Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
"Тансаг хөрөнгө"-д хөрөнгө оруулалт хийдэг “LUXUS” компани Hermès-ийн Биркин, Келли цүнхэнд зориулсан шинэ санг танилцууллаа —тус санд хөрөнгө оруулсан хөрөнгө оруулагчид тухайн цүнхнүүдийг эхний ээлжинд худалдаж авах эрхтэй болох юм.
🖋Ихэнх хедж сангуудын гол хөрөнгө оруулалт бол хувьцаа, бонд, түүхий эд байдаг. Харин “LUXUS” гэх стартап компани хөрөнгө оруулалтын дүрмийг өөрчлөхөөх зорьж байна. Тус компани Hermès-ийн цүнхэнд төвлөрсөн тусгай хөрөнгө оруулалтын сан ажиллуулдаг, венчур санхүүжилттэй “wealth-tech” компанийг байгуулсан ажээ.
LUXUS компанийг Blackstone-ийн хуучин гүйцэтгэх захирал Дана Аусландер үндэслэсэн бөгөөд тэрээр хэлэхдээ:
“Миний үргэлж хүсдэг санхүүгийн шинэ бүтээгдэхүүн бол уламжлалт бус өөр төрлийн хөрөнгө оруулалтуудыг бүтээхэд оршдог байсан — хедж сан, хувийн хөрөнгө оруулалт, хувийн зээл мэтийн хувьд шүү дээ. Гэхдээ би загварын ертөнцийг илүүтэй сонирхдог. Би энэ уйтгартай хөрөнгө оруулалтын ертөнцөд жаахан хөгжил, загвар оруулахыг хүссэн. Миний гол санаа бол хөрөнгө оруулагч ба цуглуулагч нар нэгдмэл нэг хүн байх юм. Тиймээс тэдэнд зориулсан бүтээгдэхүүн адилхан байх ёстой. Тэд урлаг, үнэт эдлэл эсвэл Hermès-ийн цүнх гэх мэт цуглуулдаг зүйлсдээ хөрөнгө оруулахыг хүсдэг.”
Hermès-ийн хөрөнгө оруулалтын анхны сан
Christie’s-ийн дэмжлэгтэйгээр, дэлхий дээрх Hermès-д зориулагдсан анхны хөрөнгө оруулалтын стратегийг хэрэгжүүлж буй энэ сан анх 2025 оны 5-р сард 1 сая ам.долларын хөрөнгө татаж, 43 хоногийн дотор 34% цэвэр өгөөж олсон байна.
Эрэлт асар их байсан тул тэд дараагийн шатны санг байгуулж, дахин 2 сая ам.доллар татжээ. Энэ хугацаанд “LUXUS” ихэнхдээ “Амнаас ам дамжсан мэдээллээр” хөрөнгө оруулагчдыг татсан байна.
Тэдний гол санаа бол Hermès-ийн цүнхийг алт шиг тогтвортой хөрөнгө гэж үзэх юм.
Hermès-ийн цүнх — алт шиг үнэ цэнтэй
Christie’s-ийн олон улсын гар цүнх, аксесуарын хэлтсийн дарга Рэйчел Кофски хэлэхдээ:
“Сүүлийн арван жилд Hermès-ийн Биркин ба Келли цүнхний үнэ дунджаар жил бүр 5% өсөж ирсэн. Цар тахлын үед эрэлт огцом өссөнөөр үнэ нь хурдан нэмэгдсэн. Дараа нь зах зээлд бага зэрэг засвар орсон ч үнэ нь цар тахлын өмнөхөөс хамаагүй өндөр хэвээр байна.”
Hermès-ийн цүнх ийм өндөр үнэлгээтэй байдаг шалтгаан нь ховор, хязгаарлагдмал хүрээтэй байдал юм. Энгийн хүн Hermès дэлгүүрт орж, Биркин эсвэл Келли цүнх авч чаддаггүй, зөвхөн тусгай эрхтэй хүмүүс л авч болдог.
Харин дахин худалдааны зах зээл дээр энэ хязгаарлалт үйлчилдэггүй. “LUXUS” баг тусгайлан шалгаж, зөвхөн бүрэн төгс, шинэ мэт цүнхийг худалдан авдаг байна.
Хоёр төрлийн хөрөнгө
Аусландерийн хэлснээр, тэд хоёр төрлийн цүнх худалдан авдаг:
1. Энгийн, түгээмэл загварууд — хар, беж өнгийн Биркин, Келли зэрэг Farfetch, 1stDibs зэрэг онлайн болон офлайн платформд зарагддаг.
2. Ховор, экзотик цүнхнүүд — Christie’s, Sotheby’s зэрэг дуудлага худалдаагаар борлуулагддаг.
Тэрээр Парист болсон Жэйн Биркин өөрийн анхны Биркин цүнхээ 10.1 сая доллараар зарсан дуудлага худалдаанд оролцсон байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
“Эмэгтэй хүний эд зүйл ийм хэмжээний үнэлгээ авахыг харах үнэхээр гайхамшигтай байсан. Энэ нь түүхэн дэх хамгийн үнэтэй цүнх бөгөөд загварын бүх бүтээгдэхүүн дундаас хоёрдугаарт орсон (эхнийх нь ‘Dorothy’s slippers’).”
Нийгмийн сүлжээ ба соёлын нөлөө
Christie’s-ийн мэргэжилтэн Кофски хэлэхдээ:
“Сүүлийн арван жилд Hermès-ийн цүнхийг хөрөнгө оруулалтын эд зүйл гэж үзэх хандлага эрс нэмэгдсэн. Instagram, TikTok зэрэг платформууд ховор загваруудыг, рекорд эвдсэн үнэ бүхий дуудлага худалдааг олонд хүргэж байна. Энэ нь шинэ хөрөнгө оруулагчдыг татаж байна.”
Хуурамч бүтээгдэхүүний сорилт
LUXUS-ийн Баталгаажуулалтын газрын дарга Грэм Ветцбагер хэлэхдээ, сүүлийн жилүүдэд хуурамч Hermès цүнхний чанар маш өндөр болж, үнэн ба хуурамчийг ялгахад улам хэцүү болсон байна.
“Өнөө үед онлайн худалдааны аноним орчинд өндөр чанартай хуурамч цүнх ихээр тархаж байна. Зарим нь бараг анзаарагдамгүй, маш бодитой хийгддэг. Хүмүүс өөрийгөө жинхэнэ зүйл худалдаж авлаа гэж бодож байхад үнэндээ хуурамч цүнх авсан байдаг.”
Hermès-ийн үнийн индекс ба зах зээлийн өгөгдөл
LUXUS нь Hermès Pricing Index нэртэй шинэ систем боловсруулж байна. Энэ нь Биркин ба Келли цүнхний үнийн хандлага, борлуулалтын суваг, өгөөжийн үзүүлэлтийг судалж, ирээдүйн ханшийг 1, 3, 5 жилийн хугацаанд урьдчилан таамаглах зорилготой.
“Бид цүнхний зах зээлийг илүү бүтэцтэй, өгөгдөлд суурилсан болгож байна. Энэ нь зүгээр л загвар биш, харин бодит хөрөнгө оруулалт юм.”
Хүйсийн зөрүү ба эрсдэлд хандах хандлага
Гайхалтай нь, Биркин ба Келли цүнхний үндсэн хэрэглэгчид эмэгтэйчүүд байдаг ч LUXUS-ийн хөрөнгө оруулагчдын дийлэнх нь эрчүүд юм.
Аусландер үүнийг дараах байдлаар тайлбарлав:
“Эмэгтэйчүүд ихэвчлэн болгоомжтой байдаг. Тэд алдахаас айдаг. Харин эрчүүд эрсдэлийг хүлээж чаддаг. Тэдэнд хамгийн чухал нь өгөөж. Биркин цүнхний ‘вирталити’ маш хурдан эргэлддэгийг тэд ойлгодог — энэ нь богино хугацаанд хоёр, хоёр хагас дахин өсөх боломжийг олгодог. Тийм өгөөжийг өөр зүйлээс олоход амар биш.”
Хөрөнгө оруулагчид цүнхийг шууд эзэмшдэггүй — тэд сангийн хувьцаа эзэмшдэг, харин тэдэнд LUXUS-ийн худалдаж авсан цүнхнүүдийг зах зээлийн үнээс хямд авах анхны эрх олгодог байна.
Ирээдүйн зорилго: хувийн хөрөнгийн ертөнцийг өөрчлөх
Эцэст нь, Auslander хэлэхдээ:
“Одоогийн эдийн засгийн нөхцөлд ‘alternative assets’ буюу уламжлалт бус хөрөнгүүд маш чухал. Z үе ба Миллениал үеийнхэн эд зүйл эзэмшихээс илүү, тэдэнд хөрөнгө оруулах, эсвэл дуудлага худалдаанд оролцох туршлага нь илүү сонирхолтой байдаг.”
LUXUS Hermès-ийн цүнхийг алт шиг найдвартай хөрөнгө гэж үздэг. Эрэгтэй хөрөнгө оруулагчид давамгайлж байгаа нь илүү их эрсдэл хүлээх сэтгэлгээтэй холбоотой гэж үүсгэн байгуулагч тайлбарлажээ. Эмэгтэйчүүд илүү болгоомжтой, “алдахаас айдаг” зан төлөвтэй байгаа нь нийт хөрөнгө оруулалтын ертөнц дэх хүйсийн ялгаа, эрсдэлд хандах хандлага-тай нийцэж байна.
LUXUS нь тансаг хэрэглээний эд зүйлсийг хөрөнгө оруулалтын шинэ ангилал болгон хувийн хөрөнгийн зах зээлийг өөрчлөхийг зорьж байна.
