Тансаг брэндүүдийн эрсдэл буюу загварын орднууд шинэ дизайнерууддаа ихээхэн найдлага тавьж байна

НИЙТЭЛСЭН:

2025-09-08 11:30

Ирэх долоо хоногт Chanel, Dior зэрэг тансаг бүтээгдэхүүнээрээ дэлхийд тэргүүлэх загварын ордонууд шинэ дизайнеруудынхаа цуглуулгыг танилцуулах гэж байна. Учир нь өнгөрсөн долоо хоногт нас барсан алдарт дизайнер Жоржио Арманигийн үхлийн дараа тансаг бүтээгдэхүүний салбарт хэрэглэгчдийн сонирхлыг дахин сэргээх зорилготой аж.

Энэ сарын 10-наас Нью-Йорк, Лондон, Милан, Парис хотуудад эхлэх загварын шоунууд нь 400 тэрбум ам.долларын салбар эргэн сэргэх эсэхийг шийдэх өндөр эрсдэлтэй үйл явдал гэж үзэж байна. Ковидын дараах хоёр жилийн өсөлт саарснаар, тансаг брэндүүд борлуулалтаа сэргээх оролдлого хийж буй нь маш их бэрхшээлтэй тулгарч буй бололтой.

10 жил дараалан жил бүр 10%-ийн өсөлттэй байсан энэ салбар өнгөрсөн жил гэнэт уналттай нүүр тулсан бөгөөд үүний улмаас удирдлагын болон бүтээлч түвшний дизайнеруудын дунд томоохон өөрчлөлтүүд өрнөсөн.

“Салбар бүхэлдээ хүнд нөхцөл байдалтай байна” гэж зөвлөх үйлчилгээ үзүүлдэг Luxurynsight компанийн Гүйцэтгэх захирал Жонатан Сибони мэдэгдсэн.

БНХАУ-ын эдийн засаг үл хөдлөхийн хямралаас болоод доройтсон хэвээр байгаа бол АНУ-ын Ерөнхийлөгч Доналд Трампын худалдааны дайн Европын тансаг брэндүүдийн ашигт ажиллагаанд сөргөөр нөлөөлж, хэрэглэгчдийн итгэлийг бууруулж байна.

Уналт нь Gucci-ийн эзэн Kering, Италийн Valentino, мөн хамгийн том тансаг загварын групп LVMH зэрэг компаниудад шинэ Гүйцэтгэх захирлууд томилогдож, дотоод бүтцээ шинэчлэгдэхэд хүргэв.

Шинэ үеийн дизайнерууд Chanel, Dior, Gucci гэсэн дэлхийн хамгийн том гурван брэндийн залуур дээр гарч ирж байна. Харин 9-р сарын 4-нд Италийн домогт дизайнер Жоржио Армани нас барснаар түүний нэрийн брэндийн ирээдүйн талаарх асуулт нэмж гарч ирлээ

Салбарын шинэчлэл зөвхөн том брэндүүдээр зогсохгүй, LVMH-ийн Celine, Loewe, Givenchy-ийн Bottega Veneta, Alexander McQueen; Versace-ийн Dries Van Noten, Jean Paul Gaultier;-ийн Maison Margiela зэрэг жижиг брэндүүдэд ч хамаарч байна.

Шинэ бүтээлч захирлуудад очих дарамт энэ улиралд маш өндөр байх юм. Учир нь тэдний даалгавар бол бүтээгдэхүүнүүддээ уламжлалт нэр хүндийг алдагдуулахгүйгээр шинэ уур амьсгал оруулах, үүний зэрэгцээ инфляцид дарагдсан хэрэглэгчдийг дахин татах явдал.

“Энэ улиралд тансаг брэндүүд хэрэглэгчидтэйгээ дахин холбогдож чадах эсэх нь тодорхой болно” гэж Together Group-ийн Гүйцэтгэх захирал Кристиан Курцке хэлсэн.

“Энэ удаагийн өөрчлөлт хувьсгалын шинжтэй байх магадлал өндөр” гэж Сибони нэмж анхааруулсан юм.

Хэрэглэгчээ алдсан тансаг брэндүүд

Chanel, Dior, Louis Vuitton зэрэг брэндүүд ковидын дараах үед ашгаа өсгөхийн тулд үнээ нэмсэн. Гэвч үнийн өсөлт нь хэрэглэгчдийг үргээж, зөвхөн өнгөрсөн онд л гэхэд 50 сая хэрэглэгчээ алджээ (Bain зөвлөх компанийн тооцоогоор).

Ингэснээр брэндүүд нэг талаас гайхалтай, өвөрмөц байх хэрэгтэй болсон ч нөгөө талаас хэмнэлттэй, нам гүм байх шаардлагатай болж байна.

Gucci-ийн хувьд сорилт илүү хүнд. Тус брэнд ковидын дараах өсөлтөд оролцож чадаагүй бөгөөд 2024 онд дизайнер Алессандро Микеле ажлаа өгсний дараа ч борлуулалт нь сэргэхгүй байгаа. Түүний барокко хэв маягийг дараагийн дизайнер Сабато Де Сарно минимализмд шилжүүлсэн ч хэрэглэгчдэд таалагдсангүй.

Одоо Balenciaga дээр амжилт олсон Демна Gucci-г шинэчлэх үүрэг хүлээгээд байна. Түүний анхны загваруу энэ сарын 23-нд Миланд танилцуулагдаж, эхний албан ёсны шоугаа ирэх 3-р сард хийхээр төлөвлөгджээ.

Chanel өнгөрсөн жил борлуулалт нь буурсан тул Kering-ийн Bottega Veneta-д борлуулалтыг өсгөсөн туршлагатай дизайнер Маттье Блази-г урьжээ. Тэрээр анхны шоугаа 10-р сарын 6-нд Парисын Гран Пале ордонд хийх бөгөөд энэ нь Карл Лагерфельдийн дуртай тайз юм.

Dior-ийн хувьд ч шинэчлэл өрнөж байна. Louis Vuitton-оос хоцорсон Dior брэнд эрэгтэй, эмэгтэй хувцасны дизайнеруудаа зэрэг сольж, Жонатан Андерсон-ыг урьсан. Тэрээр 7-р сард эрэгтэй хувцсны шоугаа үзүүлсэн бол эмэгтэй хувцасны шоугаа 10-р сарын 1-нд хийх гэж байна.

Мөн шинэ дизайнеруудын бүтээлүүдийг Венецийн кино наадамд одууд өмсөж гарч ирсэн. Жишээ нь, Versace-ийн шинэ дизайнер Дарио Витале Жулиа Робертсыг урт шөнийн хар даашинзаар гоёсон. Гэвч загварын тайзны хөгжим, орчин, олон төрлийн цуглуулгагүйгээр улаан хивсэн дээр ганц загвар харуулах нь эрсдэлтэй гэж зарим шинжээчид анхааруулж байна.

“Ингэж шууд гаргавал онцгой мэдрэмжээ алддаг. Энэ бол маш өндөр эрсдэл. Нийгмийн сүлжээнд сөрөг сэтгэгдэл авах магадлалтай” гэж брэнд зөвлөх Фабио Бечери онцоллоо.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07