"Disney" Жимми Киммелийн шоугаа хаасан нь Трампын хэвлэл мэдээлэл дэх нөлөө өссөнийг харуулж байна

НИЙТЭЛСЭН:

2025-09-21 11:30

АНУ-ын Калифорни мужийн Анахайм хотод, консерватив идэвхтэн Чарли Кёркийг хөнөөсөн хэрэгт сэжиглэгдсэн этгээдийн тухай Жимми Киммелийн хийсэн мэдэгдлийн дараа, түүний оройн ток-шоуг түр зогсоосон явдлын эсрэг Disneyland-ийн гадаа жагсаал боллоо.

Гол агуулга:

Хэвлэл мэдээлэл, технологийн платформууд Трампын засаг захиргааны шахалтыг мэдэрч байна.
ABC суваг Жимми Киммелийн шоуг түдгэлзүүлсэн шийдвэр медиа салбарыг донсолгов.
Харилцаа Холбооны Комисс (FCC) нь телевизийн нэвтрүүлгийн лиценз, медиа нэгдлүүдийг хяналтдаа байлгаж байна

ABC суваг өөрийн алдарт хөтлөгч Жимми Киммелийн шоуг Харилцаа Холбооны Комиссын шахалтаар гэнэт түдгэлзүүлсэн нь Ерөнхийлөгч Доналд Трамп хэвлэл мэдээлэл, зугаа цэнгэл, дижитал платформуудыг өөрийн хүсэлд нийцүүлэх улс төрийн дарамтыг хэрэгжүүлж байгаагийн хамгийн сүүлийн нотолгоо боллоо.

Тэрээр өөрт нь сөргөөр ханддаг гэж үзсэн байгууллагуудыг дуугүй болгож, шийтгэх зорилгоор улс төрийн нөлөөгөө ашиглаж эхэлсэн.

Жимми Киммелийн Чарли Кёркийг алсан хэргээр яллагдагчийн тухай хэлсэн үгний дараа түүний нөлөө улам илэрхий болж, АНУ-ын хэвлэл мэдээлэл, зугаа цэнгэлийн салбарыг цочроож, үг хэлэх эрх чөлөөний талаарх болгоомжлолыг улам хурцатгав.

Доналд Трампын томилсон FCC-ийн дарга Брэндан Карр Ерөнхийлөгчийг "хог" гэж нэрлэсэн нэвтрүүлгийг цацдаг телевизүүдийн лицензийг цуцална гэж сүрдүүлсэн юм.

Томоохон медиа болон технологийн компаниудын ихэнх нь Трампыг дэмждэг эсвэл түүний тангараг өргөх ёслолын үеэр ойр дотно харилцаа тогтоосон тэрбумтан, бизнес эрхлэгчдийн мэдэлд оржээ.

Жишээ нь, Бүгд Найрамдах намын тэрбумтан ивээн тэтгэгч Ларри Эллисонгийн Oracle компани нь TikTok-ийн АНУ дахь үйл ажиллагааг хянах хөрөнгө оруулагчдын консорциумын нэг хэсэг болоод байна.

Энэ долоо хоногт Трампын засаг захиргаа БНХАУ-ын талтай TikTok-ийн АНУ дахь хөрөнгийг худалдах хэлэлцээрт тохиролцоонд хүрснээ мэдэгдсэн.

CBS, Meta Platforms, Washington Post, Los Angeles Times зэрэг компаниуд Доналд Трамп дахин сонгогдсоноос хойш түүний талаар сөрөг хандлага багатай, илүү эвтэйхэн байр суурь илэрхийлдэг болохоор редакцийн болон үйл ажиллагааны өөрчлөлт хийжээ.

“АНУ-ын томоохон хэвлэл мэдээллийн байгууллагууд баруун тийш улам бүр хазайж байна. Энэ үйл явц цаашид ч үргэлжлэх нь тодорхой. Үүнд сөрж чадах хүч өнөөдөр байхгүй” гэж Пенсильванийн их сургуулийн Анненбергийн Харилцаа холбооны сургуульд хэвлэл мэдээллийн бодлого, улс төрийн эдийн засгийн салбарын профессор Виктор Пикард хэлэв.

Энэ шийдвэр нь Трамп дахин сонгогдсоноос хойш ABC-ийн толгой компани Walt Disney хоёр дахь удаагаа шууд эфирийн үг хэллэгтэй холбоотой арга хэмжээ авхуулсан тохиолдол юм. Өнгөрсөн 12-р сард ABC News суваг сэтгүүлч Жорж Стефанопулосын Трампын эсрэг бэлгийн хүчирхийллийн хэргээр гаргасан мэдэгдлийн улмаас үүссэн хэргийг шийдвэрлэхийн тулд "Ерөнхийлөгчийн номын сан"-д 15 сая ам.долларын хандив өгөхөөр тохиролцсон.

“Тэд бүгд айж байна” гэж “60 Minutes” нэвтрүүлгээрээ он удаан жил үзэгчдэд танигдсан сэтгүүлч Стив Крофт хэлсэн байна. Тэрээр ялангуяа оройн цагаар цацагддаг мэдээний нэвтрүүлгүүдийг онцлон дурдсан аж. “Донэлд Трампын засаг захиргааны хамгийн аймшигтай зүйл бол өш хонзонтой байдал. Тэд өөрсдийн дайснууд руу дайрдаг. Тэдний хамгийн түрүүнд онилж байгаа салбар бол хэвлэл мэдээллийнхэн” гэж онцолжээ.

Харин Disney тайлбар өгөхөөс татгалзсан байна.

Цагаан ордны хэвлэлийн төлөөлөгч Абигэйл Жэксон “Жимми Киммел ямар ч хөгийн хошигнол ярьж болно. Гэхдээ хувийн компани алдагдалтай, үзэгчгүй шоуг үйлдвэрлэж байх албагүй. Жимми Киммелийн бүтээл бол үг хэлэх эрх чөлөөний асуудал биш, авьяас чадварын асуудал” гэж мэдэгдсэн.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07