Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Мягмар гарагт АНУ-ын холбооны шүүгч ур чадвар өндөртэй гадаад ажилчдад олгодог H-1B визэд Ерөнхийлөгч Дональд Трампын тогтоосон 100,000 ам.долларын хураамжийг эсэргүүцсэн АНУ-ын бизнесийн хамгийн том лобби байгууллагын нэхэмжлэлийг хэрэгсэхгүй болголоо.
Шүүгчийн үзэж буйгаар уг хураамж нь цагаачлалын бодлогыг зохицуулах Ерөнхийлөгчийн бүрэн эрхийн хүрээнд багтаж байгаа аж.
Вашингтон хотын холбооны дүүргийн шүүгч Берил Хауэлл АНУ-ын Худалдааны танхимын гаргасан дараах үндэслэлүүдийг хүлээн зөвшөөрсөнгүй. Үүнд:
Өндөр хураамж нь холбооны цагаачлалын хуультай зөрчилдөж байгаа,
Эмнэлэг болон бусад ажил олгогчид ажлын байраа танах эрсдэлтэй,
Олон нийтэд үзүүлдэг үйлчилгээ мөн багасах эрсдэлтэй гэсэн тайлбарууд багтжээ.
Шүүгч Хауэлл шийдвэртээ:
“Энэхүү улс төрийн шийдвэрийн эцсийн зөв бурууг тойрсон талуудын ширүүн маргаан нь шүүхийн шийдвэрлэх асуудал биш. Хэрэв уг бодлогын шийдвэрийн дагуу гаргасан арга хэмжээ, Ерөнхийлөгчийн зарлиг хууль эрх зүйн хүрээнд багтаж байвал уг зарлиг хүчин төгөлдөр хэвээр байх ёстой” хэмээн бичжээ.
Берил Хауэлл нь Ардчилсан намаас сонгогдсон Ерөнхийлөгч асан Барак Обамагийн томилгоогоор шүүгч болсон юм.
Цагаан ордон уг шийдвэрийн талаар тайлбар хийх хүсэлтэд тэр даруй хариу өгөөгүй байна. АНУ-ын Худалдааны танхимын гүйцэтгэх дэд ерөнхийлөгч бөгөөд Ерөнхий хуульч Дарил Жосеффер хэлэхдээ:
“Олон жижиг, дунд бизнесүүд ийм хэмжээний хураамжийг төлөх боломжгүй” гэж мэдэгдсэн.
Тэрээр цааш нь:
“Шүүхийн шийдвэрт сэтгэл дундуур байна. H-1B визийн хөтөлбөр Конгрессын анх зорьсон хэлбэрээр хэрэгжих боломжтой байлгахын тулд хууль эрх зүйн хүрээнд цаашид хийх алхмуудыг бид судалж байна” гэжээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
H-1B визийн хөтөлбөрийн тухай
H-1B визийн хөтөлбөр нь АНУ-ын ажил олгогчдод мэргэжлийн тусгай ур чадвартай гадаад ажилчдыг ажиллуулах боломж олгодог. Ялангуяа технологийн компаниуд энэхүү визийн хөтөлбөрт ихээхэн хамрагддаг байна.
Жил бүр: 65,000 виз ердийн квотоор, магистр болон түүнээс дээш зэрэгтэй ажилчдад зориулан нэмэлт 20,000 виз олгодог.
Эдгээр виз нь ихэвчлэн 3–6 жилийн хугацаатай байдаг.
Хураамж огцом өссөн нь
Трампын гаргасан захирамжаар H-1B виз авах зардал огцом өсөхөөр болсон. Урьд нь нөхцөл байдлаас шалтгаалан визийн хураамж ойролцоогоор 2,000–5,000 ам.доллар байсан бол шинэ зохицуулалтаар 100,000 ам.доллар болж нэмэгджээ.
Худалдааны танхимын гаргасан нэхэмжлэлд:
H-1B визид түшиглэдэг бизнесүүд хөдөлмөрийн зардлаа огцом нэмэгдүүлэх, эсвэл өндөр ур чадвартай гадаад ажилчдыг цөөрүүлэх гэсэн хоёр сонголтын аль нэгийг хийхээс өөр аргагүйд хүрнэ гэжээ.
Ардчилсан намаар удирдуулсан хэд хэдэн муж улс, ажил олгогчид, ашгийн бус байгууллагууд, шашны байгууллага энэхүү 100,000 ам.долларын хураамжийг эсэргүүцэн тус тусдаа шүүхэд нэхэмжлэл гаргаад байгаа юм.
Ерөнхийлөгч Дональд Трамп уг хураамжийг тогтоохдоо АНУ-ын ашиг сонирхолд хохирол учруулж болзошгүй гадаад иргэдийн нэвтрэлтийг хязгаарлах холбооны цагаачлалын хуулиар олгогдсон эрх мэдэлдээ тулгуурласан гэж тайлбарласан байна.
Шүүгч Хауэлл мягмар гарагт хэлэхдээ, Трамп H-1B визийн хөтөлбөр нь Америк ажилчдыг ажлын байрнаас шахаж байна гэсэн байр сууриа хангалттай баримтаар хамгаалсан гэж үзжээ.
Хамгаалсан баримтад: Олон мянган америк ажилчдыг халхынхаа хажуугаар зэрэгцээд H-1B визийн өргөдөл олноор гаргасан компаниудын жишээг дурдсан байна.
