Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Товч агуулга
-Австрали улсын Бондай Бич далай эргийн наран шарлагын газар гарсан олныг хамарсан буудлага зэвсгийн хуулийг чангатгах уриалгад түлхэц боллоо.
-Шинэ Өмнөд Уэльс мужийн эрх баригчид галт зэвсэг эзэмшихэд хатуу хязгаарлалт тавихаар санал дэвшүүлэв
-Ерөнхий сайд Энтони Албанезе еврейчүүдийн эсрэг үзлийн өсөлтийг бууруулж чадаагүй гэх шүүмжлэлд өртөв
Австралийн цагдаагийн газрын мэдээлснээр, "Бондай" наран шарлагын газар болсон олныг хамарсан халдлага эхлэхээс өмнө гар хийцийн тэсрэх бөмбөгнүүдийг амарч байгаа хүмүүсийн зүг шидсэн ч дэлбэрээгүй байна. Энэ тухай Даваа гарагт нийтэд ил болсон шүүхийн баримтад дурджээ.
Арванхоёрдугаар сарын 14-нд Бондайд зохион байгуулагдсан еврейчүүдийн Ханука баярын арга хэмжээний үеэр болсон уг зэвсэгт халдлагын улмаас 15 хүн амь үрэгдэж, олон арван хүн шархадсан юм. Энэхүү халдлага улс даяар цочрол үүсгэж, галт зэвсгийн хуулийг улам чангатгах, мөн антисемитизм (еврейчүүдийг үзэн ядах үзэл)-тэй тэмцэх ажлыг эрчимжүүлэх шаардлагыг хөндлөө.
Цагдаагийн газраас мэдээлж буйгаар, сэжигтнүүдийн нэг болох 50 настай Сажид Акрам нь цагдаа нарт буудуулж амиа алдсан бөгөөд тэрээр нийт зургаан ширхэг галт зэвсэг эзэмшдэг байсан байна. Харин түүний 24 настай хүү Навид Акрамд аллага болон терроризм зэрэг нийт 59 зүйл ангиар ял тулгасан гэж цагдаа нар мэдэгдэв.
Шүүхэд танилцуулсан цагдаагийн баримт бичигт дурдсанаар, эцэг хүү хоёр уг халдлагыг хэдэн сарын турш төлөвлөж, хэрэг үйлдэхээс хоёр хоногийн өмнө Бондай дахь далайн эргийн наран шарлагын газар ирж тагнан судалсан байна.
Мөн цагдаагийн тайланд орсон зургууд дээр тэд Шинэ Өмнөд Уэльс мужийн алслагдсан хөдөө нутагт галт зэвсэгтэй сургуулилалт хийж буй нь харагджээ. Тус муж нь Австралийн хамгийн олон хүн амтай, Сидней хот багтдаг муж юм.
Цагдаа нарын олж илрүүлсэн баримтад, 10-р сард бичигдсэн нэгэн видео бичлэг багтсан бөгөөд уг бичлэгт сэжигтнүүд “Исламын улс” бүлэглэлийн далбааны дүрсний өмнө сууж, халдлагын шалтгаанаа англи хэлээр тайлбарлан, “сионистуудын үйлдлийг” буруутгасан үг хэлсэн байна.
Халдлага болсон өдрийн өглөөний 15:00 цагийн орчимд (Улаанбаатарын цагаар 14:00) тэд Сидней хотын Кэмпси дүүрэгт байрлах богино хугацааны түрээсийн байшингаас хөнжилд ороосон урт, овортой эд зүйлс барин автомашиндаа ачих үеийн зураглал хяналтын камерт бичигдсэн гэж цагдаагийн тайланд дурджээ.
Тэд улмаар 17:00 цагийн орчимд Бондай наран шарлагын газар руу хөдөлсөн байна.
Цагдаа нарын үзэж буйгаар, хөнжилд боосон эд зүйлс нь:
-Нэг сумтай хоёр буу,
-“Беретта” маркийн винтов,
-Гар гранат хэлбэртэй гурван ширхэг тэсрэх бөмбөг,
-Нэг теннисний бөмбөгт хийсэн тэсрэх төхөөрөмж,
мөн нэг том хэмжээний гар хийцийн тэсрэх төхөөрөмж байжээ.
Цагдаа нарын мэдэгдсэнээр, тэд буудлага эхлэхийн өмнө гранат хэлбэрийн болон теннисний бөмбөгөнд хийсэн тэсрэх төхөөрөмжүүдийг олны зүг шидсэн боловч аль ч тэсрэх төхөөрөмж нь дэлбэрээгүй байна.
Мөн Кэмпси дэх байшингаас:
-Бууны эд ангийн 3D хэвлэсэн хэсгүүд,
-Тэсрэх бөмбөг хийх тоног төхөөрөмж,
-Кораны судрын хуулбарууд илэрсэн гэжээ.
ШИНЭЭР ХЭЛЭЛЦҮҮЛЭХ ГЭЖ БУЙ ГАЛТ ЗЭВСГИЙН ХУУЛЬ
Бондай дахь наран шарлагын газар дахь халдлагын дараа Шинэ Өмнөд Уэльс мужийн парламент өнөөдөр яаралтай хуралдаж, галт зэвсэг эзэмшихэд хатуу хязгаарлалт тавих, терроризмын бэлгэдлүүдийг үзүүлэхийг хориглох, мөн жагсаал цуглааныг хязгаарлах тухай шинэ хуулиудыг хэлэлцэв.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Санал болгож буй хуулиар:
Нэг хүн дээд тал нь 4 ширхэг галт зэвсэг эзэмших, харин фермер зэрэг тодорхой ангиллын хүмүүст 10 хүртэлх зэвсэг хэрэглэхийг зөвшөөрөхөөр саналд тусгасан байна.
Австрали улс 1996 онд 35 хүний амь үрэгдсэн олныг хамарсан буудлагын дараа дэлхийн хамгийн хатуу зэвсгийн хуулиудын нэгийг хэрэгжүүлж ирсэн ч Бондай дахь халдлага нь хуульд цоорхой байгааг харууллаа гэж эрх баригчид үзэж байгаа аж.
Шинэ Өмнөд Уэльс мужид 100-аас дээш буу эзэмшдэг 70 гаруй хүн байдаг бөгөөд нэг лиценз эзэмшигч 298 ширхэг буу бүртгүүлсэн байгаа нь хамгийн олон зэвсэгтэй хүн гэгдэж цагдаагийн бүртгэлд тэмдэглэгджээ.
Мөн шинэ хуульд:
Жагсаал, цуглааны үеэр нүүрээ халхалсан этгээдүүдийн нүүрийг ил гаргах эрхийг цагдаад олгох, “интифадаг дэлхий даяар өрнүүлье” гэх уриаг хүчирхийллийг өдөөсөн гэж үзэн хориглох заалтууд багтжээ.
Мужийн Ерөнхий сайд Крис Миннс парламентын гадна сэтгүүлчдэд хэлэхдээ, терроризмын үйл явдлын дараах олон нийтийн цуглааныг хязгаарлах заалтууд маргаан дагуулна гэдгийг хүлээн зөвшөөрсөн ч “Олон нийтийн аюулгүй байдлыг хангахын тулд зайлшгүй шаардлагатай” гэж мэдэгдэв.
“Бид өөр өөр арьс өнгө, шашин шүтлэг, гарал үүсэлтэй хүмүүсээс бүрдсэн нийгмээ эв нэгдэлтэй байлгах үүрэгтэй. Үүнийг бид тайван замаар хийж чадна” гэж тэр хэлэв.
“БИ УУЧЛАЛ ГУЙЖ БАЙНА” ХЭМЭЭН ЕРӨНХИЙ САЙД АЛБАНЕЗЕ МЭДЭГДЛЭЭ
Ерөнхий сайд Энтони Албанезе еврейчүүдийн эсрэг үзэл нэмэгдэж байгааг зогсоож чадаагүй гэх шүүмжлэлд өртөх нь улам нэмэгдээд байна. Өнгөрсөн Ням гарагт Бондайд болсон, хэдэн арван мянган хүн оролцсон дурсгалын арга хэмжээнд Ерөнхий сайдыг оролцоход нь олон хүн шүүмжилж, шүгэл үлээж эсэргүүцлээ илэрхийлжээ.
Sydney Morning Herald сонин 1'010 сонгогчийн дунд явуулсан санал асуулгаар Албанезегийн дэмжлэгийн түвшин 15 нэгжээр унаж, +6-аас –9 болж, 5-р сард ялалт байгуулснаас хойших хамгийн доод үзүүлэлтэд хүрсэн байна.
Албанезе Даваа гарагт мэдэгдэл хийхдээ, халдлагын дараах еврей нийгэмлэгийн уур хилэнгийн тодорхой хэсэг өөр рүү нь чиглэж байгааг ойлгож байгаагаа хэлж, үндэсний эв нэгдэлд уриалав.
“Ерөнхий сайдын хувьд миний удирдаж буй үед ийм харгис хэрэг гарсанд би хариуцлагын бүх жинг мэдэрч байна. Еврей нийгэмлэг болон манай улс бүхэлдээ туулж буй зовлонгийн төлөө би уучлал гуйж байна” гэж тэр Канберрад сэтгүүлчдэд хэлжээ.
Түүний тэргүүлж буй Засгийн газар антисемитизмыг тууштай буруутгаж ирсэн бөгөөд сүүлийн хоёр жилд: үзэн ядалт өдөөсөн үг хэллэг, хувийн мэдээлэл ил тараах (doxxing)-ийг гэмт хэрэгт тооцох хууль баталсан гэдгийг онцолсон байна.
Мөн Австрали улс энэ оны эхээр Ираны элчин сайдыг нутгаасаа хөөж гаргасан, учир нь Тегеран Сидней, Мельбурн хотуудад гарсан антисемит халдлагуудыг чиглүүлсэн гэж буруутгасан юм.
Шинэ санал болгож буй арга хэмжээнд:
Насанд хүрсэн хүмүүс хүүхдүүдийг радикал үзэлд татан оруулахыг гэмт хэрэгт тооцох шинэ заалт багтаж байна.
Даваа гарагт эрх баригчид Бондай Бичид иргэдийн авчирсан цэцэг, лаа, захидал зэрэг дурсгалын зүйлсийг цэвэрлэж эхэлсэн бөгөөд тэдгээрийг Сиднейн Еврей музей болон Австралийн Еврейн түүхийн нийгэмлэгт хадгалж, дэлгэн үзүүлэхээр төлөвлөжээ.
Одоогоор 13 хүн эмнэлэгт хэвтэн эмчлүүлж байгаа бөгөөд тэдний дөрвийнх нь бие хүнд боловч тогтвортой байдалтай байна гэж эрүүл мэндийн албанаас мэдээллээ.
