Тэрбумтан Жефф Безосын New Glenn пуужин далай дээрх барж дээр амжилттай газардлаа

НИЙТЭЛСЭН:

2025-11-14 12:00

Гол агуулга

Blue Origin компани SpaceX-тэй өрсөлдөх түвшнээ дээшлүүлэхийг зорьж байна.
Пуужингийн эхний шат далайд амжилттай буцаж газардлаа.
New Glenn пуужингийн хоёр дахь нислэг боллоо.
Ангараг руу явах NASA-гийн хоёр хиймэл дагуулыг хөөргөв.

Пүрэв гарагт Тэрбумтан Жефф Безосын эзэмшдэг Blue Origin компанийн аварга том New Glenn пуужин Флоридагаас анхны төлбөртэй ачааны нислэгээ хийж, NASA-гийн хоёр хиймэл дагуулыг Ангараг руу илгээхийн зэрэгцээ анх удаа дахин ашиглагдах эхний шатыг давж далайд амжилттай газардаж чадлаа.

Энэ хүчирхэг хоёр шатлалт пуужингийн энэ удаагийн нислэг нь нэгдүгээр сард хийсэн анхны туршилтын дараа хийгдэж буй нислэг бөгөөд эхний шатны амжилттай газардалт нь дэлхийн тэргүүлэх пуужин хөөргөх үйлчилгээ үзүүлэгч SpaceX-тэй илүү тэнцвэртэй өрсөлдөх Blue Origin-ий зорилгод чухал алхам болов.

Blue Origin-ий нислэгийг шууд дамжуулалтын үеэр пуужин цэлмэг тэнгэрт гал, утааны зузаан шороон бүрхүүл үлдээн хөөрөх нь харагдсан Энэ нислэг нь тэнгэр үүлшнээс болж бий болсон соронзон шуурганы улмаас хэд хоног саатсан юм.

Хөөрсний дараах ойролцоогоор 10 минутын болоход 17 давхар барилгатай тэнцэх өндөртэй New Glenn пуужингийн эхний шат “Jacklyn” нэртэй барж дээр аюулгүй буцаж газардсан. Энэхүү барж нь Атлантын далайд хөвж байсан бөгөөд Жефф Безосын ээжийн нэрээр нэрлэгдсэн гэгддэг. Blue Origin нэгдүгээр сард ийм газардалт хийхийг оролдсон ч амжилтгүй болсон билээ.

Энэ удаагийн нислэгээр NASA-гийн EscaPADE хэмээх хоёр хиймэл дагуулыг тус пуужинд ачсан нь Blue Origin-ий анхны шинжлэх ухааны ачаа болж сансарт хүргэгдсэн байна.

“Өнөөдөр бид даалгавраа бүрэн амжилттай биелүүллээ. Багийнхнаараа маш их бахархаж байна” хэмээн Blue Origin-ий гүйцэтгэх захирал Дэйв Лимп мэдэгдэв.

Элон Маск ч мөн амжилтыг хүлээн зөвшөөрч X сүлжээнд: “@JeffBezos болон @BlueOrigin-ийн багт баяр хүргэе!” хэмээн бичжээ.

Blue Origin-ий Кэйп Канавералын Mission Control төвд эхний шат газардсан бичлэг гарч ирэхэд алга ташилт, уухай хадсан байна. Пуужингийн нэр нь “Never Tell Me the Odds” буюу “Надад магадлалаа битгий хэл” гэсэн утгатай — энэ нь “Оддын дайн” киноны Хан Сологийн хэлдэг алдартай үг юм.

20 минутын дараа удирдлагын төв New Glenn-ий дээд шат зорилтот замдаа орж, EscaPADE хиймэл дагуулыг Ангараг руу 22 сарын аялалдаа гарсныг баталлаа.

“BLUE” болон “GOLD” хиймэл дагуулууд

Blue болон Gold нэртэй хоёр адил хиймэл дагуул 2027 онд Ангарагт хүрч эллипс замд орон, 11 сарын турш гарагийн сансрын цаг уурын орчинг судална.

Тэд нарны салхи — нарнаас ирдэг өндөр энергитэй цэнэгтэй бөөмс — Ангарагийн сул соронзон оронтой хэрхэн харилцан үйлчилдэг, энэ нь Ангарагийн нимгэн агаар мандлыг хэрхэн сарниулсан талаар судлах юм. Судалгаа нь Ангараг яагаад эрт үедээ дулаан, усархаг байсан атлаа өнөөдөр цөл гариг болж хувирсны тайлбарлахад тусална.

Хиймэл дагуулуудыг NASA-д зориулан Калифорнийн Rocket Lab компани бүтээж, багажуудыг Берклигийн Калифорнийн их сургууль нийлүүлжээ.

Мөн пуужин Viasat компанийн туслах ачааг авч явсан бөгөөд энэ нь дэлхийн дээгүүр телеметрийн өгөгдөл дамжуулах туршилтын төхөөрөмж юм. Blue Origin-ий мэдээлснээр туршилт амжилттай болсон аж.

Нэгдүгээр сард болсон New Glenn-ий анхны нислэгээр компани өөрсдийн Blue Ring нэртэй маневр хийх чадвартай шинэ төхөөрөмжийг зөөвөрлөж байсан. Энэ нь батлан хамгаалах болон хувь хэрэглэгчдэд зориулагдан хөгжүүлж буй аппарат юм.

Blue Origin-ийг 2000 онд Жефф Безос байгуулсан бөгөөд саяхан хүртэл Blue Origin голдуу аялал жуулчлалын New Shepard пуужинд сууж богино хугацааны сансрын аялал хийдэг баячуудад төвлөрдөг компани байсан. Энэ нэг шатлалт дахин ашиглагдах төхөөрөмж нь 200 гаруй судалгааны туршилт тээж байсан түүхтэй.

SPACEX-ТЭЙ ӨРСӨЛДӨХ ТЭМЦЭЛ

Blue Origin компани New Glenn-ийг бүтээхэд хэдэн тэрбум доллар зарцуулсан бөгөөд энэ нь хүн болон ачааг дэлхийн тойрог замд тогтмол хүргэх гол ажлын морь нь болохоор төлөвлөгдсөн "хүнд даац" ангиллын пуужин юм.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07