Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Даваа гарагт Ирландын холимог тулааны тамирчин Конор МакГрегор Цагаан ордонд АНУ-ын Ерөнхийлөгч Дональд Трамптай уулзах үеэр Ирландын цагаачлалын бодлогыг шүүмжилсэн нь тус улсын Ерөнхий сайдын эгдүүцлийг төрүүлжээ. МакГрегор ногоон зураастай хослол өмсөн Трамп болон түүний засаг захиргааны өндөр албан тушаалтнуудтай уулзсан байна. Үүнээс долоо хоногийн өмнө Доналд Трамп Ирландын Ерөнхий сайдыг хүлээн авч, хоёр улсын ойр дотно харилцааг уламжлалт байдлаар тэмдэглэсэн билээ.
"Манай засгийн газар Ирландын ард түмний дуу хоолойг аль эрт тоохоо больсон. Хууль бус цагаачлалын наймаа Ирланд улсыг сүйрүүлж байна" гэж МакГрегор Цагаан ордны хэвлэлийн танхимд мэдэгдсэн байна.
Ирландын Ерөнхий сайд Михол Мартин түүний мэдэгдлийг буруушааж, Шадар сайд Саймон Харрис "МакГрегор Ирландыг төлөөлж Цагаан ордонд очоогүй" гэж мэдэгдэв.
"Конор МакГрегорын үг буруу бөгөөд эдгээр нь Гэгээн Патрикийн баярын уур амьсгал, Ирландын ард түмний үзэл бодлыг илэрхийлэхгүй" гэж өнгөрсөн арваннэгдүгээр сард дахин сонгогдсон Ерөнхий сайд Мартин олон нийтийн сүлжээнд бичжээ.
Цагаачдыг халуун дотноор хүлээж авах уламжлалтай Ирланд улсад сүүлийн хоёр жилийн хугацаанд орогнол хүсэгчдийн тоо дээд хэмжээнд хүрснээс үүдэн тэднийг хүлээн авах асуудал улс төрийн халуун сэдэв болж, улс даяар дүрвэгсдийн байрны эсрэг эсэргүүцлийн жагсаалууд гарах болсон.
МакГрегорын мэдэгдэл Трамп хууль бус цагаачлалтай тэмцэх хатуу бодлогоо хэрэгжүүлж эхэлсний дараа гарсан бөгөөд Трамп энэ бодлогоо нэгдүгээр сард хоёр дахь удаагаа Ерөнхийлөгчийн тангараг өргөсөн өдрөө үндэсний хэмжээний онц байдал хэмээн зарласан юм.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Цагаан ордны хэвлэлийн төлөөлөгч Каролайн Левитт сэтгүүлчдэд "Гэгээн Патрикийн баярын өдөр бидэн дээр зочлох хамгийн тохиромжтой хүн бол МакГрегор" гэж мэдэгджээ.
Цагаан ордон МакГрегорын үгтэй санал нийлж байгаа эсэх талаар ямар нэгэн тайлбар өгөөгүй байна.
МакГрегор 2021 онд хөлөө хугалснаасаа хойш UFC-д тулалдаагүй бөгөөд өнгөрсөн жил Ирландын шүүхээс 2018 онд Дублинд болсон үдэшлэг дээр нэгэн эмэгтэйг хүчирхийлсэн хэргээр иргэний хариуцлага хүлээлгэж, 250,000 евро (273,000 доллар) төлөх шийдвэр гаргасан. Гомдол гаргагч Никита Ханд МакГрегорыг бэлгийн хүчирхийлэл үйлдсэн гэж мэдүүлсэн боловч МакГрегор шүүхийн шийдвэрийг давж заалдаад байна. Тэрбээр энэ оны 10-р сард болох Ирландын Ерөнхийлөгчийн сонгуульд нэр дэвших боломжтой гэж өмнө нь дурдсан. Гэвч нэр дэвшихийн тулд Ирландын парламентын 234 гишүүний дор хаяж 20 нь эсвэл 31 нутгийн зөвлөлийн 4 нь түүнийг дэмжиж нэр дэвшүүлэх ёстой.
МакГрегорын цагаачлалын эсрэг хатуу байр суурийг дэмждэг Ирландын улс төрчид цөөн бөгөөд өнгөрсөн 11-р сард шүүхийн шийдвэр гарсны дараа олон хүн түүнийг ил тод шүүмжлээд эхэлсэн.
Трампын холбоотнууд Европ дахь барууны үзэл баримтлал, цагаачлалын эсрэг улс төрийн хөдөлгөөнүүдийг дэмжиж ирсэн юм. Мөн Трамп UFC-ийг байнга магтаж, түүний удирдагч Дана Уайттай ойр харилцаатай гэдгээ илэрхийлдэг. Дана Уайт ч Ерөнхийлөгч Доналд Трампын танграг өргөх ёслол дээр үг хэлж байсан юм. 
