ХӨРӨНГӨ ОРУУЛАЛТЫН ТАЛААР АРВИН МЭДЛЭГТЭЙ БОЛОХЫГ ХҮСВЭЛ УОРРЕН БАФФЕТ ДАРААХ 4 НОМЫГ УНШИХЫГ ЗӨВЛӨЖЭЭ

НИЙТЭЛСЭН:

2025-07-31 08:30

Kомбуча ('kombucha' гэдэг нь сэргээх үйлчилгээтэй, исгэсэн цайны ундаа юм. Энэхүү ундаа нь дэлхий даяар эрүүл мэндэд тустай хэмээн өргөн хэрэглэгддэг болсон бөгөөд ялангуяа барууны орнуудад эрчимтэй дэлгэрч байна) үйлдвэрлэгч Better Booch компанийн үүсгэн байгуулагч, гүйцэтгэх захирал Трей Локербид тэрбумтан Уоррен Баффетт-тэй уулзах боломж олдсон байна. Тэрээр энэ мөчийг ашиглан Омахагийн зөнч гэгддэг Уоррен Баффеттаас хөрөнгө оруулалтын талаар асуулт асууж амжжээ.

Локерби тухайн үед өрсөлдөөн ихтэй, эрсдэл өндөртэй "опционы арилжаа" хийдэг байв. Тэрээр Баффеттаас түүний ментор, домогт хөрөнгө оруулагч Бенжамин Грэм-ийн бичсэн номнууд — "Security Analysis" (1934 он), "The Intelligent Investor" (1949 он) — одоо үеэ өнгөрөөсөн гэж үзэх үү? хэмээн асуусан байна.

Баффетт, Грэмийн заасан "үнэ цэнийн хөрөнгө оруулалт" (value investing)-ын зарчмыг олон арван жилийн турш амжилттай ашигласаар ирсэн хүн. Тэрээр Локербид хандан Грэмийн номыг дахин уншихыг санал болгож, ялангуяа хөрөнгө оруулалтын сэтгэл зүйн талаархи бүлгүүдэд анхаарах хэрэгтэй гэж зөвлөсөн байна.

Мөн Баффетт талийгаач эдийн засгийн шинжээч Жорж Гүүдманы бичсэн хоёр номыг уншихыг зөвлөжээ.

📘 Баффеттын санал болгосон номнууд:

1. Бенжамин Грэмийн бүтээлүүд

✅ “Security Analysis”

Энэ номыг Колумбын Бизнесийн Сургуулийн профессорууд Бенжамин Грэм ба Дэвид Додд нар хамтран бичсэн. Энэ нь үнэт цаасны бодит үнэ цэнийг үнэлэх замаар урт хугацаанд хөрөнгө оруулалт хийх зарчмыг заадаг үндсэн бүтээл юм.

Уг ном Баффеттад гүнзгий нөлөө үзүүлсэн. Тэрээр энэ номыг уншсаны дараа Грэм, Додд нарын Колумбын их сургуульд багшилдаг гэдгийг мэдээд шууд Дэвид Доддод захиа бичин, хичээлд нь суух зөвшөөрөл хүссэн байдаг.

“Би захиандаа: ‘Эрхэм профессор Додд, би та нарыг нас барсан гэж бодож явлаа. Харин одоо амьд, Колумбад хичээл зааж байгааг чинь мэдээд, хичээлд чинь суухыг үнэхээр их хүсэж байна’ гэж бичсэн” хэмээн Баффетт HBO-ийн “Becoming Warren Buffett” баримтат кинонд дурдсан.

✅ “The Intelligent Investor”

Энэхүү номыг Баффетт дахин дахин зөвлөдөг.
Тэрээр 2013 онд Berkshire Hathaway-ийн хувьцаа эзэмшигчдэд хандан:

“Миний санхүүгийн амьдрал энэ номыг худалдаж авснаар эрс өөрчлөгдсөн. Бенгийн үзэл санааг логиктой, ойлгомжтой, гоё бичвэрээр тайлбарласан байсан” гэжээ.

Мөн тэрээр:

“Би хийсэн хөрөнгө оруулалтынхаа дундаас хамгийн шилдэг нь энэ номыг худалдаж авсан явдал байсан — мэдээж хоёр гэрлэлтийг эс тооцвол” хэмээн хошигножээ.

2. Жорж Гүүдманы бүтээлүүд

✅ “The Money Game”

1968 онд бичигдсэн энэхүү номд хөрөнгийн зах зээлийг тоглоом мэтээр ойлгох ёстой гэсэн санааг дэвшүүлжээ. Уг номонд 1960-аад оны Уолл Стрийтийн шуугиант байдлыг тусгаж өгсөн байдаг.

Баффетт “Тэр үнэхээр хурц ухаантай, бас бичих авьяастай байсан. Хэн ч анзаарч байгаагүй зүйлийг анзаарч, маш сонирхолтойгоор бичиж чаддаг байлаа” хэмээн 2014 онд The Wall Street Journal-д өгсөн ярилцлагадаа дурсжээ.

✅ “Supermoney”

1972 онд бичигдсэн энэхүү ном нь 1970-аад оны хөрөнгийн зах зээлийн орчныг харуулж, Баффеттын өөрийнх нь тухай ч гардаг.

Баффетт энэ номын өмнөтгөлд: “Адам Смит намайг бейсболын зүйрлэл их хэрэглэдэг гэж бичсэн. Тэр үнэн. Тиймээс би энэ номыг 1956 оны 10-р сарын 8-нд Нью-Йорк Янкизийн Дон Ларсен дэлхийн цомын цувралд цорын ганц төгс тоглолт хийсэнтэй зүйрлье” гэжээ.

Хэрэв та хөрөнгө оруулалт сурахыг хүсэж байвал эдгээр ном бол хамгийн сайн гарааны цэг гэдэгт Уоррен Баффетт итгэлтэй байдаг.

Үг бол үнэ цэн...

ХОЛБООТОЙ МЭДЭЭ

ug.mn сайт 2025 оны 12 сарын 21 Ням гарагИЙН ХӨТӨЛБӨР

Бичил мэдээ

Шинэ мэдээ

Их уншигдсан

2025-12-20 16:00

Монголбанкны Ерөнхийлөгчийн албан тушаалд нэр дэвшигч С.Наранцогтын томилгооны сонсгол маргааш буюу 12 дугаар сарын 16-ны өдөр зохион байгуулагдана . . . .

2025-12-15 12:18

2025-12-13 01:23

“Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх” үүрэг бүхий Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд, Төрийн ордонд зохион байгуулах гэж байна.

2025-12-07 10:34

2025-12-07 10:30

Лондонгийн Металлын Бирж (LME)-ийн зэсийн үнэ баасан гарагт ам.долларын сулрал, зэсийн тэргүүлэгч үйлдвэрлэгч Чилийн аравдугаар сарын үйлдвэрлэл буурсан байдал, мөн Хятадын хайлуулах үйлдвэрүүдийн төлөвлөсөн үйлдвэрлэл бууруулах шийдвэрийн нөлөөгөөр анхны дээд амжилтаа шинэчлэн давж, 11,200 ам.доллараас давлаа. LME-ийн гурван сарын үндсэн гэрээт зэсийн үнэ 2.5%-иар өсөж, 11,210.50 ам.долларт хүрсэн нь 10-р сарын 29-нд тогтоож байсан 11,200 ам.долларын өмнөх дээд амжилтыг давсан үзүүлэлт боллоо.

2025-11-30 00:15

2025-11-23 13:29

Баасан гарагт Токио дахь Ерөнхий сайдын өргөөний өмнө хэдэн зуун иргэн цуглан жагсаж, Ерөнхий сайд Санаэ Такайчи Тайванийн талаар сүүлийн үед хийсэн буруу мэдэгдлээ эргүүлэн авах, тайлбар өгч уучлал хүсэхийг шаардав.

2025-11-23 13:07