Ойрын үед таны ажил, мэргэжил "AI"-аас болж алга болох уу тест бөглөөд мэдээрэй

НИЙТЭЛСЭН:

2025-08-15 09:00

Өөрийн ажлыг AI-аас хамгаалахын тулд чиг хандлагыг анзаарч, тогтмол ур чадвараа хөгжүүл.

2025 оны тавдугаар сард Anthropic компанийн Гүйцэтгэх захирлын анхааруулснаар, 2030 он гэхэд анхан шатны ажлын байрны 50% нь "AI" технологийн дэвшлийн улмаас үгүй болох аюултай аж. Мөн хэдхэн долоо хоногийн өмнө Flight Agencies компанийн (хамтран байгуулагч Стивен Бартлеттай) хөрөнгө оруулагч, үүсгэн байгуулагч Оливер Йончевтэй хийсэн онцгой ярилцлагын үеэр тэрээр:

“Ажлын анхан шатны түвшин бүр мөсөн алга болно”

гэж хэлсэн.

Тэднийг ямар ажил орлох вэ?

Стратегийн түвшний сэтгэлгээ
Соёл, нийгмийн орчныг гүнзгий мэдэрдэг хүмүүс болон үүргүүд
Өөрчлөлтийг бүтээгчид

⏳ Цаг явсаар. Goldman Sachs банк 2023 онд дэлхий нийт ажлын бараг тавны нэгийг AI эзлэх боломжтой, АНУ-ын ажлын байрны гуравны хоёр нь ямар нэг байдлаар хэсэгчилсэн автоматжуулалтад өртөнө гэж урьдчилан таамаглаж байв.

Өнөөдөр энэ тоо буурах шинжгүй байна.

Одоо бид дараах өөрчлөлтүүдийг харж байна:

Agentic AI (өөрөө даалгавар гүйцэтгэх чадвартай AI агентууд)
AI-н улмаас халагдсан ажилчид
LLM ( Эх хэлний загварууд) шинэчлэгдэж, хэдхэн сард илүү нарийвчлагдаж байна — хамгийн сүүлийнх нь ChatGPT-5
Salesforce компанийн Гүйцэтгэх захирал Марк Бениофф: AI аль хэдийн компанийн ажлын 50%-ийг хийж байна гэж мэдэгдсэн
Amazon-ийн Гүйцэтгэх захирал Энди Жэсси: Ирэх жилүүдэд илүү олон халах үйл явц, илүү өндөр AI чадварууд гарч ирнэ гэж таамагласан

Чухал асуулт: Таны ажил AI-аас хамаарч үгүй болж болох уу?

Хиймэл оюун ухааны хөгжил маш хурдацтай явагдаж байгаа учраас ирээдүйд яг аль ажлуудад сөргөөр нөлөөлөхийг тодорхой хэлэхэд хэцүү. Гэхдээ McKinsey & Company, Дэлхийн эдийн засгийн форум, Coursera-гийн тооцоо судалгааг ашиглан ойрын жилүүдэд хамгийн түрүүнд алга болох магадлалтай ажлуудыг урьдчилан таамаглаж байна.

Таны ажил үгүй болох эрсдэлд орсон эсэхийг шалгах тест

Өөрөөсөө дараах асуултуудыг асуугаарай:

1. Миний ажил давтагддаг, хүний оролцоо бага шаарддаг уу?
2. Миний ажил стратеги, нарийн төвөгтэй шүүлт, шийдвэр гаргалт шаарддаг уу?
3. Миний ажил голчлон энгийн гүйцэтгэлийн үүрэг дээр төвлөрдөг үү?
4. Миний ажил тогтсон дүрэм, систем, хэв маягийг дагадаг уу?
5. Миний ажилд гардан оролцох, биеийн хөдөлмөр, гарын ур дүй зайлшгүй хэрэгтэй юу?
6. Манай компани AI-г нэвтрүүлэх, ажиллах хүчээ илүү үр ашигтай болгохын тулд цомхотгол хийх талаар аль хэдийн ярьж эхэлсэн үү?

Хэрэв 1, 3, 4 болон ялангуяа 6-р асуултад “тийм” гэж хариулсан бол таны ажил ойрын үед эсвэл одоо ч AI-аар орлогдох өндөр эрсдэлтэй.

Харин бусад асуултад “тийм” гэж хариулсан бол таны ажил AI-гийн шилжилтэд илүү хамгаалагдсан байж болох юм, учир нь стратегийн үүрэг нь AI-г амжилттай хэрэгжүүлэхэд чухал нөлөөтэй.

AI-д хамгийн их өртөх ажлууд

Coursera-ийн мэдээлснээр AI-д өртөх магадлалтай таван үндсэн ажлын ангилал бол:

Үйлдвэрлэл
Административ болон бичиг хэргийн ажил
Тээвэр ба ложистик
Жижиглэн худалдаа
Борлуулалт (харилцагч олох, хэрэглэгчийн үйлчилгээ)

Эдгээр нь, ялангуяа үйлдвэрлэл, жижиглэн худалдаа, бичиг хэргийн салбарт аль хэдийн олон жилийн өмнөөс автоматжуулалт, шинэчлэл технологид шилжиж эхэлсэн нь нууц биш (жишээ нь: үйлдвэрлэлийн шугамд робот ашиглах, өөртөө үйлчлэх касс, хэрэглэгчийн үйлчилгээнд чатбот нэвтрүүлэх гэх мэт).

Гэсэн ч, карьерийнхаа ихэнх хугацааг эдгээр салбарт өнгөрөөсөн хүмүүст энэ нь маш хүнд цохилт болж мэднэ.

Ажлаа AI-аас хэрхэн хамгаалах вэ?

1. Салбартаа AI-г дэмжсэн шинэ үүрэг рүү шилжих боломж хай.

Одоогийн мэдлэг, туршлагаа ашиглан AI-тэй хамтран ажиллах боломжтой ажлуудыг сонгох.
Жишээ нь, борлуулалтад ажилладаг бол харилцаа хөгжүүлэх, B2B борлуулалт, том үйлчлүүлэгчийн данс хариуцах (Customer Success Manager) эсвэл SaaS компанийн дансны менежер байх.
AI хэрэгслүүдийг борлуулалтын мөчлөгийн үе шат бүрт ашиглах ч, томоохон байгууллагын өндөр өртөгтэй худалдан авалт дээр AI-д бүрэн найдахгүй учир та аюулгүй талд байна.

2. Эрсдэл багатай ажил руу шилжиж мэргэжлээ өөрчил

Хөх захын (blue-collar) буюу гардан хийдэг мэргэжил — Gen Z-ийн дунд эрэлт өсөж байна.
Биеийн хөдөлмөр, халамж шаардсан эрүүл мэнд, боловсролын салбар.
Удирдлага ба AI хяналт — төсөл удирдах, бүтээгдэхүүн удирдах, AI агентуудыг удирдах, олон талт багийг чиглүүлэх.

3. Шаардлагатай AI ур чадвар эзэмш.

Хамгийн эрэлттэй, өндөр цалинтай AI ур чадваруудыг сур.

4. Өөрийн карьерийн хөрөнгийг дахин брэндчил.

* LinkedIn профайлаа шинэчилж, AI ур чадвар, AI сургалт, гэрчилгээ, дасан зохицох чадвараа онцол мөн суралц.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07