдралынхаа төлөө ингэж зүтгэж зүтгэчихээд бүхнээ алдаж байгааг харах үнэхээр эмгэнэлтэй.
Эрх баригчид Ла-Гуайра мужруу орох хөдөлгөөнийг үргэлжлүүлэн хязгаарлаж, Каракасаас очих гол замд шалган нэвтрүүлэх цэгүүд ажиллуулсаар байгуулсан.
Албаныхны тайлбарласнаар энгийн автомашинууд аврах ажиллагаанд саад учруулж байгаа тул зөвхөн албан ёсны аврах багийн бүрэлдэхүүн л тусгай зөвшөөрлөөр нэвтрэх боломжтой аж.
Харин бүс нутгийн цахилгаан хангамж аажмаар сэргэсэн байна.
Гэхдээ олон жилийн хөрөнгө оруулалтын дутагдал, эдийн засгийн хоригийн улмаас Венесуэлийн цахилгаан сүлжээ аль хэдийнэ доройтож, олон бүс нутаг өдөр бүр олон цагаар цахилгаан тасрах асуудалтай байсаар иржээ.
Засгийн газар хэдэн зуун хүн сураггүй болсон эсвэл нурангид дарагдсан гэж мэдээлсэн ч сөрөг хүчний талд байдаг цахим хуудсанд 55'000 гаруй хүнтэй холбоо тогтоогдоогүй гэж бүртгэгджээ.
АНУ-ын Геологийн алба (USGS) энэхүү 7.2 болон 7.5 магнитудын газар хөдлөлтийн улмаас 10,000 гаруй хүн амиа алдах магадлалтай гэж тооцоолсон бөгөөд хэрэв энэ тоо биелвэл өнгөрсөн зууны Латин Америкийн хамгийн олон хүний амь хохирсон газар хөдлөлтүүдийн нэг болох юм.
Энэхүү гамшиг нь Венесуэлийн түр ерөнхийлөгч Делси Родригесын улс төрийн байр сууринд нөлөөлж болзошгүй гэж ажиглагчид үзэж байна. Тэрээр өөрийгөө шинэчлэлийн төлөөлөл гэж тодорхойлдог ч өмнө нь АНУ-д баривчлагдсан, Ерөнхийлөгч асан Николас Мадурогийн дэд ерөнхийлөгчөөр ажиллаж байсан юм.
Бямба гарагт Ром хотод мөргөл үйлдсэн Пап лам Лео гамшгийн хохирогчид, тэдний гэр бүл болон аврах ажиллагаанд оролцож буй бүх хүмүүст зориулан залбирч, Венесуэлд үзүүлж буй дэлхийн эв санааны нэгдэл цаашид ч үргэлжилнэ гэдэгт найдаж байгаагаа илэрхийлжээ.
АНУ газар хөдлөлтийн дараа Венесуэл улсад хүмүүнлэгийн тусламж илгээж эхэлсэн. Тус улсын засаг захиргааны өндөр албан тушаалтан нэг хоногийн дотор хэдэн зуун сая ам.долларын нэмэлт санхүүжилтийн багцыг зарлах төлөвтэй байгааг мэдэгдэв.
Энэхүү санхүүжилт өмнө нь Дональд Трампын засаг захиргаанаас амласан 150 сая ам.долларын тусламжаас гадна олгогдох юм.
Мөн Цагаан ордны албан тушаалтан Ройтерс агентлагт мэдээлэхдээ, өнгөрсөн оны сүүлээр Венесуэлийг орхисон сөрөг хүчний удирдагч Мария Корина Мачадо АНУ-ын тусламжтайгаар эх орондоо эргэн ирэх оролдлого хийж байгаа нь Вашингтоны зарим өндөр албан тушаалтны дургүйцлийг төрүүлж байгаа бөгөөд ийм гамшгийн дараах үед энэ асуудлыг хөндөхөд эрт байна гэж үзэж байгааг онцолжээ.
