Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
August 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Эрт цагт Хятадын эзэн хаадын л зорин очдог байсан нууцлаг орд харш мэт газар Бээжингийн түүхэн дурсгалт Yonghe Temple (Lama Temple)-ийн эсрэг талд байдаг. Хар хувцастай хамгаалагчдын хараа хяналтын цаана нарийн чулуун зам намуухан үргэлжилнэ.
Манан татсан тэр замын төгсгөлд уламжлалт хятад хувцас дээр энгийн нөмрөг өмссөн эмэгтэй шохойн цагаан хананы дэргэд зогсож байх нь сонин. Тэр хана нь хуучин Бээжингийн хөл хөдөлгөөн ихтэй гудамжийг дотогшоо нэвтрүүлэхгүйгээр тусгаарладаг. Зочдыг тэр эмэгтэй намуухан дохиж, энэ онцгой хоолны ертөнцөд урин оруулна.
Энэ бол өдөр тутам очдог газар биш. Ихэвчлэн гэрлэх санал тавих, хуримын ой тэмдэглэх, эсвэл чухал зочин дайлах зэрэг онцгой мөчүүдэд зориулагдсан ресторан юм.
Гэвч нэгэн төрлийн хүмүүс энд хэзээ ч хооллож чаддаггүй. Тэд бол Хятадын төрийн албан хаагчид.
Тэд тусгай өдөр байсан ч, өөрсдийн мөнгөө төлж байсан ч энэ тансаг ресторанаар үйлчлүүлэх эрхгүй ажээ. Энэ рестораны нэр нь King's Joy юм.
CNN-д мэдээлэл өгсөн, асуудалд ойр эх сурвалжийн хэлснээр өнгөрсөн жилээс эхлэн Хятадын төрийн албан хаагчдыг тус ресторанд хооллохыг засгийн газрын тушаалаар хоригложээ.
"King's Joy" гэсэн хятад нэр нь Бээжин хотын баялаг соёлын өвийг илэрхийлдэг бөгөөд тус хот нь Хятадын дөрвөн эзэнт гүрний нийслэл байжээ.
(Тус ресторанын хятад нэр нь нийлбэр утгаараа "Нийслэл хотын захирагч", "Эзэн хааны нийслэлийг хариуцсан дээд түшмэл" гэсэн санааг илэрхийлдэг)
Энд ширээ захиалах нь маш хэцүү болсон бөгөөд чинээлэг, алдартай хятадууд гадаадын жуулчидтай өрсөлдөн захиалга өгдөг. Мөн өсөн нэмэгдэж буй Хятадын дундаж давхаргынхан ч энд ирэхийг хүсэх болжээ. Ресторан зөвхөн Хятадад ургуулсан орцоор хийсэн цэвэр цагаан хоолоороо алдартай.
Энгийн мэт хоол хийх аргуудыг ашиглан бэлтгэсэн хоолнуудаа сонгодог хэв маягийн орчинд маш нарийн чамин байдлаар таваглаж, Зэн (Zen) уур амьсгалыг бүрдүүлдэг.
Дотор талд нь өнгөлсөн хар гантиг шал гүн нуур мэт үргэлжилнэ. Ширээнүүдийг түүний эргэн тойронд байрлуулж, төв хэсэгт нь ятга хөгжимчид тоглодог.
Өдрийн цагаар улирлын өөрчлөлт, байгалийн гэрэл нь цонхоор харагдах дотоод цэцэрлэгийг улам үзэсгэлэнтэй болгодог бол орой болоход торгон гэрлэн бүрхүүл, лааны дөлөөр орчныг гэрэлтүүлдэг аж.
King's Joy-ийн амжилтыг "амжилттай" гэж хэлэх нь хангалтгүй.
Энэ бол дэлхий дээрх Michelin-ийн гурван одтой тогтвортой хөгжлийн Green Star шагналтай цорын ганц хятад ресторан юм.
Мөн дэлхийн шилдэг ресторануудын жагсаалт болох World's 50 Best Restaurants байгууллагаас "Цагаан хоолны дэлхийн стандарт" хэмээн нэрлэжээ.
Тус рестораны бизнесийн загварыг 2019 онд Harvard Business School сургалтын кейс судалгаа болгон ашигласан байна.
Хятадын зөөлөн хүчийг (soft power) дэлхийд сурталчлахад ихээхэн хувь нэмэр оруулж буй ийм алдартай рестораныг төрийн албан хаагчдад хориглосон нь эхэндээ логикгүй мэт санагдана.
Гэвч эх сурвалжийн мэдээлснээр өнгөрсөн жилээс эхлэн Бээжин хотын хэдэн арван байгууллагын нэгэн адил King's Joy-д төрийн албан хаагчид очихыг хоригложээ. Энэ жагсаалт олон нийтэд ил биш бөгөөд албан ёсны тайлбар ч байхгүй. Хамгийн боломжит шалтгаан нь үнэ байж магадгүй.
Энд нэг хүний хоолны үнэ 250 ам.доллароос эхэлдэг бөгөөд энэ нь Хятадын удирдагч Ши Жинпинийн олон жилийн турш хэрэгжүүлж буй авлигатай тэмцэх бодлоготой зөрчилдөж магадгүй юм.
Ши Жиньпин тансаг найр, архидалт нь Коммунист намын ёс суртахууны доройтолд хүргэдэг гэж үзэн, үүнийг авлигын эсрэг дайны гол бай болгон иржээ.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Хятадын Статистикийн газрын 2025 оны мэдээллээр Бээжин дэх төрийн албан хаагчдын сарын дундаж цалин ойролцоогоор 1600 ам.доллар байдаг.
Ийм орлоготой хүмүүс өндөр зэрэглэлийн газруудаар тогтмол үйлчлүүлбэл:
Төсвийн мөнгийг буруу зарцуулсан мэт харагдах,
Эсвэл хахууль авсан гэсэн хардлага төрүүлэх эрсдэлтэй.
2014 онд ч гэсэн Бээжин авлигатай тэмцэх ажлаа эрчимжүүлэхдээ олон тансаг хувийн клубуудыг хааж байжээ. Ши Жиньпин өөрөө ч энгийн хоолыг эрхэмлэдэг гэдгээрээ алдартай. 2013 онд тэрээр Бээжингийн нэгэн гудамжны ресторанд уурын банш авахын тулд жирийн иргэдтэй хамт дараалалд зогсож буй зураг нийтлэгдсэн нь ард түмэнд ойр дүр төрхийг харуулах зорилготой байв.
King's Joy нь Бээжингийн хуучин эзэнт гүрний төв хэсэгт, Forbidden City-ээс (Хориотой хот) ойролцоогоор 6.5 км зайд байрладаг. Мөн төрийн яамд болон гадаадын элчин сайдын яамд байрладаг бүсээс хэдхэн метроны буудлын зайтай.
Тус рестораны ерөнхий тогооч Gary Yin хэлэхдээ:
Бээжин бол соёл, улс төр, түүхийн хувьд маш нөлөө бүхий хот учраас бид өндөр зэрэглэлийн хоолны урлагийг сонгосон.
Тэрээр цааш нь:
Нөлөө бүхий хүмүүсийг цагаан хоол болон тогтвортой хооллолтыг дэмжигч болгохыг хүсэж байна. Хэрэв төрийн албан хаагчид эдгээр үзэл санааг дэмжвэл амьтны хамгаалал, хүнсний ногооны хэрэглээ, органик хөдөө аж ахуйг дэмжих хууль тогтоомжид эерэгээр нөлөөлж чадна.
Гэр бүлийн тэргүүн Дэвид Иен насан туршдаа цагаан хоолыг дэмжиж ирсэн бөгөөд 2010 онд King's Joy-г байгуулжээ.
Түүний гэр бүл:
1966 онд Бээжингээс Тайвань руу нүүж, тэндээ Хааны ордны хэв маягийн нарийн боовны ресторан ажиллуулж байсан,
Дараа нь 1995 онд Канад руу шилжсэн, 2010 онд Бээжинд эргэн ирж ресторанаа байгуулсан байна.
Одоо хүү Гари Иен рестораныг удирддаг бол охин Мия Иен амттан хариуцдаг.
2012 онд үүдээ нээснээс хойш тус ресторанд дараах алдартнууд зочилжээ.
Хэвлэлийн магнат Руперт Мердок
Ашин
Сержио Маттарелли
Мөн Бернхард Шваншдер нар ирж үйлчлүүлжээ.
Тэд мах, загас огт хэрэглэдэггүй мөртлөө гайхалтай амттай хоол хийдэг. Маш хөнгөн, маш шинэхэн атлаа үнэхээр амттай. Ресторан өөрөө ч гоо үзэсгэлэнгийн баян бүрд юм.
хэмээн магтжээ.
King's Joy-ийн цэс хоёр долоо хоног тутам шинэчлэгддэг. Хятадад зөвхөн дөрвөн улирал байдаггүй. Жилийг:
"Борооны ус"
"Цагаан шүүдэр"
зэрэг яруу найргийн нэртэй 24 нарны мөчлөгт хуваадаг.
Тогооч Гари Иен
Хятад улс хоол хийх маш баялаг уламжлалтай мөртлөө өнөөг хүртэл олон ресторан хүнсний ногоог хоолны гол дүр болгож чаддаггүй нь харамсалтай.
гэжээ.
Тэрээр Тайланд, Энэтхэг болон өрнөдийн орнууд хүртэл хүчирхэг цагаан хоолны соёл хөгжүүлж чадсан байхад Хятад улсад амттай цагаан хоол идэх нь хэвийн зүйл байх ёстой гэж үздэг.
Хятадын төрийн өмчит хэвлэл мэдээллийн 2024 оны судалгаагаар хятадуудын ойролцоогоор 4% нь өөрсдийгөө цагаан хоолтон гэж тодорхойлдог байна.
Харин 2016 оноос эхлэн Хятадын албан ёсны Хоол тэжээлийн зөвлөмжид цагаан хоолтнуудад зориулсан тусгай зөвлөмжүүд багтах болжээ. Хятадын хоол судлаач, Британийн зохиолч Фушиа Данлоп:
Буддын шашинтнуудад бус, энгийн хэрэглэгчдэд зориулсан өндөр зэрэглэлийн цагаан хоолны ресторан байгуулсан нь маш хувьсгалч алхам болсон.
Тэрээр нэмж хэлэхдээ:
Өөр нэг хувьсгалч зүйл нь тэд маш үнэтэй байдагт оршиж байна. Хүмүүсийг зөвхөн хүнсний ногоогоор хийсэн хоолонд их мөнгө төлөхөд бэлэн болгоно гэдэг маш том өөрчлөлт юм.
гэжээ.
Түүний үзэж байгаагаар өнөөдөр хүмүүс шашны шалтгаанаар бус, амьдралын хэв маягийн сонголтын үүднээс цагаан хоолыг илүү их сонирхох болсон байна.
