Буддын шашны лам нар АНУ-ын Техас мужаас Вашингтон хот хүртэлх 2,300 миль (3'680 км) “Энхийн алхалт”-аа амжилттай өндөрлөж чадлаа. "Энхийн алхалт" АНУ-ын Вашингтон хотын Үндэсний цэцэрлэгт хүрээлэнд бариандаа орж, ёслол төгөлдөр өндөрлөсөн байна. Тус хүрээлэнд олон зуун хүн цугларч, лам нартай цэцэг барин мэндчилж салах ёс хийн гэр рүү нь үдэн гаргаж өгчээ.

“Олон улсын эмэгтэйчүүдийн эрхийг хамгаалах өдрийн мэнд хүргэе 💜 Энэ өдрийг тохиолдуулан би "ELLE España" сэтгүүлд дэлгэрэнгүй ярилцлага өглөө. Ярилцлагадаа эмэгтэйчүүдийн эдийн засгийн хараат бус байдал, өөрийн карьерын замнал, мөн Европын Төв Банкнаас хэрэгжүүлж буй "EuroSteps Challenge" санаачилгын талаар ярилаа.”

Японы Эзэн хаан Нарүхито 66 нас хүрлээ. Хэвлэлийн бага хурлын үеэр тэрээр охин Айко гүнжийнхээ өсөж торниж буйд баяртай байгаагаа илэрхийлж, "түүнээс сонсох түүх бүхэн нь үргэлж шинэхэн, үл мэдэх ертөнц рүү аялж буй мэт санагддаг" хэмээн хэлжээ.

БНСУ-ын шүүх 2024 оны арванхоёрдугаар сард цэргийн онц байдал тогтоохыг оролдсон хэрэгтэй нь холбогдуулан эрх мэдлээ урвуулан ашигласан, төрийн эсрэг бослого зохион байгуулсан гэмт хэрэгт буруутайд тооцож, Ерөнхийлөгч асан Юн Сок Ёльд бүх насаар нь хорих ял оноолоо.

"Төрийн тэргүүнүүдийн дипломат харилцаа нь БНХАУ-АНУ-ын харилцаанд орлуулшгүй стратегийн чиглүүлэгч үүрэг гүйцэтгэдэг" гэж БНХАУ-ын Гадаад хэргийн яамны хэвлэлийн төлөөлөгч Линь Жянь пүрэв гарагт болсон ээлжит хэвлэлийн бага хурлын үеэр, хоёр талын дээд түвшний харилцааны талаарх асуултад хариулахдаа мэдэгдэв. Линь Жянь "Саяхан утсаар ярихдаа АНУ-ын Ерөнхийлөгч Дональд Трамп дөрөвдүгээр сард Хятадад айлчлах хүсэлтэй байгаагаа дахин илэрхийлсэн бөгөөд БНХАУ-ын дарга Ши Жиньпин урилгаа дахин баталгаажуулсан байна. Энэ асуудлаар хоёр тал харилцаагаа үргэлжлүүлэн хадгалж байгаа аж. Мөн Хятад-АНУ-ын эдийн засаг, худалдааны харилцааны мөн чанар нь харилцан ашигтай, хоёр талын хамтын ажиллагааны үр дүнд оршдог гэж Линь Жянь онцоллоо.