Амтат кофе

Демна "Gucci"-ийн шинэ уран бүтээлч захирал боллоо

НИЙТЭЛСЭН:

2025-03-15 09:30

Гүржийн уран бүтээлч Демна "Баленсиага" дахь ажлаа 7-р сарын 9-ний кутюр шоутайгаа дуусгаж, Gucci-д шилжинэ. Түүний залгамжлагч одоогоор тодроогүй байна.

Демна Баленсиагад ажиллах хугацааг дуусгаж, Gucci-гийн шинэ уран бүтээлч захирлаар томилогдож байна. Түүнийг Gucci-гийн ирээдүйд хүчтэй бүтээлч салхи оруулах зорилгоор урьсан талаар Kering группын төв байранд болсон хэвлэлийн хурлаар Gucci-гийн гүйцэтгэх захирал Стефано Кантино мэдэгдлээ.

Кантино хэлэхдээ:

"Демна Gucci-д үнэхээр онцгой зүйлийг авчирна. Түүний өнөө цагийн загварын талаарх ойлголт нь маш өвөрмөц, энэ бол яг л Gucci-д хэрэгтэй зүйл."

Мөн тэрээр:

"Бид түүнийг өөрийн үеийн шилдэг бүтээлч захирлуудын нэг гэж итгэж байна. Тэрээр Баленсиагагийн өнгө төрх, үзэл санааг бүхэлд нь шинэчилж чадсан шүү дээ." гэсэн байна.

Баленсиага дахь эцсийн шоу, Gucci дахь шинэ эхлэл

Kering-ийн дэд ерөнхийлөгч Франческа Беллеттини мэдээлэхдээ, Демна 7-р сарын 9-нд Баленсиагагийнхаа кутюр шоутай салах ёс хийнэ. Үүний дараа тэр Gucci-д албан ёсоор орно.

Демнагийн анхны Gucci-гийн цуглуулга хэзээ гарах нь одоогоор тодорхойгүй бөгөөд "брэндийг бүхэлд нь шинэчлэх" томоохон ажил түүнийг хүлээж байгаа гэж Беллеттини онцолсон.

Gucci-ийн шинэ эрин

Демнагийн өмнөх захирал Сабато Де Сарно 2 жилийн хамтын ажиллагааны дараа энэ оны 2-р сард гарсан юм. Түүний оронд түр хугацаанд Gucci-гийн дизайны баг 2025 оны намрын шоуг хийсэн.

Сүүлийн жилүүдэд Gucci борлуулалт муудсан ба 2024 оны 4-р улиралд борлуулалт 24 хувиар буурчээ. Энэ нь шинжээчдийн таамагласан 23 хувиас илүү уналт байв. Kering группын нийт ашгийн 63 хувийг эзэлдэг Gucci-ийн хувьд шинэ захирал томилох шаардлага тулгарсан.

Kering-ийн ерөнхийлөгч Франсуа-Анри Пино:

"Gucci заавал эргэн ирнэ, үүнд би огтхон ч эргэлзэхгүй байна."

Мөн тэрээр:

"Демнагийн бүтээлч хүч бол яг л Gucci-д хэрэгтэй зүйл." гэжээ.

Ивээн тэтгэгчтэй агуулга

"Энержи Ресурс" ХХК 🤝 Хамтдаа цөлжилттэй тэмцэж, ногоон ирээдүйг бүтээцгээе.

🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿

Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ👷‍♂️👷‍♀️

🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷‍♂️👷‍♀️

“Монголын төмөр зам” ТӨХК-иас хэрэгжүүлж буй Багахангай–Хөшигийн хөндий–Эмээлт чиглэлийн төмөр замын төслийн бүтээн байгуулалт . . .

Демнагийн туршлага

Демна (бүтэн нэрээрээ Демна Гвасалия) бол Гүрж улсын Тбилиси хотод төрсөн, Бельгийн Антверпенийн дүрслэх урлагийн хааны академид загварын мэргэжлээр төгссөн дизайнер. Тэрээр Maison Margiela, Louis Vuitton, Vetements зэрэг алдартай брэндүүдэд ажиллаж байсан туршлагатай.

Vetements-ийг 2014 онд үүсгэн байгуулж, гудамжны хэв маягийг загварын гол чиг хандлага болгож чадсан. Баленсиагагийн захирлаар 2015 онд томилогдон, брэндийн өнгө төрхийг бүрэн шинэчилж, oversized пиджак, платформ кет, хачирхалтай хамтын ажиллагаанууд (түүнд Gucci-тэй хамтарсан "Hacker Project" орно) зэргийг гаргасан.

Түүний Balenciaga-д хийсэн шоу үзүүлбэрүүд бол жинхэнэ шоу, уран сайхны тайзтай, хүчтэй мессежтэй байдгаараа алдартай. Гэсэн ч 2022-2023 онд Баленсиага хүүхдийн сэдэвтэй сурталчилгааны маргаантай холбогдон, шүүмжлэлд өртөж байв.

Gucci-д юу хийх вэ?

Кантино хэлэхдээ:

"Демна Balenciaga-ийн хэв маягийг шууд хуулбарлахгүй. Харин Gucci-д тохирсон бүтээл хийх болно."

Беллеттини бас нэмэхдээ:

"Демна брэндийн түүх, өв соёлыг судалсан бөгөөд түүний түүхийг орчин үеийн загвартай хослуулах чадвартай."

Демна өөрөө:

"Gucci-ийн гэр бүлд нэгдэх болсондоо маш их баяртай байна. Энэ бол миний гүн хүндэтгэлтэй ханддаг брэнд. Бид хамтдаа Gucci-ийн шинэ бүлгийг бичнэ гэж итгэж байна."