Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Иран улс руу хийсэн АНУ, Израилийн хамтарсан цохилтоос болж Тегеран Персийн булан даяар пуужингийн хариу довтолгоо эхлүүлсэн нь нефтийн зах зээл хамгийн ноцтой хямралын нэгтэй нүүр тулахад хүргэлээ.
Дэлхийн нефтийн нийлүүлэлтийн 20 орчим хувийг бүрдүүлдэг хамгийн чухал бүс нутгийн экспорт ийнхүү тасалдахад хүрээд байна.
Зөрчлийн үргэлжлэх хугацаа хангамжийн тасалдлын хэмжээг тодорхойлоход эрт байгаа ч, аюулын дохио нь өөрөө хангалттай нөлөө үзүүлж бүс нутгаас гарах урсгалд хүчтэй дарамт учруулж байгаа юм.
Хоёрдугаар сарын сүүлийн арилжааны өдөр АНУ-ын хөрөнгийн зах зээл огцом унаж, Dow индекс 1%-иар буурсан байна.
Хэрэв мөргөлдөөн богино хугацаанд намжихгүй бол даваа гарагийн өглөө арилжаа нээгдэхэд нефтийн үнэ огцом өсөх магадлалтай. Brent маркын түүхий нефтийн үнэ сүүлийн долоо хоногуудад баррель нь 70 ам.доллар орчим хэлбэлзэж, 2025 оны 8-р сараас хойших хамгийн дээд түвшинд хүрсэн. Хөрөнгө оруулагчид Ойрхи Дорнодод цэргийн мөргөлдөөн гарах эрсдэлд бэлтгэж байна.
Бямба гарагт АНУ, Израиль улсууд Иран улсад цэргийн цохилт өгч, тус улсын дээд албан тушаалтнуудыг онилсон бөгөөд бүс нутгийг өргөжиж буй мөргөлдөөнд түлхэн орууллаа.
АНУ-ын Ерөнхийлөгч Дональд Трамп уг дайралтаа АНУ-д заналхийлж буй аюулыг арилгах, мөн Ираны ард иргэдэд одоогийн эрх баригчдыг түлхэн унагаах боломж олгоно гэж мэдэгдсэн.
Одоогоор Ираны хариу цохилт нефть, хийн дэд бүтцэд хохирол учруулсан эсэх нь батлагдаагүй байна.
АНЭУ болон Кувейтэд дэлбэрэлтүүд бүртгэгдсэн. Харин шингэрүүлсэн байгалийн хийн дэлхийн хоёр дахь том экспортлогч Катар улс өөр рүү нь чиглэсэн пуужинг унагасан гэж мэдэгдсэн.
Мөн Бахрейнд болон Ираны Харг арал орчимд дэлбэрэлт сонсогдсон. Харг арал нь Ираны түүхий нефтийн экспортын 90 орчим хувь дамждаг терминал юм. Гэхдээ тээврийн мэдээллээс харахад Тегеран сүүлийн өдрүүдэд тэнд хадгалагдаж байсан нефтийн ихэнхийг танкеруудад шилжүүлсэн бололтой.
Иран ба Оман улсын хооронд орших Ормузын хоолойгоор (өдөрт бараг 20 сая баррель боловсруулсан нефть бүтээгдэхүүн дамждаг ҮГ.МН) тээвэрлэлтийг тасалдуулсан гэх мэдээлэл одоогоор алга байна.
Бодит эвдрэл сүйрэл гараагүй байгаа. Танкерууд Персийн буланд, Ормузын хоолойн хойд хэсэгт гацах, эсвэл бай болж болзошгүй гэсэн эрсдэл нь өөрөө үйлдвэрлэгчид, худалдаачид, тээвэрлэгчдийг нефтийн урсгалыг дахин үнэлэхэд хүргэж байна.
Хэвлэлүүдийн мэдээлснээр зарим томоохон нефтийн компаниуд, худалдааны байгууллагууд хоолойгоор тээвэрлэх тээвэрлэлтийг хэд хоногоор түр зогсоож байгаа аж. Бүс нутгийн далайн замын аюулгүй байдалд илүү итгэл төрөх хүртэл энэ болгоомжлол намжихгүй бололтой.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
Танкерын тээврийн хөлс өсөж байсан бөгөөд цаашид улам нэмэгдэх төлөвтэй. Ойрхи Дорнодоос Хятад руу чиглэсэн VLCC (маш том түүхий нефтийн танкер)-ийн жишиг үнэ он гарснаас хойш гурав дахин өссөн нь эрсдэлийн өсөлтөөс болж үйл ажиллагаанд бэлэн хөлөг онгоцны тоо багассантай холбоотой.
Одоо гол асуулт нь эрчим хүчний дэд бүтцийг шууд онилох эсэх, мөн АНУ-ын арми Персийн булан, Ормузын хоолойн тээврийн замыг хэр хурдан хамгаалж чадах вэ гэдэгт оршиж байна.
Ормузын хоолой бүрэн хаагдаж байсан түүх байхгүйг тэмдэглэх нь зүйтэй.
Иран урт хугацааны бүслэлт хийх магадлал багатай ч түр хугацаанд урсгалыг саатуулах чадвартай. АНУ-ын Тэнгисийн цэрэг хурдан хариу арга хэмжээ авах нь гарцаагүй.
Гэвч богино хугацааны довтолгоо, эсвэл тэсрэх бодис бүхий мина байрлуулах ажиллагаа хүртэл үнэ болон нийлүүлэлтэд асар их нөлөө үзүүлж болзошгүй.
Ийм тактик өмнө нь ч байсан. 1980-аад оны Иран–Иракийн дайны үеэр Ираны арилжааны хөлөг онгоц, АНУ-ын тэнгисийн цэргийн хөлөг онгоцуудад халдсан. Үүний хариуд Ерөнхийлөгч Рональд Рейган “Operation Earnest Will” ажиллагааг эхлүүлж, танкеруудыг цэргийн хамгаалалттайгаар дагалдуулан явуулж байв.
2007–2008 онд мөн Иран, АНУ-ын тэнгисийн хүчний хооронд удаа дараа мөргөлдөөн гарч байсан. 2023 оны 4-р сард Ираны тэнгисийн цэрэг Оманы буланд Chevron компанийн түрээсэлсэн Advantage Sweet нэртэй нефтийн танкерыг саатуулж, уг хөлөг нэг жил гаруйн дараа суллагдсан.
Сүүлийн жилүүдэд АНУ, Бразил, Канад зэрэг орнуудын олборлолт өссөнөөр дэлхийн нефтийн зах зээл харьцангуй хангалттай нийлүүлэлттэй болсон.
Дэлхийн хамгийн том нефть экспортлогч Саудын Араб ч эрсдэлийг тооцож, сүүлийн өдрүүдэд түүхий нефтийн нийлүүлэлтээ нэмэгдүүлсэн. 2-р сард тэдний экспорт өдөрт 7 сая баррелиас давж, 2023 оны 4-р сараас хойших хамгийн өндөр түвшинд хүрэх төлөвтэй гэж Kpler мэдээлжээ.
ОПЕК+ (ОПЕК болон ОХУ зэрэг холбоотнууд) ням гарагийн уулзалтаараа олборлолтоо нэмэгдүүлэх шийдвэр гаргах хүлээлттэй байна.
Гэхдээ Ойрхи Дорнодоос гарах экспортын замууд тасалдвал бүс нутгийн үйлдвэрлэгчдийн олборлолтын өсөлт үр нөлөөгөө алдах магадлалтай. Гэсэн ч Саудын Араб, АНЭУ альтернатив экспортын маршруудтай.
АНУ, Израилийн цохилтын цар хүрээ болон Трампын мэдэгдлүүдээс харахад Вашингтон Ираны удирдлагыг ноцтой сулруулах урт хугацааны цэргийн кампанит ажилд бэлтгэж буй бололтой.
Ираны удирдлага өөрсдийгөө хэр хэмжээнд заналхийлэлд өртсөн гэж үзэх нь тэд бүс нутгийн илүү өргөн хүрээний бай, тэр дундаа нефтийн орд, экспортын терминал, боловсруулах байгууламжууд руу довтлох эсэхийг тодорхойлно.
Гэхдээ хамгийн муу хувилбар биелэхгүй байсан ч энэхүү мөргөлдөөн нь Ойрхи Дорнодоос гарах стратегийн ач холбогдолтой эрчим хүчний нийлүүлэлтэд (нефтьд ҮГ.МН) сүүлийн хэдэн арван жилд байгаагүй хэмжээнд саад, хотгор учруулах нь тодорхой болоод байна.
