Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
July 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 4.35% |
 | Швейцарь | 0.0% |
 | Канад | 2.25% |
 | Япон | 1.0% |
 | БНХАУ | 3.0% |
 | Англи | 3.75% |
 | АНУ | 3.75% |
 | ЕХУ | 2.40% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 4.35% |
| Швейцарь | 0.0% |
| Канад | 2.25% |
| Япон | 1.0% |
| БНХАУ | 3.0% |
| Англи | 3.75% |
| АНУ | 3.75% |
| ЕХУ | 2.40% |
Энэхүү нийтлэл 2026 оны гуравдугаар сарын 13-нд БНХАУ-ын нэгэн сайтад нийтлэгдсэн болно.
БНХАУ-ын нэгэн их сургууль өнгөрсөн жил хиймэл оюун ухааны (AI) нөлөөллийг үндэслэн урлаг, хүмүүнлэгийн зарим мэргэжлийг хаах шийдвэр гаргасан нь энэ долоо хоногт Хятадын олон нийтийн сүлжээнд ширүүн маргаан өрнүүлэхэд хүргэлээ.
Энэхүү хэлэлцүүлэг нь жил бүр болдог Хятадын улс төрийн томоохон арга хэмжээ болох "Хоёр чуулган"-ы үеэр Бээжин хот дахь Хятадын Харилцаа Холбооны Их Сургуулийн удирдах албан тушаалтан бөгөөд Хятадын Улс Төрийн Зөвлөлдөх Ардын Зөвлөлийн гишүүн Ляо Шянжунгийн хэлсэн үгнээс үүдэлтэй юм.
Тэрээр
Ирээдүй бол "хүн ба машин хамтран ажиллах эрин үе" болох тул гэрэл зураг, комикс зэрэг бакалаврын мэргэжлүүдийг цуцалсан.
гэж мэдэгджээ. Энэ мэдэгдлийн видео бичлэг дараа нь Хятадын Weibo нийгмийн сүлжээний хамгийн их хэлэлцэгдсэн таван сэдвийн нэг болсон байна.
Хэвлэл мэдээлэл, урлагийн чиглэлээр Хятадын шилдэг сургуулиудын нэг гэж тооцогддог Хятадын Харилцаа Холбооны Их Сургууль 2025 онд дараах таван урлагийн мэргэжлийг цуцалсан байна.
Гэрэл зураг (Photography)
Комикс (Comics)
Дүрслэх харилцааны дизайн (Visual Communication Design)
Шинэ медиа урлаг (New Media Art)
Загварын дизайн (Fashion Design)
Үүний оронд дараах гурван бакалаврын шинэ хөтөлбөрийг нээжээ.
Ухаалаг дүрслэлийн урлаг (Intelligent Imaging Art)
Ухаалаг дүрс, дууны инженерчлэл (Intelligent Audiovisual Engineering)
Ухаалаг инженерчлэл ба бүтээлч дизайн (Intelligent Engineering and Creative Design)
Интернэт хэрэглэгчдийн зарим нь энэхүү өөрчлөлтийг "Хэт гэнэтийн шийдвэр" гэж шүүмжилсэн бол, зарим нь AI эцэстээ ихэнх академик салбарыг орлох болно гэж үзжээ.
"Мэргэжлүүдийг бүрэн устгаагүй, нэгтгэсэн"
Гуравдугаар сарын 10-нд Ляо Шянжун дотоодын хэвлэлүүдэд тайлбар өгөхдөө эдгээр мэргэжлийг бүрэн устгаагүй, харин найман жилийн турш үргэлжилж буй сургалтын бүтцийн шинэчлэлийн хүрээнд илүү өргөн хүрээтэй мэргэжлийн ангилалд нэгтгэсэн гэж мэдэгдэв.
Тэрээр жишээ болгон:
Уламжлалт гэрэл зургийн мэргэжил бие даасан салбар хэлбэрээр оршин тогтнох боломжгүй болсон. Өнөөдөр хүн бүр өөрийн мэдээллийн сувагтай контент бүтээгч, бичигч болж чаддаг болсон.
Иймээс гэрэл зургийн мэргэжлийг "Кино, телевизийн гэрэл зураг ба продакшн" хөтөлбөрт нэгтгэжээ.
Орчуулгын мэргэжлийг ч хаажээ
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
Тус сургууль мөн дараах мэргэжлүүдийг хаасан байна.
Хүмүүнлэгийн 3 мэргэжил (үүнд орчуулга багтсан)
Эдийн засаг, менежментийн 6 мэргэжил
Шинжлэх ухаан, инженерчлэлийн 2 мэргэжил
Ляо Шянжун:
Орчуулгын ажлын ихэнхийг AI аль хэдийн орлож эхэлсэн. Тодорхой нэг хэлний орчуулагч бэлтгэхийн тулд дөрвөн жилийн сургалтын хөтөлбөр ажиллуулах нь улсын нөөцийг асар их үр ашиггүй зарцуулж байгаа хэрэг.
Мөн AI-д хэт найдаж, сурагчдын чадвар доройтохоос сэргийлэх дүрэм журам боловсруулсан ч яг ямар арга хэмжээ авсныг тодорхой тайлбарлаагүй байна.
Сүүлийн үед дараах их сургуулиуд мөн урлагийн чиглэлийн мэргэжлүүдээ хаахаа зарлажээ.
Jilin University
East China Normal University
Nanchang University
Эдгээр сургуулиуд жүжиг, кино зохиол, нэвтрүүлэг, найруулга, анимэйшн зэрэг мэргэжлүүдийг хааж байна. Энэ нь 2025 онд эхэлсэн гурван жилийн боловсролын шинэчлэлийн бодлоготой холбоотой бөгөөд AI, шинжлэх ухаан, өгөгдөлд суурилсан хөтөлбөрүүдийг өргөжүүлэх зорилготой юм.
Үүний зэрэгцээ шинэ үеийн AI хэрэгслүүд хүний уран бүтээлчдийг орлох боломжтой болсон талаар маргаан улам ширүүссээр байна.
Мэргэжил нь өөрчлөлтөд өртсөн оюутнуудын ярьснаар энэ бүхэн тэдний хувьд гэнэтийн зүйл биш байжээ. Нэрээ нууцалсан гэрэл зургийн ангийн нэг оюутан:
Бид бүгд санаа алдсан ч хүчтэй сэтгэл хөдлөл байгаагүй. Миний хувьд AI ашиглах нь ердөө л өөр нэг бүтээлч хэрэгсэл, шинэ орчинд шилжиж байгаа хэрэг. Хамгийн чухал зүйл нь миний өөрийн сэтгэх чадвар юм.
Тэрээр багш нар нь хамгийн багадаа 2022 оноос эхлэн хичээл дээр AI хэрэгслүүдийг ашиглуулж эхэлсэн гэж ярьжээ.
Урлагийн сургуулиуд AI-ийг идэвхтэй нэвтрүүлж байна
Хятадын урлагийн их сургуулиуд AI-ийг сургалтдаа улам өргөн нэвтрүүлж байна. 2024 онд Tianjin Academy of Fine Arts Хятадын анхны "Хиймэл оюун ухааны урлагийн сургууль"-ийг байгуулжээ.
2025 онд China Academy of Art "Хиймэл оюун ухаан ба дижитал урлагийн дизайн" чиглэлээр мэргэжлийн докторын хөтөлбөр нээсэн байна.
Хятадын Харилцаа Холбооны Их Сургуулийг төгссөн дүрслэх харилцааны дизайны нэгэн төгсөгч ингэж хэлжээ.
