Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
АНУ-ын Эрүүл мэндийн сайд Роберт Ф. Кеннеди Жр. “Трампын засаг захиргаанд бодлогын ялалт авчрах” нэг алхмыг ойрын саруудад хэрэгжүүлэхээр байна. Учир нь АНУ-ын Хүнс, Эмийн Захиргаа (FDA) Британи улсын “GSK” компанитай хамтран аутизмтай холбоотой нэгэн эмгэгийг эмчлэхэд хэрэглэгдэх хуучин эмийн зөвшөөрлийг түргэвчилсэн журмаар шинэчлэхээр болжээ.
Энэхүү ховор алхам нь “лейковорин” (leucovorin) гэх эмийн ердийн хувилбарын шошго шинэчлэх урт хугацааны үйл явцыг болон шинэ клиник туршилтуудыг алгасах боломж олгоно гэж Ройтерс мэдээллээ. Гэвч судлаач, хуульч, эмч нар энэ аргыг “Ердийн журмыг тойрсон, эргэлзээтэй алхам” гэж шүүмжилж байна.
GSK компанийн төлөөлөгч Ройтерст хэлэхдээ:
“Бид энэхүү эмийг хэрэглэх шинэ зөвшөөрлийн өргөдлийг аль болох хурдан хугацаанд бүрдүүлэхээр ажиллаж байна” гэжээ.
Энгийн тохиолдолд FDA ийм шинэ хэрэглээний хүсэлтийг 4–6 сарын дотор хэлэлцдэг ч энэ удаа бүр илүү хурдан шийдвэр гаргаж магадгүй гэж “Хүртээмжтэй Эмийн Холбоо”-ны Жузеппе Рандаззо хэлжээ.
Хэрэв энэхүү түргэвчилсэн үйл явц хэрэгжвэл эмч нар “лейковориныг” тархины фолатын дутагдал (cerebral folate deficiency) гэх бодисын солилцооны эмгэгт хэрэглэх илүү албан ёсны үндэслэлтэй болох юм. Энэ эмгэг нь мэдрэлийн олон төрлийн шинж тэмдэг үүсгэдэг бөгөөд зарим нь аутизмтай төстэй байдаг аж. Ийнхүү энэ алхам нь Кеннедигийн Ерөнхийлөгч Дональд Трамптай хамт хэрэгжүүлж буй “Америкийг эрүүл болгоё” хөдөлгөөний нэг амлалтыг биелүүлэх болно.
Гэхдээ Харвардын Анагаах Ухааны Сургуулийн эмийн бодлогын судлаач Амит Сарпатвари “Бодит нотолгоо хангалтгүй нөхцөлд энэхүү шошго өөрчлөлт бол хоосон, бюрократ ялалт л байх болно” гэж хэлжээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Одоогоор “лейковорин” эмийг хорт хавдрын эмчилгээний сөрөг нөлөөг багасгахад хэрэглэдэг бөгөөд Cost Plus Drugs сайтаар 30 ширхэг өндөр тунгийн шахмал нь 34.14 ам.долларт худалдаалагдаж байна. Харин шинэ шошготой болсноор энэхүү эмийг даатгалын компаниуд тархины фолатын дутагдлын эмчилгээнд хамааруулан төлбөрийг даатгалд хамруулах магадлалтай гэж үзэж байна.
Эрүүл мэнд, хүний үйлчилгээний яамны (HHS) хэвлэлийн төлөөлөгчийн хэлснээр:
“Лейковорин нь тархины фолатын дутагдлын шалтгааныг үр дүнтэй бууруулж, өвчтөний байдлыг сайжруулдаг нь нотлогдсон” гэжээ.
Эмийн эрэлт энэ оны хоёрдугаар сард CBS телевиз нэгэн 5 настай хэлгүй хүүгийн эмчилгээний талаарх сурвалжлага гаргаснаас хойш, мөн саяхан Дональд Трамп өөрөө уг эмийг сурталчилснаас хойш эрс нэмэгджээ.
“Манай сувилагч нарын утас тасралтгүй дуугарч байгаа гэж байна” хэмээн Чикагогийн Лури хүүхдийн эмнэлгийн хөгжлийн болон зан үйлийн хүүхдийн эмч Ларри Грэй ярьжээ.
Тус эмнэлэгт уг эмийг зөвхөн клиник туршилтын хүрээнд хэрэглэх бодлого баримталдаг бөгөөд аутизмд зориулсан хэрэглээ нь одоогоор албан ёсоор зөвшөөрөгдөөгүй юм. Гэхдээ “лейковорин” нь FDA-аар баталгаажсан эм тул эмч нар үүнийг “off-label” буюу шошгон дээрх анхны заалтаас өөр зориулалтаар бичиж өгөх боломжтой байдаг.
Кеннеди АНУ дахь аутизмын өсөлтийг “үндэсний түвшний хямрал” гэж тодорхойлж, 8 нас хүрэхэд 31 хүүхэд тутмын 1 нь аутизмтай болсон гэх статистикийг иш татжээ. Тэрбээр аутизмын шалтгаан болон эмчилгээний гарц олох амлалтаа энэ оны есдүгээр сар гэхэд биелүүлнэ гэж мэдэгдсэн юм.
