Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
Баасан гарагт Тайландын хаан Маха Важиралонгкорн-ы ууган охин, гүнж Бажракитиябха Нарендира Дебьявати 47 насандаа таалал төгсжээ. Тэрээр олон төрлийн эрүүл мэндийн хүндрэлтэй тэмцэж, ойролцоогоор дөрвөн жилийн турш ухаангүй байсан юм.
Гүнж 2022 оны 12-р сард Тайландын зүүн хойд хэсгийн Накхон Ратчасима мужид ажиллаж байх үедээ зүрхний өвчний улмаас гэнэт ухаан алдаж эмнэлэгт хүргэгдсэн байна. Улмаар нисдэг тэргээр Тайландын нийслэл Бангкок хотод авчирч эмчилгээ хийжээ.
Хааны ордны мэдэгдэлд дурдсанаар, түүний биеийн байдал хэвлийн хөндийн халдвар, бүдүүн гэдэсний үрэвсэл, цусны даралт огцом буурах, зүрхний хэм алдагдах болон цус бүлэгнэлтийн эмгэгийн улмаас дордож, пүрэв гарагийн орой нас барсан гэсэн юм.
Олон нийт түүнийг “Гүнж Па” хэмээн нэрлэдэг байв. Тэрээр 1978 оны 12-р сарын 7-нд тухайн үеийн угсаа залгамжлах ханхүү Важиралонгкорн болон түүний анхны эхнэр гүнж Соамсавали нарын гэр бүлд төржээ.
Гүнж Бажракитиябха АНУ-ын Корнеллийн их сургуульд хууль эрх зүйгээр суралцаж, магистр болон докторын зэрэг хамгаалсан аж.
🏆Энэ удаагийн наадамд уул уурхайн салбарын 42 байгууллагын 1,800 гаруй уурхайчин оролцсон байна.
Тэрээр 2006–2011 онд Тайландын Ерөнхий прокурорын газарт хуульчаар ажилласан бол 2012–2014 онд Тайланд улсыг төлөөлөн Австри, Словени, Словак улсад Элчин сайдаар ажиллаж байв.
Мөн шоронд хоригдож буй эмэгтэйчүүд, ялангуяа жирэмсэн хоригдлуудын эрхийг хамгаалах буяны байгууллага байгуулан ажиллуулжээ.
Тэрээр 2017 онд НҮБ-ын Гэмт хэргээс урьдчилан сэргийлэх ба эрүүгийн шүүхийн комиссоос Зүүн Өмнөд Азийн хууль дээдлэх ёсыг сурталчлах сайн санааны элчээр томилогдсон юм.
Гүнж 2021 онд армид шилжин ажиллаж, генерал цол хүртэн Хааны аюулгүй байдлын командлалын штабын даргын албыг хашиж байв.
Тэрээр хаан Важиралонгкорны албан ёсны цол хэргэмтэй гурван хүүхдийн нэг бөгөөд Тайландын Үндсэн хуулийн дагуу хаан ширээг залгамжлах эрхтэй хүмүүсийн тоонд багтаж байсан юм.
Өнгөрсөн оны аравдугаар сард Тайландын хатан эх Сирикит 93 насандаа таалал төгссөн.
Хааны ордон гүнжийн оршуулгыг төрийн ёслолын хэмжээнд зохион байгуулах бөгөөд Тайландын Засгийн газар үндэсний хэмжээний гашуудал зарлах төлөвтэй байна.
