Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Японы "SkyDrive" компани "нисдэг автомашиныхаа" анхны туршилтын нислэгийг Токио хотод мягмар гарагт хийлээ. Тус компани нисдэг таксины үйлчилгээгээ Японы зарим бүс нутагт 2028 он гэхэд нэвтрүүлэхээр төлөвлөжээ.
"Mitsubishi Estate", "Kanematsu" корпорацуудтай хамтран явуулсан туршилтын үеэр зайнаас удирддаг уг жолоочгүй нисэх төхөөрөмж Токиогийн булан дээгүүр гурван минут орчим нисэж, 150 орчим метрийн зайг туулсан байна.
"SD-05" загварын уг цахилгаан хөдөлгүүрт "нисдэг автомашин" нь 12 сэнстэй бөгөөд гурван хүний суудалтай, нэг удаагийн цэнэглэлтээр 15-40 км зайг туулах чадалтай байна. Хэмжээний хувьд авсаархан, хөнгөн тул энгийн нисдэг тэрэг шиг том талбай шаардахгүйгээр олон байршилд газардах боломжтойг хөгжүүлэгч компани онцолжээ.
Тус компани мөн нисдэг автомашины нислэгийн хяналтын төв болон зорчигчдыг бүртгэх терминалыг танилцуулсан байна. Уг терминал нь нүүр царай таних технологид суурилсан автомат бүртгэлийн системээр тоноглогдсон аж. Үзүүлэх нислэг болон терминалын үйл ажиллагааг танилцуулах ажил ирэх бямба гараг хүртэл үргэлжлэх ажээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Нисдэг автомашиныг таксинд нэвтрүүлснээр замын түгжрэл болон нийтийн тээврийн хэт ачааллыг бууруулахад ихээхэн нэмэр үзүүлнэ гэж мэргэжилтнүүд үзэж байна. "SkyDrive" компани өнгөрсөн онд Осака хотноо болсон Дэлхийн үзэсгэлэнгийн (World Expo) үеэр мөн үзүүлэх нислэг хийжээ.
2030 оноос хойш нисдэг автомашины үйлчилгээний үнэ таксины үнээс ойролцоогоор хоёр дахин бага, магадгүй бүр түүнээс ч хямд болох боломжтойг "SkyDrive" компанийн гүйцэтгэх захирал Томохиро Фүкүзава хэлжээ. "Нисдэг автомашин нь таксинаас 4-5 дахин хурдан тул цаг хугацаа хэмнэх давуу талтайг нь бодвол иргэд энэ үнийг боломжийн гэж үзнэ. Тиймээс энэхүү үйлчилгээ богино хугацаанд зах зээлд нэвтэрнэ гэдэгт итгэлтэй байна" хэмээн тэрбээр ярьсан байна.
