Өнөөдөр Анна гүнж 75 нас хүрлээ

НИЙТЭЛСЭН:

2025-08-15 16:30

Хатан хаан Элизабет II-ийн цорын ганц охин, Олимпийн наадамд морин спортын төрлөөр оролцож байсан тамирчин Анна гүнж өнөөдөр 75 нас хүрлээ. Тэрбээр олны анхаарал татах дургүй тул төрсөн өдрөө даруухан тэмдэглэх төлөвтэй байна.

Анна гүнж 1993 онд Монголд албан ёсны айлчлал хийсэн.
Тухайн үед тэрбээр “Save the Children” Олон улсын хүүхдийг ивээх сангийн ивээн тэтгэгчийн хувиар ирж, хүүхдийн эрүүл мэнд, боловсролын чиглэлээр хэрэгжүүлж буй төслүүдтэй танилцсан байдаг.

Түүний ойг тохиолдуулан Букингемийн ордон моринд хайртай гүнжийн шинэ зургийг нийтэлнэ гэж мэдэгдэв. Гүнж Анна нь Их Британийн хааны гэр бүлийн хамгийн шаргуу ажилладаг гишүүнээр олонтаа нэрлэгдэж ирсэн юм.

1950 онд төрсөн тэрээр ах, одоогийн хаан Чарльзын дараа хоёр дахь хүүхэд нь бөгөөд эх нь хаан ширээнд заларснаас хоёр жилийн өмнө мэндэлжээ. Залуу байхдаа тэрбээр энгийн, шуулуун шударга зангаараа алдаршиж, энэ нь талийгаач эцэг ханхүү Филиппийн зан чанарыг санагдуулдаг байв.

Гэвч тэр хожим морин спортын амжилтаараа нэр хүнд олж, 1976 оны Монреалын Олимпийн наадамд оролцсоноор Их Британийн хааны гэр бүлээс анх удаа олимпийн тамирчин болсон юм. Тэрээр сүүлийн жилүүдэд дотоодын болон олон улсын буяны байгууллагуудын үйл ажиллагаанд оролцож, тэдний төлөө хийсэн үйл ажиллагаагаараа сайшаагдсаар иржээ.

YouGov-ийн өнгөрсөн долоо хоногийн судалгаагаар Анна гүнж хааны гэр бүлийн гишүүдээс хамгийн ихээр олон нийтийн дэмжлэг авч, ханхүү Уильям болон түүний эхнэр Кэйтийн дараа 70%-ийн эерэг үнэлгээгээр гуравдугаарт орсон байна.

Хааны гэр бүлийн зарим гишүүд шар хэвлэлийн байнгын сэдэв болдог ч гүнж Анна олны анхаарлыг татахаас зайлсхийдэг. Гэсэн ч тэр 1974 онд Букингемийн ордны ойролцоо буутай этгээд түүнийг барьцаалахыг завдсан нь орчин үеийн хааны гэр бүлийн хамгийн дуулиант үйл явдлын нэг болж байв.

Тухайн үед гэмт этгээдээс машинд сууж байсан газраа буухыг шаардахад, “Тэгж ч болохгүй!” (“Not bloody likely!”) гэж хариулсан нь олон нийтийн дунд алдартай болсон. Түүний хэлснээр, ийм нөхцөл байдалд тайван хандаж чадсан нь морьтой харьцаж сурсан туршлагаас үүдэлтэй гэнэ.

Өнгөрсөн жил тэр морь унаж яваад тархины доргилт авч гэмтэн эмнэлэгт тав хоног хэвтсэн ч гурван долоо хоногийн дараа дахин ажилдаа орсон аж.

“Ээж зүгээр л толгойгоо гудайлгаад, ажлаа хийгээд л явдаг, бусад нь түүний тухай юу бичихээ өөрсдөө мэддэг” хэмээн түүний хүү Питер Филлипс өнгөрсөн жил телевизийн ярилцлагад орохдоо хэлжээ.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07