Бичил мэдээ
Шинэ мэдээ
Их уншигдсан
АУДИО
ABBA - I Do, I Do, I Do, I Do
АРХИВ
June 2026
| Su | Mo | Tu | We | Th | Fr | Sa |
|---|---|---|---|---|---|---|
 | Монгол | 12.00% |
 | Австрали | 3.6% |
 | Швейцарь | 0.0% |
 | Канад | 2.25% |
 | Япон | 0.50% |
 | БНХАУ | 3.0% |
 | Англи | 4.00% |
 | АНУ | 3.75% |
 | ЕХУ | 2.15% |
| Su | Mo | Tu | We | Th | Fr | Sa |
|---|---|---|---|---|---|---|
| Монгол | 12.00% |
| Австрали | 3.6% |
| Швейцарь | 0.0% |
| Канад | 2.25% |
| Япон | 0.50% |
| БНХАУ | 3.0% |
| Англи | 4.00% |
| АНУ | 3.75% |
| ЕХУ | 2.15% |
🕯 Нөхцөл байдлын тойм:
Нэг хүний амь нас аюултай байдалтай
Галт тэрэгний ажилтан этгээдийг зогсоох гэж оролдохдоо шархаджээ
Хоёр Британи эрийг баривчилснаас нэг нь суллагдсан
Хаан Чарльз “үнэхээр цочирдсон” гэж мэдэгдсэн
Терроризмтой холбоогүй
Их Британы нийслэл Лондон хотоос хойд зүгт орших Кембрижийн ойролцоох Хантингтон өртөөнд галт тэрэг зогсоход зэвсэгт цагдаа нар дайран орж, олон хүнийг хутгалсан сэжигтнийг баривчилжээ. Энэ аймшигт хэрэгт 32 настай Британи хар арьст эр ганцаараа холбоотой болохыг цагдаа нар тогтоосон байна.
Өөр нэг эрийг хэрэгтэй холбоотой хэмээн баривчилсан ч ням гарагт (11-р сарын 2-нд) хэрэгт холбогдолгүй гэж үзэн сулласан байна.
Цагдаа нарын мэдээлснээр 11 хүн эмнэлэгт хүргэгдэж, нэг нь амь насанд аюултай байдалтай байгаа гэнэ. Гэмтсэн хүмүүсийн дунд галт тэргэнд ажилладаг нэг ажилтан байсан бөгөөд тэр этгээдийг зогсоох гэж оролдсон байна.
Цагдаагийн мэдэгдэлд:
“Галт тэрэгний хяналтын бичлэгийг шалгахад тухайн ажилтны үйлдэл үнэхээр баатарлаг байсан нь тодорхой байна. Тэр олон хүний амийг аварсан,” гэжээ.
Олон хүнийр хутгалсан даруйд алан хядагчдын (терроризмийн) эсрэг цагдаагийн хэсэг мөрдөн шалгалтад тусалсан ч, дараа нь тус хэрэг терроризмтой ямар ч холбоогүй болохыг тогтоожээ.
Цагдаа нар одоо хэргийн өмнөх үйл явдал болон сэжигтний гарал үүсэл, өнгөрсөн байдлыг тогтоох ажилд анхаарч байгаа бөгөөд хэргийн газраас хутга хураан авсан байна.
Цагдаагийн дэд дарга Стюарт Канди:
“Мөрдөн шалгах ажиллагаа хурдан явагдаж байна. Энэ хэрэгтэй холбогдуулан өөр хэнийг ч эрж хайх шаардлагагүй гэдэгт бид итгэлтэй байна,” гэж мэдэгджээ.
🌱 Ухаа худаг уурхай нь цөлжилттэй тэмцэх, ногоон байгууламжийг нэмэгдүүлэх зорилгоор Цогтцэцийд мод үржүүлгийн талбай, ойн зурвас байгуулж, сүүлийн 17 жилийн турш тууштай арчлан ургуулж байна. 🌳🌿
🇲🇳Монгол Улсын Засгийн газар, МҮХАҮТ-аас жил бүр зохион байгуулдаг ТОП 100 аж ахуйн нэгжийн жагсаалтад Энержи Ресурс компани 16 дахь жилдээ шалгарч, 2025 оны ТОП 4-т эрэмбэлэгдлээ.👷♂️👷♀️
Цагдаа нарын мэдээлснээр сэжигтэн нь Лондоноос 160 км-ийн зайд орших Питерборо хотын хар арьст Британи иргэн бөгөөд галт тэргэнд тэндээс суусан байна.
Гэрч Олли Фостер:
“Би Лондон чиглэлтэй галт тэргэнд сууж явтал нэг хүн гүйж ирээд ‘нэг эр хүн бүгдийг хутгалж байна!’ гэж орилоод өнгөрсөн.
Би сандалдаа гараа тавиад хартал гараа цусаар дүүрсэн байхыг харсан. Дараа нь сандлыг харахад цус нэвт шингэсэн байсан. Өмнөх бүх сандал дээр цус байсан,” гэж хэлжээ.
Өөр нэг гэрч Sky News-д “Сэжигтэн том хутга сэлэм маягаар далайлгаж байсан ба цагдаа нар цахилгаан буугаар (taser) нам дарсан” гэж мэдүүлжээ.
Ерөнхий сайд Кир Стармер “Аймшигт, сэтгэл түгшээсэн хэрэг” хэмээн мэдэгдсэн бол Хаан Чарльз III “Үнэхээр цочирдож, гүнээ харамссан” гэжээ.
Сүүлийн 10 жилд Англи, Уэльсэд хутгатай холбоотой гэмт хэрэг 87% өссөн бөгөөд 2024 онд нийт 54,587 хэрэг бүртгэгдсэн нь Европын хамгийн өндөр үзүүлэлтүүдийн нэг болжээ.
Дотоод хэргийн сайд Шабана Махмуд “гүнээ харамсаж байна” гэж хэлээд, “хэрэгтэй холбоотой баталгаагүй цуурхал тараахгүй байхыг” уриалжээ.
Өмнө нь 2024 онд хойд Английн Саутпорт хотод гурван охин хөнөөгдсөн хэргийн дараа нийгмийн сүлжээнд тарсан худал мэдээлэл улсын хэмжээнд үймээн самуун үүсгэж байсан тул засгийн газар одоо ийм төрлийн мэдээллийг хязгаарлахад анхаарч байгаа аж.
Хэргийн мөрдөн шалгах ажиллагаа үргэлжилж байгаа бөгөөд цагдаа нар иргэдийг тайван байхыг, баталгаагүй мэдээлэл түгээхгүй байхыг анхааруулж байна.
